【飲食情報】旺角露天酒吧$99任食雞翼90分鐘│加碼食埋薯條甜品每位$149

飲食 2021-04-13

「燒雞翼，我鍾意食！」香港人真係好鍾意食雞翼，雞翼口味變化多，食極唔厭！旺角有間露天酒吧推出90分鐘任食雞翼優惠，俾你一次過歎盡6款口味雞翼，每位只係$99。齋食雞翼唔夠喉？雞翼加埋薯條和甜品任食，每位都係$149。

旺角露天酒吧Upper Bar & Restaurant最近推出網上預訂優惠，由即日起至6月30日，每位$99便可在90分鐘內任食6款創口味雞翼，包括：松露牛油雞翼、櫻花蝦燒雞翼、Hot 炸雞翼、天婦羅炸雞翼配紫菜鹽、沙嗲燒雞翼、柚子蜜炸雞翼。任食雞翼放題設指定時段：星期一至四晚上6時至10時；星期六中午12時至下午5時；星期日中午12時至下午5時及晚上6時至10時。優惠必須在網上預訂，現場到付原價加一服費費$20。

Upper Bar & Restaurant室內設計走型格工業風。 Upper Bar & Restaurant室內設計走型格工業風。

90分鐘雞翼放題，任食6款創口味雞翼。 90分鐘雞翼放題，任食6款創口味雞翼。

齋食雞翼唔夠喉？呢間酒呢有另一項優惠，雞翼、薯條和甜品放題，每位優惠價$149。放題由即日至6月30日供應，只限指定時段：星期六中午12時至下午5時，以及星期日中午12時至下午5時。放題除咗可任食6味口味雞翼，仲可任食黑松露、紫菜和香辣口味薯條，以及4款甜品，包括：花生脆餅、意大利西西里卷、朱古力心太軟和蘋果批。

薯條炸得黃金香脆。

意式西西里卷係意大利傳統小食。意式西西里卷係意大利傳統小食，外筒由油酥麵皮製成，捲入具有奶油質感的甜餡料，當中有意大利 Ricotta Cheese、橙皮、古力碎，Grand Marnier 香橙干邑甜酒，外層香脆，內裡啖啖甜蜜。

自家製的蘋果批外皮焗得金黃香脆。自家製的蘋果批外皮焗得金黃香脆，蘋果肉酸酸甜甜，甜而不膩。配上雲呢拿雪糕，冰火交融，

衝擊味蕾。

以上兩個放題，食係任食，但飲品要另order。若果要著數攞到盡，仲有另一個連飲品嘅放題俾你選擇。由即日至6月30日，可以在網上預訂90 分鐘任食雞翼及薯條兼無限暢飲雞尾酒及特飲放題，原價每位$300，依家只需$199。放題供應時段有：星期一晚上6時至晚上10時；星期六中午12時至下午5時；星期日中午12時至下午5時及晚上6時至10時。大家除咗可以任食6味口味雞翼、任食黑松露、紫菜及香辣薯條外，仲可以無限暢飲雞尾酒及特飲、生啤、紅白酒。