【飲食情報】大角咀西式濃湯輕食店│本地/素食/低碳/無麩質| likemagazine.com.hk
Special
【飲食情報】大角咀西式濃湯輕食店│本地/素食/低碳/無麩質

【飲食情報】大角咀西式濃湯輕食店│本地/素食/低碳/無麩質

飯餐時間,但有時未必餓到想食好多,只想飲碗熱湯、食塊麵包,或者加個沙律,已覺足夠。大角咀有間新派輕食店,提供市場上少有嘅西式濃湯輕食套餐,並以本地食材、低碳、無麩質和素食為主打,用最健康嘅製作方法,帶來輕盈美味全新餐飲體驗。

 

「壹杯SUPU」其實係「壹碗壹碟」主理人嘅新搞作。由於有見香港人對素食愈來愈接受,而且又覺得香港人生活壓力大,應該對自己身體好啲,一班年輕嘅廚師於是萌生炮製對身體零負擔嘅健康輕食念頭。

 

「壹杯SUPU」在「壹碗壹碟」原址重開,帶來清新嘅餐飲新體驗。「壹杯SUPU」在「壹碗壹碟」原址重開,帶來清新嘅餐飲新體驗。 

 

講少少關於店名嘅由來。「壹杯SUPU」嘅「SUPU」,係日文「湯」嘅讀音。全店走日系清新風格,配合素食給人嘅清新感覺。店舖只設立食或外賣,另外,更推出可以外賣拎走嘅「急凍湯」系列。每杯「急凍湯」經由真空加急凍處理,保質期更加長達3個月。

 

「壹杯SUPU」主打市場上少有嘅西式濃湯輕食套餐。「壹杯SUPU」主打市場上少有嘅西式濃湯輕食套餐。

「壹杯SUPU」只設立食或外賣。「壹杯SUPU」只設立食或外賣,但推出「急凍湯」,方便大家拎濃湯返屋企慢慢歎。

 

「壹杯SUPU」廚師團隊擁有多年酒店餐飲及米芝蓮兩星餐廳經驗,廚藝功夫有一定水準。佢哋堅持使用每日新鮮運送食材,製作絕無添加味精嘅西式濃湯。食材優質,煮出嚟嘅湯更滋味,廚師們更盡力使用本地食材,並會定期落田嚴選季節性作物,確保食材質素。用來裝飾用嘅食用花,都係本地姨姨姐姐親手種植 。小店盡綿力,全力支持本地農業和農夫。

 

甘筍薑湯甘筍薑湯口感清爽,甘筍清甜,本地薑微辛辣,呢排香港天氣又濕又熱,飲呢款湯最啱。 $38/300ml$58/500ml

芫茜濃湯

近期芫茜大熱,芫茜濃湯以新鮮芫茜打成,「茜」味濃郁,滿足一眾「好茜之人」。呢款湯係限量供應架!  $38/300ml$58/500ml

紅菜頭西芹湯紅菜頭西芹湯顏色靚,加入西芹同煮嘅濃湯,味道有意外驚喜。$38/300ml$58/500ml

 

西式濃湯以大量新鮮蔬菜熬製,將蔬菜嘅鮮甜原汁原味奉上,絕無添加味精,甜而不膩,啖啖都係蔬菜嘅精華。每月至少有3款全素濃湯選擇,滿足不同口味嘅你。

 

薯仔大蒜湯薯仔大蒜湯使用本地薯仔加大蒜攪拌而成,大蒜味超香,薯仔加添濃湯綿滑口感。$38/300ml$58/500ml

南瓜藜麥湯南瓜藜麥湯色澤金黃,入口軟綿細滑,但夾雜點點藜麥嘅嚼頭,食味層次豐富。$38/300ml$58/500ml

黃金海膽湯黃金海膽湯4月限定湯款,海膽熬湯,未飲已知係鮮到無比。難得係一啲醒味都無,鮮香甘甜,超乎想像。每踠都有原片海膽浮台,飲前一定要打卡。呢款湯不設外賣及凍湯。$88/300ml

 

 濃湯以外,「壹杯SUPU」提供低碳嘅「本地菜沙律」,營養均衡,簡單健康,對健康零負擔。

 

小米青口沙律小米青口沙律將本地沙律菜混合容易消化吸收及營養價值高嘅小米,再加上帶有獨特鮮味同海水味嘅青口,口感超級豐富。$35(單點)/$25(套餐)

 

野菜沙律廚師嚴選時令本地菜製成野菜沙律,食入口嘅唔止蔬菜嘅鮮甜,更係珍貴嘅本土味。 $30(單點)/$20(套餐)

 

除咗西式濃湯同沙律之外,「壹杯SUPU」亦有多款「法式麵包」。

 

青橄欖包青橄欖包 $20(單點)/$15(套餐)

小法包小法包 $20(單點)/$15(套餐)

無麩質原味卷無麩質原味卷 $22(單點)/$28(套餐)

 

 

INFO

壹杯SUPU

地址:九龍大角咀角祥街2J

電話:5722 8983

 

 

Text:  Josie Yan

 

 

你或會有興趣的相關文章:

【飲食情報】日本燒牛丼元祖登陸旺角│即叫即燒鐵板燒烤牛/豚肉

【飲食情報】網上預訂5星酒店48道菜套餐│每人$247歎冬瓜盅/片皮鴨/鮑魚

相關文章
灣仔慢活主題咖啡店│香港本土食材煲咖啡灣仔慢活主題咖啡店│香港本土食材煲咖啡 Mon cher朗豪坊限定店│必試!限定櫻花堂島卷Mon cher朗豪坊限定店│必試!限定櫻花堂島卷 【飲食情報】尖沙咀凱悅全新法式千層酥│必試!港式奶茶口味【飲食情報】尖沙咀凱悅全新法式千層酥│必試!港式奶茶口味 【飲食情報】中環$480歎6道西班牙菜│烤羊腿/鵪鶉鵝肝/燉牛肚辣腸鍋【飲食情報】中環$480歎6道西班牙菜│烤羊腿/鵪鶉鵝肝/燉牛肚辣腸鍋 沙田市中心燒烤樂園│套餐包工具 / 親手燒乳豬沙田市中心燒烤樂園│套餐包工具 / 親手燒乳豬 中環Kyoto Joe日式素食放題│$380兩小時任食爐端燒炸物等中環Kyoto Joe日式素食放題│$380兩小時任食爐端燒炸物等 【飲食情報】日本燒牛丼元祖登陸旺角│即叫即燒鐵板燒烤牛/豚肉【飲食情報】日本燒牛丼元祖登陸旺角│即叫即燒鐵板燒烤牛/豚肉 【飲食情報】薄餅名店Amalfitana中環開分店│特製煤氣烤爐焗手工薄餅【飲食情報】薄餅名店Amalfitana中環開分店│特製煤氣烤爐焗手工薄餅