【飲食情報】日本燒牛丼元祖登陸旺角│即叫即燒鐵板燒烤牛/豚肉

飲食 2021-04-07

唔係猛龍唔過江，香港人又有口福喇！日本人氣超強嘅「燒牛丼元祖」東京チカラめし宣布將於6月登陸香港，在旺角開設香港首間分店！呢間店出晒名無論牛肉丼和豚肉丼抵食又大件，而且啲肉係以鐵板燒即叫即烤，肉香四溢，食過嘅人都話大滿足！

既然被封為燒牛丼嘅元祖級，東京チカラめし（Tokyo Chikara Meshi）賣嘅牛肉丼，當然有其特色和魅力。首先，燒肉係以鐵板燒烹調，即叫即燒，燒肉味焦香誘人。牛肉淋上特製醬汁，提升肉味。另外，每塊烤肉有一定厚度，烤過後，咬落肉汁豐盈，讓人滿足感爆燈！

東京チカラめし（Tokyo Chikara Meshi）現時於東京、大阪及千葉縣共有5間分店。東京チカラめし（Tokyo Chikara Meshi）分店遍布全日本，高峰時期有多達過百間分店。現時於東京、大阪及千葉縣共有5間分店。

招牌燒牛肉丼招牌燒肉丼

呢間店嘅牛肉丼誇啦啦之外，豚肉丼都有唔少捧場客。豚肉丼內嘅燒肉同樣係以鐵板燒即叫即燒。燒肉大大塊，舖滿成碗飯，未食先興奮。肉塊燒得剛好，微微焦香，熱力逼出油脂，入口多汁可口。

燒肉丼

呢間店唔止提供各款燒牛肉丼及燒豚肉丼等主食，仲有炸雞、味噌湯及蔬菜等作配搭，讓人自由配搭滿滿元氣又甚具風味嘅一餐。

炸雞

INFO

東京チカラめし（Tokyo Chikara Meshi）香港店

開幕日期：2021年6月

地址：香港旺角奶路臣街17號The FOREST地下

Text: Josie Yan

你或會有興趣的相關文章：