好多女生都有經痛嘅問題，有人食藥止痛速速了事，亦有人努力尋求其他舒緩方法。講到坊間秘方，除咗飲紅糖薑茶、敷暖水袋外，原來搽油按摩都有助減經痛。小編最近試咗一款用中藥調配嘅精油，經痛時搽肚按摩一下，痛感緩和咗，來經舒服得多。
經痛成因很多，既可能係子宮內膜血管強烈收縮所致，亦可能因有婦女病如：盆腔發炎、子宮內膜異位等。如果經痛因疾病而起，病向淺中醫，才能徹底解決經痛問題。如經痛因行經時子宮正常收縮所致，與其死忍痛楚，自己受苦，點解唔試下有無方法可以減痛呢？
從中醫角度，「不通則痛」，經痛係因氣血不順所致。本木序創辦人Kaya自言算幸運，只係偶爾經痛，但都試過痛到想嘔，敷暖水袋都唔掂，要食藥止痛。「機緣巧合，認識吳海寧中醫師，佢話唔少女病人都飽受經痛之苦，於是有咗合作研製調經油嘅概念。」
本木序創辦人Kaya自言算幸運，只係偶爾經痛，但都試過痛到要食藥。
吳海寧中醫師選用咗4種常用於痛經閉經嘅傳統中草藥，作為「本木序當歸暖宮調經油」嘅主要成分。Kaya指出：「好多女生經痛，都因為宮寒。當歸有補血作用， 川芎行氣，艾可以溫經通絡，老薑驅寒。呢4種中草藥對宮寒有幫助。」
「本木序當歸暖宮調經油」選用精油以二氧化碳高壓低溫提取，完整保留草本當中有效成分。
精通香薰治療嘅Kaya說，西方都有用精油如：天竺葵、薰衣草等來止經痛，但效果一般。「有聽聞台灣和韓國有類似用作緩經嘅按摩油，但有人用後反映油質太厚太黏，皮膚難吸收。我哋呢款調經油嘅特點係質地好薄，用後唔黏手，而且皮膚吸收快，好快入血，發揮功效。在下腹和下背位置滴4至5滴，按摩一下，便會感到內裡暖和起嚟。」吳海寧中醫師建議，在來經前3天起每天用油按摩，直至來經後3天為止，緩減經痛效果更好。Kaya又說，由於當歸暖宮調經油有行氣活血效用，亦適合長期手腳冰冷或在寒冷環境下工作嘅人。「用調經油按摩一下手腳，有助促進血液循環，感覺暖啲。」
使用調經油按摩一下手腳穴位如：合谷、神門、足三里、三陰交，也有助止緩經痛。
本木序最近開辦瑜伽工作坊及中醫工作坊，使更多受經痛困擾嘅女生了解養宮的理論和方法。「瑜伽都有養宮嘅概念，導師除會教式子外，亦會教按摩手法。按摩時配合使用調經油，有助促進子宮健康。」至於中醫工作坊，由吳海寧中醫師主講，佢會分享痛經嘅原因、針對不同體質嘅改善方法。此外，中醫師更會按參加者嘅體質調配屬於個人嘅中藥油。
本木序開辦「中藥養宮瑜伽工作坊」，瑜伽導師教導養宮式子及按摩手法。
吳海寧中醫師在工作方上剖析痛經原因，並會按參加者體質特性調配個人專屬嘅中藥油。
老薑暖身按摩刮痧套裝適合懷孕媽、坐月媽、哺乳媽及有頭風、肌肉酸痛、感冒發冷人士等使用。
老薑暖身按摩刮痧套裝內嘅特製刮痧板，S形設計，輕巧易用又配合手型，刮痧力度易掌握。
用老薑暖身按摩油進行刮痧，有助刺激經絡，疏散體內淤積不通嘅氣血，促進血液循環，緩減肌肉痠痛。
經痛伴隨小編多年，每次來經首幾天都痛得難以集中精神工作。試用「本木序當歸暖宮調經油」按摩後，明顯感覺下腹有暖流，經痛減輕，舒服得多。溫馨提示大家，調經油只能作輔助，減緩痛楚，並不能當作治療。如經痛問題嚴重，使用前建議諮詢醫生意見。仲有，孕婦及計劃懷孕嘅人不適合使用調經油。
小編試用後，感覺下腹暖起嚟，經痛減輕。
INFO
https://eshop.thepreface.hk/
Text: Josie Yan
你或會有興趣的相關文章：
【小編試用報告】性價比超高真無線藍牙耳機│BONNAIRE MX-930通話降噪出色
【小編試用報告】韓國首創1+2混合配方│自製個人專屬洗髮露