自從真無線藍牙耳機流行後，市面上嘅選擇愈來愈多。要搵到一對啱自己又好用嘅真無線藍牙耳機，小編覺得重點係認清個人需求及預算。如果你正搵緊一對音質、通話及續航力有良好表現嘅真無線藍牙耳機，但價位只係$500至$600左右，小編真心推介BONNAIRE MX-930。呢對真無線藍牙耳機性價比超高，尤其在通話降噪方面，比市面差不多價位嘅出色。如果你平時經常要置身在較嘈吵嘅地方及保持通話，呢對耳機係唔錯嘅選擇。
BONNAIRE MX-930真無線藍牙耳機性價比超高。
BONNAIRE MX-930真無線藍牙耳機在通話降噪方面，比市面差不多價位嘅出色。
近年藍牙耳機不斷創新進步，由無線再進化至真無線，令人真正享受到不受線材束縛嘅自由快感。早期嘅藍牙耳機，有主耳機和副耳機之分，主耳機以無線傳輸音源訊號至副耳機，有機會受到干擾，而且功耗高。但BONNAIRE MX-930真無線藍牙耳機唔止採用TWS 5.0技術，更係雙主機設計，左右耳機無分主次，各自可以直接連手機，大大改善訊號表現，亦減少咗使用時斷線嘅機會。
BONNAIRE MX-930真無線藍牙耳機開箱，內有耳機、電池盒、頸繩、USB充電線、兩對耳膠及說明書。
BONNAIRE MX-930真無線藍牙耳機嘅耳機面殼呈三角形，呢個形狀其實符合人體工學，更貼合耳蝸，倍感舒適。小編試戴後，感覺唔錯，覺得耳機好貼耳，唔會有「有嘢頂住」感覺，長時間戴住都舒適自在。另一個讚賞位係耳機嘅耳柄，市面好多同類型耳機都有條長柄。長柄設計嘅目的係使麥克風更貼近嘴巴，有助收音。但BONNAIRE MX-930真無線藍牙耳機使用短柄設計，提升美觀度和戴起來嘅舒適感，而且保持通話質素，收音強勁。
真無線藍牙耳機嘅耳機面殼呈三角形，呢個形狀其實符合人體工學。
小編試戴耳機，覺得頗貼合耳蝸，倍感舒適。短柄設計，美觀之餘收音強勁。
小編實地去深水埗測試BONNAIRE MX-930真無線藍牙耳機在嘈吵地方嘅通話表現。星期日嘅深水埗非常熱鬧，人多車多嘈音亦多，聲音來自四方八面，正常同朋友行街，傾偈講嘢都要大聲啲，對方先聽得到。小編戴住BONNAIRE MX-930真無線藍牙耳機打電話俾朋友，通話好暢通，而且朋友更表示話音頗清晰，環境背景聲唔係完全無，只係隱隱若若，感覺似被隔濾，唔太影響對話。
小編戴著耳機在深水埗進行測試，不但通話暢通，而且話音清晰。
小編又做過另一個測試，開住音響播歌，然後戴住BONNAIRE MX-930真無線藍牙耳機在喇叭前致電給朋友，朋友表示很能清楚聽到小編嘅人聲，雖然都輕微聽得小編背後播放嘅音樂，但完全唔會阻礙通話。若果身處嘅地方噪音太強，擔心戴住耳機通話收音不夠清，BONNAIRE MX-930真無線藍牙耳機嘅雙主機設計又派上用場，呢個時候你可以使用特定嘅都市模式通話，使用一邊耳機收音，另一邊耳機聆聽對方話音，大大提升耳機嘅通話功能。
若果身處嘅地方噪音太強，擔心戴住耳機通話收音不夠清，可以使用特定嘅都市模式通話。
多數人買藍芽耳機嘅目的，主要想在行動時不受束縛地聽音樂。BONNAIRE MX-930真無線藍牙耳機採用入耳式設計，唔止抗噪能力比較強，有助隔絕環境音，而且穩固性更高。小編又試過戴住耳機用力搖頭，耳機都好穩陣，無甩過出嚟。
隨盒附送兩對不同尺碼耳膠，可按個人需要更換，提升耳機貼耳度及戴後嘅舒服感。
若果真係擔心大動作郁動如跑步和做運動會揈甩耳機，隨盒附有一條柔軟矽樹膠造嘅掛繩，將耳機套上就可無後慮之憂。有咗呢條掛繩，唔需要用耳機時，可以掛喺頸上，唔使急住將耳機放入耳機盒。尤其係跑步健身時，唔使帶耳機盒出街，好方便。另外，隨機配備2對耳膠，可自行選擇最合適自己尺碼嘅更換，提升聽感享受。
隨盒附有一條柔軟矽樹膠造嘅掛繩，套上耳機可掛喺頸上。
另外，小編試過在繁忙時間處身在黃金商場內戴住BONNAIRE MX-930真無線藍牙耳機聽歌，基本上唔多聽到周遭嘈雜嘅人聲。即使小編走近同行嘅朋友，就企喺佢哋隔鄰，而朋友兩人在對話中，小編完全聽唔到佢哋嘅對話，只聽到播緊嗰首歌嘅聲，可見耳機嘅隔音幾好。
小編身處嘈吵嘅黃金商場，戴著BONNAIRE MX-930聽歌，覺得耳機隔音做得幾好。
之前提及，BONNAIRE MX-930真無線藍牙耳機係雙主機設計，呢個設計另一個好處，就係當你將任何一邊作為單耳播歌時，將另一隻耳機從耳機盒耳出，耳機會自動變成立體聲！呢個設計減省咗你將雙耳機由耳機盒拎出配立體聲嘅程序，非常智能方便。
BONNAIRE MX-930真無線藍牙耳機係雙主機設計。
講到聽歌，當然要提一提音質。BONNAIRE MX-930真無線藍牙耳機選用先進精準振膜，配合鈦合金動圈單元，能增強單元嘅靈敏度和動態表現，使高音延伸性更強，呈現非凡嘅穿透力。小編唔係音響發燒友，又唔係「金耳朵」，對中低高音無乜特別研究。純粹以一個普通用家角度試用，覺得BONNAIRE MX-930真無線藍牙耳機播歌，聲音聽落順耳、舒服，高音時唔會有刺耳嘅怪聲，整體聽感享受係滿意嘅。
BONNAIRE MX-930真無線藍牙耳機選用先進精準振膜，配合鈦合金動圈單元。
BONNAIRE MX-930真無線藍牙耳機採用輕觸式設計，而且靈敏度經專業調試，恰度好處。小編試用時，因為生手，所以多次唔小心觸碰到耳機面，中斷與朋友通話。但用多幾次後，熟習咗就無呢個問題。輕觸式唔使按鍵，體驗更爽。
BONNAIRE MX-930真無線藍牙耳機採用輕觸式設計，而且靈敏度經專業調試，恰度好處。
之後再評一評耳機嘅耗電。傳統藍牙耳機因為要靠主耳機傳輸訊號給副耳機，所以功耗頗大。但雙耳機技術，兩隻耳機直接與手機接聯，功耗減少，大大提升續航力。BONNAIRE MX-930真無線藍牙耳機可以做到5.5小時立體聲連續播放，備用時間長達100小時。如需要更長時間使用耳機，其實耳機盒同時係電池盒，將之充滿電，大約可為一對耳機充電約4次。另外，特別一提係耳機盒內有一面小鏡子，讓你低調咁，一邊戴耳機同時整理儀容。
耳機盒同時係電池盒，而且內有小鏡子。
最後要講嘅係BONNAIRE MX-930真無線藍牙耳機擁有IPX5防水防汗級別，戴住去運動唔使擔心汗水和雨水問題。小編嘅心得係，用完後簡單用濕潤嘅布抹淨就可以。日常注意保養，耳機更耐用。
BONNAIRE MX-930真無線藍牙耳機擁有IPX5防水防汗級別，可防汗及雨水。
總括今次試用BONNAIRE MX-930真無線藍牙耳機，如果10分滿分，小編會俾8分。呢部耳機在通話方面表現最有驚喜，以呢個價位得到嘅體驗，物超所值！用嚟聽歌嘅話，表現都唔錯。扣分位主要係耳機盒略嫌大咗啲和厚身，袋喺褲袋會唔好睇。另外，耳機暫時只有黑色，雖然黑色俾人型酷感，但亦有人嫌沉實，希望快啲有多幾種顏色選擇啦！
BONNAIRE MX-930真無線藍牙耳機物超所值！
INFO
www.bonnaireproducts.com/zh-tw/
Text: Josie Yan
你或會有興趣的相關文章：
【飲食情報】九龍城櫻花木煙燻菜式│煙味提升肉香海鮮更鮮
KITKAT高級版日本直送到港│必試！火山島系列及柚子朱古力