粉紅隨意門出沒觀塘!│4月2日快閃4地點| likemagazine.com.hk
精選活動
粉紅隨意門出沒觀塘!│4月2日快閃4地點

粉紅隨意門出沒觀塘!│4月2日快閃4地點

《多啦A夢》呢套動漫陪伴好多人成長,每當見到多啦A夢打開隨意門四處去,或者穿越時空,就羨慕到不得了。大家有無諗過,打開隨意門呢一幕,真係可以成真?今個月初,隨意門曾經在觀塘鬧市出現過,引嚟唔少途人去打卡,以及一試開門嘅快感。

 

隨意門在觀塘出沒,其實係兩位香港城市大學創意媒體學院男學生Patrick和Ben嘅學科習作。 Ben表示:「由細到大都鍾意睇《多啦A夢》,對故事入面無憂無慮嘅生活有憧憬。主角大雄每次遇到困難都有人幫,我都好想好似佢咁。我又好想擁有多啦A夢嘅隨意門,想去邊就去邊,唔受限制和拘束。」Patrick說,若果佢有隨意門,最想去北極。「好想通過隨意門,睇下呢個世界有幾大。去北極,旅費貴,唔係一般人負擔得起。我好想去睇睇北極熊。」

 

Patrick和Ben感謝逗木 (IG@dau_wood)借出場地及指導木工技巧,才能成功製成「隨意門」。PatrickBen感謝逗木 (IG@dau_wood)借出場地及指導木工技巧,才能成功製成「隨意門」。

把木門漆上經典嘅粉紅色。把木門漆上經典嘅粉紅色。

 

打開隨意門唔止係佢哋兩個嘅幻想,Ben相信,好多香港人都一樣。香港人生活節奏急促,生活壓力大,累積好多負能量。Patrick說:「特別係呢一年疫情,令好多人無得去旅行,隨意門可以俾個機會大家幻想下可以去第二個地方,思想上放鬆一下。」Ben又指,隨意門俾香港人一個逃離現實嘅機會。「近年香港轉變大,睇自己成長嘅地方變得陌生,令我有離開嘅想法。隨意門係一對雙向嘅門,可以離開,又可以返嚟。香港始終係我嘅家,係我哋嘅根。如果有隨意門,即使離開咗,都可以隨時返嚟。」

 

隨意門終於完成。隨意門終於完成。

 

童年回憶、香港轉變,加上藝術創作,促成了今次二人嘅學科習作《香港隨意門AnywhereDoor HK》。PatrickBen32日曾推著隨意門在觀塘,進行首個實驗。他們解釋選擇觀塘,因為呢個地方集工、商、住於一區,非常繁忙,而且因交通擠塞、人流太多關係,經常被人咒罵。「隨意門俾呢區嘅人去到第二個地方嘅機會。」二人笑說,雖然只係幻想,但相信打開門呢個動作,可以俾到喺呢區生活或工作嘅人,一個心靈和精神上嘅安慰。

 

隨意門在觀塘鬧市出現,吸引途人注目,唔少主動上前打卡。隨意門在觀塘鬧市出現,吸引途人注目,唔少主動上前打卡。

隨意門俾途人逃離繁忙生活嘅喘息機會。隨意門俾途人逃離繁忙生活嘅喘息機會。

好多人因為年少時喜歡睇《哆啦A夢》,對隨意門有憧憬和幻想。好多人因為年少時喜歡睇《多啦A夢》,對隨意門有憧憬和幻想。

 

粉紅色嘅隨意門在觀塘鬧門出現,非常觸目,很快便吸引了路人嘅目光,更有唔少人主動上前要求打卡。Patrick表示,途人打開隨意門前,佢哋要會要求途人先合上眼,幻想一下打開門後想去到咩地方。「打開門呢個動作,可以係逃離一個地方,亦可以係進入一個地方。我們都想知大家嘅想法。」打卡後,PatrickBen會請途人寫下感想。

 

夢想成真,途人笑不攏嘴。夢想成真,途人笑不攏嘴。

完成打開隨意門嘅夢想,寫下感想作記錄。完成打開隨意門嘅夢想,寫下感想作記錄。

途人感想。途人感想。

 

Patrick印象難忘最深係一位媽媽嘅分享。「佢話小時候佢放學後會追睇《多啦A夢》,依家人大咗,都有睇呢套動漫,因為要陪小朋友睇。雖然身分角色唔同咗,但睇嘅時候依然享受當刻時光。通過呢位媽媽嘅故事,俾我哋知道《多啦A夢》扣著幾代人嘅成長,亦為生活喺節奏急促嘅香港人帶來舒懷放鬆嘅時光。」

 

開心可以好簡單,一對隨意門就為大家送上歡樂。開心可以好簡單,一對隨意門就為大家送上歡樂。

 

Ben最記得係一位送貨姐姐。「佢只係路過遇見我哋,佢為咗打卡,更將手上嘅貨放低晒喺地下。佢表現得好興奮,仲不斷多謝我哋令佢夢想成真。原來《多啦A夢》係佢最鍾意嘅動漫,自小睇已有幻想,好想有一日可以打開隨意門。」

 

打隨意門,既係逃離一個地方,也可以進入另一個地方。打隨意門,既係逃離一個地方,也可以進入另一個地方。

 

《香港隨意門AnywhereDoor HK》將會於42日再進行實驗,當日下午3時至7時會在觀塘4個地點擺放隨意門,歡迎大眾到場打卡和體驗打開隨意門。

 

INFO

《香港隨意門AnywhereDoor HK

日期:42

第一站:下午3時觀塘開源道附近

第二站:下午4時安盛金融大樓大鐵人地標附近

第三站:下午5時觀塘公眾碼頭附近

第四站:下午6時觀塘海濱公園附近 

詳情:https://www.instagram.com/anywheredoor_hk/

 

Text:  Josie Yan 

 

 

 你或會有興趣的相關文章:

【飲食情報】九龍城櫻花木煙燻菜式│煙味提升肉香海鮮更鮮

KITKAT高級版日本直送到港│必試!火山島系列及柚子朱古力

相關文章
【放假chill下】大館6月起早上8時開放│古蹟群下做瑜伽歎優惠早餐【放假chill下】大館6月起早上8時開放│古蹟群下做瑜伽歎優惠早餐 【周末好去處】沙田寵物主題市集│自家製手作 / 寵物用品/ Cosplay服飾 【周末好去處】沙田寵物主題市集│自家製手作 / 寵物用品/ Cosplay服飾 【周末好去處】美少女戰士銅鑼灣期間限定展覽│打卡體驗區+會場限定精品【周末好去處】美少女戰士銅鑼灣期間限定展覽│打卡體驗區+會場限定精品 【玩樂情報】荔枝角全新室内動感遊戲│個人挑戰/組隊競技/合家歡玩樂【玩樂情報】荔枝角全新室内動感遊戲│個人挑戰/組隊競技/合家歡玩樂 【周末玩樂】樂活博覽及亞洲素食展│選購新款素食體驗健康生活【周末玩樂】樂活博覽及亞洲素食展│選購新款素食體驗健康生活 搭港鐵人有三急去邊度解決?│港鐵車站洗手間一覽表搭港鐵人有三急去邊度解決?│港鐵車站洗手間一覽表 【玩樂情報】荃灣海濱期間限定「癲噹開心村」│ 癲噹阿讚貓萌爆造型呃like打卡【玩樂情報】荃灣海濱期間限定「癲噹開心村」│ 癲噹阿讚貓萌爆造型呃like打卡 【玩樂情報】去野餐兩手揈揈出發│借用野餐籃方便又環保【玩樂情報】去野餐兩手揈揈出發│借用野餐籃方便又環保