【飲食情報】薄餅名店Amalfitana中環開分店│特製煤氣烤爐焗手工薄餅

在淺水灣賣意大利薄餅賣到出晒名，兼獲雜誌選為「香港最佳餐廳」嘅Amalfitana，即將喺中環蘇豪區開設第二間分店，讓更多人歎到以意大利專業煤氣薄餅烤爐烤製嘅薄餅，品嚐到意大利正宗手工薄餅嘅滋味。

著名薄餅名店Amalfitana終在中環開設第二分店。

好多人鍾意食意大利薄餅，雖然香港地有唔少主打意大利薄餅嘅餐廳，但其實唔少係「港式改良版」，稱唔上「正宗」。Amalfitana由經驗豐富嘅薄餅廚師 Michel Delgi Agosti 主理，主打連意大利人食過都讚有家鄉風味嘅手工薄餅。

Amalfitana 中環店嘅設計以南意大利卡普里島迷人嘅街頭和庭院，與及地中海和一帶嘅海外線為靈感，為顧客帶來賓至如歸嘅用餐空間。

薄餅廚師 Michel Delgi Agosti經驗豐富。

意大利薄餅嘅美味秘訣，就係麵團。Amalfitana出品嘅薄餅，所用嘅麵團經長時間發酵，加上廚師Michel獨門嘅搓麵團技巧，薄餅焗製出嚟後口感輕盈，而且容易消化。另外，餐廳特別由意大利購入專業煤氣薄餅烤爐，烤製出嚟薄餅外脆內軟，更美味。

餐廳特別由意大利購入專業煤氣薄餅烤爐炮製正宗意大利薄餅。 

意大利薄餅有很多口味，但識食嘅一定要試意大利人最喜愛嘅Margherita。呢款薄餅嘅材料好簡單，不過係番茄醬、水牛芝士和羅勒，但味道一點不平凡。濃郁嘅芝士和微酸嘅番茄醬互相配搭，食味升華，羅勒嘅清香，為濃味嘅芝士和番茄醬帶來平衡。薄餅嘅名字取自意大利王妃，據說由於王妃覺得呢款薄餅顏色正好係意大利國旗上嘅三種顏色，所以用自己名字命名。

Margherita薄餅

Capricciosa薄餅

Parma Ham薄餅

Pepperoni薄餅

Primavera薄餅

Salsiccia E Porchini薄餅

Nutella Pizza薄餅

為復活節而特別炮製嘅EASTER PIZZA，做型可愛。

Amalfitana中環店當然唔係獨沽一味，只賣意大利薄餅。呢度仲有好多特色意大利小食，最適合三五知己聚會，一邊輕酌一邊閒聊。

Burrata

炸魷魚圈

Bocconcini

松露薯條

Tiramisu

 INFO

Amalfitana Central

地址： 中環雲咸街 43-55 號余悅禮行地下 D 及 E 號舖

營業時間：中午 12 時至晚上 10 時 （星期日休息）

網址： www.amalfitana.hk/central

Text:  Josie Yan

 你或會有興趣的相關文章：

【飲食情報】九龍城櫻花木煙燻菜式│煙味提升肉香海鮮更鮮

KITKAT高級版日本直送到港│必試！火山島系列及柚子朱古力