【飲食情報】前四季總廚推麵包零售品牌│酒店級手工麵包超市上架

飲食 2021-03-24

喜歡食麵包嘅你，應該知道灣仔有間啡紅色磚牆烘焙店Bakehouse好出名，店舖門口經常排長龍，招牌牛角包人人試過都讚。呢間店嘅創辦人Grégoire Michaud最近又有新動作，就係推出零售品牌Bread Pantry，將其精心烘製嘅一系列純手工麵包放喺超市等零售店上架，讓更多人試到其出品，隨時食到新鮮手工麵包嘅滋味。

人稱「Greg」嘅Grégoire Michaud係前四季酒店餅房行政總廚，擁有 30 年烘焙經驗，烘焙工藝超凡。佢自立門戶開設嘅麵包批發工場Bread Elements，為本港多間酒店及星級餐廳供應麵包。而位於灣仔嘅烘焙店Bakehouse，更係人氣長龍店，好多人專程去買牛角包、葡撻及其他麵包。

灣仔烘焙店Bakehouse係人氣長龍店，好多人專程去買麵包。灣仔烘焙店Bakehouse係人氣長龍店，好多人專程去買麵包。

雖然Bakehouse都算位於交通方便嘅鬧市，但對於唔喺灣仔一帶居住或工作嘅人嚟講，為嚐到美味麵包經常要去灣仔走一趟，始於唔太方便。Greg最近開設麵包零售品牌Bread Pantry，照顧大眾隨時想食到美味手工麵包嘅需求。

Greg最近開設麵包零售品牌Bread Pantry，並把手工麵包在超市上架。 Greg最近開設麵包零售品牌Bread Pantry，並把手工麵包在超市上架。

在Greg掌舵下嘅Bread Pantry，貫徹使用優質食材，製作過程不添加不必要成分，讓人品嚐到基本原材料真味嘅理念。麵包沿用法國布賽Girardeau家族Suire Mill有機麵粉、來自澳洲卡靈巴 Pepe Saya限量生產嘅優質牛油、法國Guérande海鹽、過濾水，以及經天然培植15年嘅酸種製作，全部經過36小時發酵過程，並經石窯式焗爐烘烤。為保持麵包嘅新鮮度，及減少包裝物對環境嘅影響，Bread Pantry採用 TDPA™可氧化生物降解技術來製造最低限度嘅食品包裝，相比傳統嘅塑膠包裝，該技術將使塑料更快速地進行分解和生物降解。