銅鑼灣南法小餐館│全新春日餐單味蕾輕旅行| likemagazine.com.hk
Special
銅鑼灣南法小餐館│全新春日餐單味蕾輕旅行

銅鑼灣南法小餐館│全新春日餐單味蕾輕旅行

春日帶來嘅感覺,與精緻見稱嘅法國菜好夾。位於銅鑼灣登龍街嘅法國小餐館Les Papilles最近推出全新春日餐單,以香港少見嘅南法食材炮製賣相精緻嘅法國菜式,為味蕾帶來一場春日輕盈之旅。

 

傳統法國菜給人拘緊、著重小節、形式化嘅感覺,Les Papilles以小餐館形式經營,為討厭繁雜餐桌禮儀又想品嚐法國菜滋味嘅人帶來另一種餐飲體驗。

 

Les Papilles以小餐館形式經營,烹調方法以保留食材原味為重,並以精巧賣相示人。Les Papilles以小餐館形式經營,烹調方法以保留食材原味為重,並以精巧賣相示人。

 

Les Papilles在餐廳環境設計很用心,不刻意修整嘅水泥牆和地板,給人感覺原始、簡約。

 

牆上掛上一幅長壁畫,畫中描繪法國人在岸邊舉行派對聚會嘅快樂時光,為餐廳營造輕鬆悠閒嘅氣圍。牆上掛上一幅長壁畫,畫中描繪法國人在岸邊舉行派對聚會嘅快樂時光,為餐廳營造輕鬆悠閒嘅氣圍。

 

Les Papilles嘅主廚Jeff Chan曾於南法米芝蓮二星餐廳Le Jardin Des Sens總店跟法國著名廚師兄弟Jacques Pourcel Laurent Pourcel受訓1年,廚藝實力不凡。佢擅長擅長南法菜式,更善於在傳統菜式原有基礎上,加入亞洲元素及他的獨特見解和創意,創出極具個人風格嘅法國菜式。

 

主廚Jeff 曾在南法米芝蓮二星餐廳學藝。主廚Jeff 曾在南法米芝蓮二星餐廳學藝。

 

全新春春日餐單,每道菜都係Jeff精心之作,保留傳統南法菜式嘅特色,但呈現出來嘅感覺非常輕盈,令人如沐春風。

 

餐前嘅自製紫菜法包,係大廚創意之作,佢因為有見南法盛產紫菜,萌生靈感,將紫菜加入法包之中。食譜按香港人喜好嘅口味調配,麵包皮有別傳統法包,唔會太硬及煙韌,反而咬落香脆。麵包內裡鬆軟,配合海鹽牛油同吃,倍感鹹鮮。

 

自製紫菜法包自製紫菜法包

 

前菜推介有西班牙紅蝦薄片配鷹嘴豆蓉、薄荷醬。傳統上南法煮法係以鷹嘴豆蓉做配搭,但Jeff創新地以法國芝麻醬、本地腐乳加入鷹嘴豆製成鷹嘴豆蓉。腐乳香味更突出西班牙紅蝦薄片嘅鮮甜。另外,Jeff棄用羅勒而改用薄荷做青醬,以及將橙汁濃縮成香橙油醋汁,加強菜式清新不膩嘅味道。

 

西班牙紅蝦薄片配鷹嘴豆蓉、薄荷醬西班牙紅蝦薄片配鷹嘴豆蓉、薄荷醬

 

另一道前菜法式帶子燴海鮮,以忌廉、蛋黃、巴馬臣芝士及麵包碎點綴嘅煎焗帶子,口感外脆內嫰。要細味嘅係被稱為「法國菜中5大母醬」嘅天鵝絨醬,以慢火熬煮45分鐘嘅白魚骨湯底加入忌廉及牛油麵糊,質感濃稠。

 

法式帶子燴海鮮法式帶子燴海鮮

 

另一道匠心之作係濃雞汁燴鮑魚片配羊肚菌忌廉汁,層疊南非鮑魚、法國藍腳雞及羊肚菌,燴以法式香濃雞汁,口感細緻。

 

濃雞汁燴鮑魚片配羊肚菌忌廉汁濃雞汁燴鮑魚片配羊肚菌忌廉汁

 

主菜有數款選擇。馬賽海鮮湯係法國經典名菜,必須用海鰻、飛魚、赤鮋來製作,才能稱為馬賽海鮮湯,否則只是一般魚湯。Jeff以以兩公斤魚熬製4小時後,再將煮腍的魚肉磨蓉加入湯裡,最後只得出1公升魚湯,鮮味極度濃縮,加入用蒜蓉、蛋黃醬、薯仔、藏紅花製成的藏紅花蛋黃醬後,口感更是濃郁。

 

馬賽海鮮湯馬賽海鮮湯

 

另一道主菜係法國阿貝倫羊鞍、玉米蓉、普羅旺斯燉菜、迷迭香汁。Jeff選用南法阿貝倫出產嘅羊鞍,口感更滑,肉色也更粉嫰,油脂比例均勻,無羊羶味。

 

法國阿貝倫羊鞍、玉米蓉、普羅旺斯燉菜、迷迭香汁法國阿貝倫羊鞍、玉米蓉、普羅旺斯燉菜、迷迭香汁

 

法國人愛食芝士,呢間餐廳亦進口咗多款法國芝士。南法芝士拼盤,可以一試過品嚐到莫爾比耶(Morbier)、山羊奶芝士(Mothais),以及一款以綿羊奶製嘅芝士 (Perail) ,口感柔軟,帶有奶的香甜和果仁香味。

 

餐膳尾聲以甜品作結。紅寶朱古力法式千層使用紅寶石朱古力製成。呢種被稱為世上第4種朱古力嘅紅寶石朱古力,擁有天然嘅粉紅色,蘊含莓嘅味道,酸甜有致,美味難忘。

 

INFO

Les Papilles

地址:銅鑼灣登龍街44號登輝大廈地下

營業時間:星期一至六中午12:00至晚上11:30

電話:3114 2389

Facebookhttps://www.facebook.com/lespapilleshk

 

Text:  Josie Yan

 

 你或會有興趣的相關文章:

沙田市中心燒烤樂園│套餐包工具 / 親手燒乳豬

東海薈沙田開新分店│晚市優惠晚晚折扣不同

相關文章
【飲食情報】旺角露天酒吧$99任食雞翼90分鐘│加碼食埋薯條甜品每位$149【飲食情報】旺角露天酒吧$99任食雞翼90分鐘│加碼食埋薯條甜品每位$149 【飲食情報】豚王櫻祭展出日本大師紙雕│限定美食櫻花拉麵/水玄信餅/櫻花酒【飲食情報】豚王櫻祭展出日本大師紙雕│限定美食櫻花拉麵/水玄信餅/櫻花酒 【飲食情報】網上預訂5星酒店4人8道菜套餐│每人$247歎冬瓜盅/片皮鴨/鮑魚【飲食情報】網上預訂5星酒店4人8道菜套餐│每人$247歎冬瓜盅/片皮鴨/鮑魚 東海薈沙田開新分店│晚市優惠晚晚折扣不同東海薈沙田開新分店│晚市優惠晚晚折扣不同 【飲食情報】大角咀西式濃湯輕食店│本地/素食/低碳/無麩質【飲食情報】大角咀西式濃湯輕食店│本地/素食/低碳/無麩質 荃灣日系禪風氈酒試飲室│客製調配雞尾酒Omakase荃灣日系禪風氈酒試飲室│客製調配雞尾酒Omakase 【飲食情報】摩登中菜推10周年三重優惠│沙田乳鴿/焗鮑魚酥/特飲堂食價$10【飲食情報】摩登中菜推10周年三重優惠│沙田乳鴿/焗鮑魚酥/特飲堂食價$10 美國環保組織公布最污糟蔬果清單│士多啤梨長據榜首食前必要沖洗美國環保組織公布最污糟蔬果清單│士多啤梨長據榜首食前必要沖洗