Mon cher朗豪坊限定店│必試！限定櫻花堂島卷

風靡日本大阪嘅殿堂級蛋糕及甜品品牌Mon cher進駐旺角朗豪坊，帶來鎮店甜點「堂島卷 」。為慶祝新限定店開幕，今個春日更有限定櫻花口味「櫻花堂島卷」。食咗當去咗，安撫你掛念日本嘅心情！

2003年在日本大阪創立嘅Mon cher，憑住「堂島卷」一炮而紅，曾創下年銷逾100萬卷嘅驕人成績。Mon cher分店現遍布日本重點城市，包括東京、大阪、名古屋等，至於海外分店則有韓國及上海。其實Mon cher之前已經銅鑼灣SOGO與本港粉絲見面，今次進駐人流熱點旺角朗豪坊，更為喜愛日本甜點嘅嘅人帶來方便，隨時品嚐到幸福甜蜜滋味。

風靡日本大阪嘅殿堂級蛋糕及甜品品牌Mon cher進駐旺角朗豪坊開設限定店。

「堂島卷」係Mon cher人氣最強出品，食材經嚴格挑選，製作至包裝均一絲不。蛋卷內嘅忌廉係使月北海道農場直送牛乳自製嘅生忌廉，入口綿滑香甜，奶香味濃，但完全沒有甜膩感。忌廉與軟熟嘅蛋糕交織出細膩嘅口感，如雲朵般輕盈，好吃到唔停得口。

大阪堂島卷 $208(條裝) /$42(件裝)

芒果堂島卷 $228(條裝)/$55 (件裝)

鮮果堂島卷 $228(條裝) /$46(件裝)

朱古力堂島卷 $218(條裝)/$42(件裝)

伯爵茶堂島卷$208(條裝)/$42(件裝)

春季係櫻花盛開之時，趁著花季來臨，而且新店開幕，Mon cher朗豪坊店特別推出限定「櫻花堂島卷」。淡粉紅色嘅海綿蛋糕由櫻花醬所製，夾心再以櫻花醬及馬斯卡彭芝士（Mascarpone cheese）打成櫻花醬豆泥慕思一同捲進蛋糕卷內。面層飾以櫻花漬，微微鹹香襯托出蛋卷嘅甜美。

[朗豪坊店限定]櫻花堂島卷 $218(條裝) /$45 (件裝)

繼朗豪坊限定店後，Mon cher宣佈將在四月上旬及中旬分別在尖沙咀海港城City’Super及沙田新城市廣場City’Super開新分店。蛋糕迷以後想享受幸福嘅滋味，又多個地方購買蛋卷喇！

INFO

Mon cher（朗豪坊限定店）

地址：旺角亞皆老街8號朗豪坊4樓K402號舖

Text:  Josie Yan

你或會有興趣的相關文章：

KAKAO FRIENDS復活節現身沙田│亂闖藝術館盞鬼演繹世界名畫

3至6月油菜花盛放│4個韓國油菜花田打卡熱點