3至6月油菜花盛放│4個韓國油菜花田打卡熱點| likemagazine.com.hk
旅遊
3至6月油菜花盛放│4個韓國油菜花田打卡熱點

3至6月油菜花盛放│4個韓國油菜花田打卡熱點

春暖花開,又到了賞花最佳季節!除咗櫻花外,油菜花花海一樣吸引。每年3月至6月,韓國油菜花綻放,耀眼嘅金黃色,非常搶眼,亦成為遊人打卡嘅熱點。韓國嘅京畿道、江原道、大邱市和釜山都有大遍亮麗黃嘅油菜花花海,下次有機會在花期時去當地旅遊,不妨預留時間去打卡。

 

京畿道賞花同時親親動物

位於首爾近郊安城市嘅農協安城牧場,面積有39萬坪方,屬複合式經營嘅牧場,園內設施多元化,遊人既可近距離接觸動物,亦有遊樂設施,非常適合家庭旅遊。牧場嘅草原散步區隨著季節有不同嘅鮮花盛放。春季嘅主角係油菜花,其中一段油菜花田小徑呈心形,在高空俯瞰,更添浪漫氣氛。跟接夏天有向日葵、薰衣草、玫瑰花、蓮花等,秋天有波斯菊、粉紅亂子草等,不同季節前往,都可看到色彩鮮艷嘅動人花海。

 

京畿道農協安城牧場可賞花又可接觸動物,係一個家庭旅遊熱點。京畿道農協安城牧場可賞花又可接觸動物,係一個家庭旅遊熱點。

園內設施多元化,遊人既可近距離接觸動物,亦有遊樂設施。 園內設施多元化,遊人既可近距離接觸動物,亦有遊樂設施。

 

INFO

京畿道農協安城牧場

地址:京畿道安城市孔道邑大新渡街28

開放時間:2月至11月早上10時至下午6時│12月至1月早上10時至下午5(新年初一休息)

費用:成人12,000韓元/ 小童10,000韓元(騎馬體驗另計)

交通:1)地鐵1號線平澤站1號出口,轉乘的士約27分鐘。2)在首爾南部客運站或東首爾客運站乘坐前往孔道巴士,然後轉乘的士約9分鐘到達。

網址:www.nhasfarmland.com

 

江原道賞花尋味遊

每年4月中旬,江原道三陟市孟芳都會舉行油菜花節,吸引很多人專程前往賞花。逾2萬坪嘅油菜花花田,景色優美。呢度嘅黃金花海更有櫻花路和壯麗嘅東海岸蔚南海景伴襯,別有特色。賞花之餘,一場來到三陟市,記得留時間去「搵食」,呢度嘅特產如黃太魚、草堂嫩豆腐、韓牛、栗米、魷魚血腸等,都令人一試難忘。

 

到江原道三陟市孟芳油菜花花田景色,更有櫻花道作襯托,美上加美。到江原道三陟市孟芳油菜花花田景色,更有櫻花道作襯托,美上加美。

 

INFO

江原道三陟孟芳油菜花村

地址:江原道三陟市近德面三陟路3992-8 (近德面)

交通:1)於首爾站乘坐KTX到江陵站,前往江陵市外巴士客運站,再乘坐的士約10分鐘,全程需時約3小時。2)東首爾客運站乘坐巴士前往江原道三陟,然後轉乘的士約10分鐘到達。

網站:https://bit.ly/3qb8OUw

 

大邱市近在地鐵站旁嘅花海

美麗嘅花海大部分位於韓國嘅郊區, 自行搭車前往較轉折,對討厭舟車勞頓嘅人嘅嚟,可能令賞花興致大減。不過世事總有例外,大邱市河中島嘅油菜花田,地點鄰近地鐵站,一出站口行多幾步就見到花海,係咪好盞呢?每年到咗4月中旬,河中島舉目係金黃油菜花和青色嘅青麥,兩色交織呈現出來嘅自然色彩,叫人讚不絕口。沿路走,更可順道遊覽大邱著名8景中嘅八達橋,旁晚時亮起燈光,氣氛更浪漫。

 

大邱市河中島嘅油菜花花田就在地鐵站旁,交通非常便利。大邱市河中島嘅油菜花花田就在地鐵站旁,交通非常便利。

每年到咗4月中旬,河中島舉目係金黃油菜花和青色嘅青麥。 每年到咗4月中旬,河中島舉目係金黃油菜花和青色嘅青麥。

 

INFO

大邱市河中島

地址:大邱廣域市北區魯谷洞琴湖江一帶河中島

交通:大邱地鐵3號線八達站1號出口後方

 

釡山心形油菜花花田

韓國賞花熱點,點少得釜山?4月中旬,鄰近釡山機場嘅洛東江邊有大片油菜花田,面積達76萬平方米,足有63個足球場咁大。金黃色嘅油菜花和藍天白雲構成一幅美不勝收嘅圖畫,現場更置有眾多顏色繽紛嘅風車,根本不用高深攝影技術,隨便舉機一拍,都可影到唯美靚相。從高處俯瞰,更可見到心形花田,景色優美浪漫。

 

鄰近釡山機場嘅洛東江邊有大片油菜花田。鄰近釡山機場嘅洛東江邊有大片油菜花田。

金黃色嘅油菜花和藍天白雲構成一幅美不勝收嘅圖畫,吸引很多人專程去打卡。金黃色嘅油菜花和藍天白雲構成一幅美不勝收嘅圖畫,吸引很多人專程去打卡。

花田裡置有多種顏色嘅風車。花田裡置有多種顏色嘅風車。

心形花田更添浪漫。心形花田更添浪漫。

 

INFO

釡山大渚生態公園

地址:釡山廣域市江西區大渚12314-11

交通:釡山地鐵3號線江西區廳站3號或1號出口

 

Text:  Josie Yan

Photo: 韓國觀光公社

 

你或會有興趣的相關文章:

本地品牌原創設計家居精品│可摺瑜伽墊 / 印花浴墊 / 21抱枕

灣仔慢活主題咖啡店│香港本土食材煲咖啡

相關文章
【疫後旅遊提案】日本岡山德國農村主題公園│賞四季花田坐10米高鞦韆 【疫後旅遊提案】日本岡山德國農村主題公園│賞四季花田坐10米高鞦韆