晚市恢復堂食至晚上10時，終於可以再與友晚上聚會傾下偈，晚飯聚會選擇當然要認真啲。如果你搵緊一間有特色、有質素嘅日本料理，但又想跟下健康飲食潮流試下食素，位於中環蘭桂坊嘅Kyoto Joe係一個值得考慮嘅選擇。
Kyoto Joe開業多年，一直不缺乏捧場客。呢間餐廳雖然主打日本料理，但加入洛杉磯風格，簡單咁講，即係日feel得嚟又有啲西方風味。再換個方式講，就係日本美食但唔局限傳統，會多啲創意！
Kyoto Joe嘅室內布置非常有特色。
近年飲食界潮興素食主義、禪性素食主義，Kyoto Joe最近推出「Vegetarian Dinner」餐單，顧客在星期一至三晚上 6 時至 10 時內光顧，可在任何兩小時內任歎超過25款頭盤、卷物、爐端燒及炸物。
綠天使他他匯聚5款不同口感素菜，加上微辣調味，入口刺激。
招牌素菜椰菜花天婦羅，用上甜醬、士拉差醬及日本芝麻作最後調味，甜酸味道很醒胃。
墨西哥卷以牛油果薄片包裹忌廉芝士及墨西哥青辣椒，口感奇特。
辣味啦啦卷加入經過醃製嘅墨西哥青辣椒，辣度屬中上，愛辣要試試！
雜菜天婦羅炸漿薄又脆。
冰豆腐燒得外層香脆，內裡保留豆腐嘅軟滑。
咖哩雜菜炒飯熱石鍋上，熱辣辣，香噴噴。
雜菜炒名古屋烏冬(辣)簡單材料但食味精采。
菠菜沙律冷盤熱點之選。
精緻嘅秋葵卷，令向來唔食秋葵嘅人都想試試。
INFO
Kyoto Joe
地址：中環德己立街 30-36 號蘭桂坊加州大廈 23 樓
電話：2804 6800
Text: Josie Yan
你或會有興趣的相關文章：
4個特色Staycation套餐│泡泡浴/新酒店/泰食/藝術遊
京都無接觸自助麵包店│平板點餐自助付款