疫情發生以來，大家都擔心接觸愈多，會增加染疫風險。向來注重衞生嘅日本人，為減低接觸染疫嘅可能性，更著力將「無接觸」元素應用喺生活上。去年底，京都開咗無接觸式麵包店，採取非面對面式點餐服務，大大減少人群聚集及接觸。
位於京都上京區嘅「KAMOGAWA BAKERY」去年底開幕後一直受到關注，原因係呢間麵包店跟一般嘅麵包店完全唔同，嶄新地採用自助形式。
「KAMOGAWA BAKERY」店舖外觀簡約時尚。
或者你會好奇，自助並唔係新鮮事，一向以來麵包店都係讓顧客自取麵包，唔會有店員幫手夾麵包，店員只負責包裝及收款。但呢間店將「自助」概念更進一步，店內設有陳列櫥櫃，陳列店內出售嘅麵包款式，顧客看中後，不用自行在櫃中夾取麵包，而係先在平板電腦上點餐，然後到自助收銀機付款。完成後，戴上手套、做足防護措施嘅店員才會將你選購嘅麵包放進紙袋。
「KAMOGAWA BAKERY」瞄準因應衛生意識提高而產生嘅新需求，採用無接觸自助式經營。
陳列櫃內展示店舖提供嘅麵包款式。
呢種嶄新「自助」賣包模式，顧客在選購過程中，無須全程無須直接接觸麵包和麵包夾、餐盤等工具，亦能減少與店員接觸，降低感染病患風險。另外，顧客更可以透過手機遙距預購，完成支付後再自選時間到店面領取包點，進一步縮減在店舖逗留嘅時間。
「KAMOGAWA BAKERY」帶來全新嘅麵包店體驗。
KAMOGAWA BAKERY唔止營業方式獨特，出品都有特色。8成包點的包點並無添加烘培業界常用嘅牛油和牛奶等奶製品，而是轉為使用植物性食材，為純素者、蛋奶素者提供更多樣化嘅選擇。
店舖招牌包點─貝果和「新食感吐司」，均選用上等北海道產小麥粉製作，讓人享受到麵包最原始嘅淡淡甜味和食材嘅芳香醇厚口感。
「新食感吐司」味道芳香濃厚。
近年貝果成為烘培界嘅寵兒，「KAMOGAWA BAKERY」提供嘅貝果選擇多樣化，由原味到港女鍾愛嘅紅茶味、雜果味等都有。貝果大小適中，咬落去包質鬆軟，有別於一般貝果。即使胃口較細嘅女生，都可以一次享受更多不同口味嘅貝果。貝果迷下次有機會遊京都，不要錯過到訪呢間麵包店啊！
貝果口味選擇多，包括紅茶、雜果等，而且採用特殊製法，咬落鬆軟，有別一般貝果口感。
INFO
KAMOGAWA BAKERY
地址：京都市上京区伊勢屋町386
電話：075-746-7720
營業時間：上午9時至下午6時
交通：乘搭京阪電氣鐵道鴨東線到「神宮丸太町」站下車步行數分鐘
網址：https://www.kamogawabakery.com/
Text: Josie Yan
你或會有興趣的相關文章：
4個特色Staycation套餐│泡泡浴/新酒店/泰食/藝術遊
尖沙咀平民價歎星級意廚出品│爆肉pizza媽媽味肉醬意粉