疫情持續，久未外遊，有興趣Staycation止旅遊癮嗎？今個3月，多間酒店推出特色staycation套餐，不妨約埋閨蜜、好友去聚一聚，重溫去旅遊行住酒店嘅感覺。
香港康得思酒店夢幻泡泡住宿
香港康得思酒店聯乘天然手工護膚品牌LUSH由即日起至 2021年 3 月 31 日期間推出夢幻泡泡住宿，入住可獲贈LUSH浸浴產品及氣泡酒，讓你在房間大浴缸享用夢幻泡泡樂。
入住可獲贈LUSH浸浴產品。
酒店為你準備埋氣泡酒，情侶入住更添浪漫氣氛。
套餐包高級客房住宿1晚、享用 The Place 早餐，以及享有七折餐飲優惠包括客房送餐。呢個套餐好適合情侶，在留港回溫旅遊式浪漫。套餐平日價低至 $1,307；星期六及公眾假期只係 $1,527。
客房設計簡約時尚，開揚舒適。
INFO
香港康得思酒店夢幻泡泡住宿
地址：香港九龍旺角上海街 555 號
預訂：https://bit.ly/2YAKwHv
歷山酒店首推Staycation
去年底先開幕嘅歷山酒店，終於推出staycation套餐。由於係新酒店，房間布置時尚啲、設備新淨啲，加埋酒店位置臨海，好多房間有靚海景，絕對俾到你度假感覺。
歷山酒店去年底才開幕。
由 2021 年 3 月 16 日起，大家就有住宿連雙人早餐及下午茶套餐呢個option揀，平日價低至$988，星期六及公眾假期及前夕$1,288起。3人同行嘅話，第 3 位入住使用沙發床附加費為每晚$500 ，共可享用早餐及下午茶套餐。提提你，要確保住到海景房，加$100就有側海景；全海景view加$250。套餐俾大家提早到朝早10時，退房可延至下午4時，玩到盡。
酒店位置臨海，部分房間享優美海景。
INFO
歷山酒店
地址：香港北角城市花園道 32 號
預訂：www.hotelalexandrahk.com
香港諾富特世紀酒店泰式住宿主題
Staycation有人要住得好，亦有人要求食得好。灣仔諾富特世紀酒店由即日起至 2021 年 3 月 31 日推出【SAWADEE 泰住宿套餐】，住客可在房內享用用泰式 fusion 龍蝦海鮮晚餐，享受泰式醬炒原隻龍蝦菜式，平日每位最平只要$798。
住客可在房內享用用泰式 fusion 龍蝦海鮮晚餐。
【SAWADEE 泰住宿套餐】平日每位最平只要$798。
星期日至四入住，每房加送翌日房內早餐，星期五及六入住另每位加$200，更可享用翌日 Le Café 生蠔海鮮自助午餐。星期六及日入住，另每位加$100可參加周末 40 分鐘泰菜體驗班，學煮泰菜！
假日入住可額外加錢參加泰菜體驗班。
INFO
香港諾富特世紀酒店
地址：灣仔謝斐道 238 號香港
預訂： http://bit.ly/3oTyK6y
東南樓藝術酒店花樣年華之旅
一般住酒店加食自助餐嘅 staycation試過幾次，想有啲新意，位於油麻地嘅東南樓藝術酒店帶給你不一樣嘅staycation 。呢間集酒店、共享空間、藝廊於一身，濃厚嘅藝術文化feel，如本身係文青一定啱feel，成間酒店展出超過100件本地藝術家嘅藝術品，而且客房裝潢以設計、音樂、閱讀等為主題，殖民地色彩濃厚。
東南樓藝術酒店集酒店、共享空間、藝廊於一身。
即使係偽文青，唔多識藝術為何物，純粹打卡，都會好興奮。文青藝術深度遊套票由人均$540起，套票更包括：《藝遊東南》 一日通行證、《五感茶藝或咖啡沖煮體驗》、《花樣年華懷舊服飾租借體驗》、《故事夜啡堂》體驗。但要留意一點，呢間酒店嘅入住時間為3時。
手持《藝遊東南》通行證，可直達多個藝術打卡熱點，。圖中為自助手作香囊空間「尋香工作室」。
「東房」及「南房」兩間豪華客房中，擺放了眾多藝術家的作品。
住客可參加《花樣年華懷舊服飾租借體驗》，著旗袍打卡。
INFO
東南樓藝術酒店
地址：油麻地砵蘭街68號
訂購：http://bit.ly/3pivAJq
Text: MaryLin
你或會有興趣的相關文章：
尖沙咀平民價歎星級意廚出品│爆肉pizza媽媽味肉醬意粉
打破一般越南菜框架│南越fusion菜驚喜食味體驗