和民極平版Omakase $160歎8道菜│帝逸酒店推廚師發辦海膽午晚餐| likemagazine.com.hk
飲食
和民極平版Omakase $160歎8道菜│帝逸酒店推廚師發辦海膽午晚餐

和民極平版Omakase $160歎8道菜│帝逸酒店推廚師發辦海膽午晚餐

選擇困難症係好多香港人嘅通病,尤其多發生喺出街食飯打開menu點菜時,望見長長菜式list,三心兩意,花好長時間都未揀到。如果你都有呢個食飯嘅難題,不如試試日本餐廳嘅Omakase,由廚師發辦,幫你揀最好嘅。今次小編介紹兩個Omakase俾大家,一個係平價版,一個係酒店級,迎合唔同budget嘅你。

 

平價版Omakase

Omakase本來係高級日本料理餐廳先有,由廚師發辦,挑選最優質及時令嘅食材。但近年廚師發辦漸漸普及,中價甚至平民化嘅日本餐廳都提供呢個選項,讓食客用一個指定價錢歎到超值又優質嘅美食。最近,「居食屋和民」推出咗一個限定極平 Omakase 晚市堂食套餐,每位$160可歎到8道菜,當中包括極上中拖羅、日本帆立貝及炸廣島蠔等。

 

【和民】8 道菜 Omakase【和民】8 道菜 Omakase包括:極上中拖羅刺身、8 貫壽司盛合、牛油焗日本帆立貝、廣島縣炸蠔,以及有機蕃薯製作嘅迷你芭菲。

極上中拖羅刺身 極上中拖羅刺身

牛油焗日本帆立貝牛油焗日本帆立貝

用和民自家農場種植嘅有機蕃薯製作嘅迷你芭菲用和民自家農場種植嘅有機蕃薯製作嘅迷你芭菲

 

至於同集團另一間消費較高嘅餐廳「嚮和民」則推出每位$2806道菜嘅套餐,可以品嚐到日本直送鮮味油甘魚、帆立貝、海膽壽司及九州 A4 和牛等。

 

【饗和民尊尚二人前六道菜.廚師發辦】【饗和民尊尚二人前六道菜.廚師發辦】包括:壽司6貫、九州和牛壽喜燒、爐端燒北海道珍寶帆立貝、日本新鮮蔬菜及讚岐烏冬等。

壽司6貫壽司6

九州和牛壽喜燒九州和牛壽喜燒

 

今次 Omakase,論價錢,超親民!雖然價錢實惠,但選料一樣認真, 部分食材來自和民農場,並使用日本產食材,給你味蕾最好嘅。要留意嘅係,兩個Omakase套餐都係2人起,而且必須網上預訂,每月每店預訂50份,售完即止。和民套餐優惠期由 即日至6 30 日;饗和民套餐優惠期由即 日至3 31 日。

 

酒店級Omakase

疫情困住喺屋企咁耐,終於等到防疫措施放寬,想讓味蕾好好享受下嘅話,帝逸酒店日式餐廳源峰嘅兩位日籍主廚特別從北海道、九州等地搜羅時令海膽入饌,設計出午餐和晚餐Omakase套餐,讓掛住日本美味嘅你大飽口福。

 

「人気鮮味の廚師發辦海膽午餐」每位$1,180,午餐套餐包括:艾草豆腐伴美味高湯、海膽三文魚子茶碗蒸、刺身盛(赤身、春鰹、鯛)、鰆魚西京味噌燒、春山菜天婦羅、和牛海膽壽司、海膽素面、蜆煮味噌湯,以及士多啤梨奶涷。講明係用海膽為主題,多道菜都用上海膽,讓你試真來自海洋嘅鮮味。

 

「人気鮮味の廚師發辦海膽午餐」「人気鮮味の廚師發辦海膽午餐」

 

「人気鮮味の廚師發辦海膽晚餐」每位$1,880,包括:艾草豆腐伴高湯、刺身盛(中拖羅、春鰹、鯛海膽卷)、竹筍床節鮑魚、鰆魚西京味噌燒、海膽紫菜天婦羅、特選海膽壽司(鹽水海膽、北海道海膽、九州海膽、昆布漬海膽)、海膽素麺、蜆煮味噌湯及士多啤梨奶涷。特別要試真嘅有海膽紫菜天婦羅,因為海膽本身軟腍水份高,油炸時麵衣和火喉必要掌握準繩,否則難做到外脆內半熟嘅口感。另外特選海膽壽司都廚師精心之作,當造海膽鮮味各異,為味覺帶來特別嘅體驗。

 「人気鮮味の廚師發辦海膽晚餐」「人気鮮味の廚師發辦海膽晚餐」

 

兩款廚師發辦套餐由即日至331日供應。

 

INFO

和民集團二十週年慶特典限定極平 Omakase

預訂網址:https://bit.ly/3ogn1ye

 

源峰

地址: 香港沙田源康街 1 號帝逸酒店 28

電話: 3653 1115

 

Text: MaryLin

 

你或會有興趣的相關文章:

大埔懷舊裝修點心店│點心現店製作即叫即蒸

春暖花開京都賞梅│必遊千梅神社垂梅瀑布

 

相關文章
【飲食情報】人氣蘇杭冰室旺角開新店│五星廚主理西餐意粉扒類CP值高【飲食情報】人氣蘇杭冰室旺角開新店│五星廚主理西餐意粉扒類CP值高 【搵食去呢度】佐敦4千呎摩登居酒屋│和洋食‧日式串燒‧精品手工咖啡 【搵食去呢度】佐敦4千呎摩登居酒屋│和洋食‧日式串燒‧精品手工咖啡 【飲食情報】一幻拉麵荃灣開第5分店│開幕一連5日拉麵買一送一【飲食情報】一幻拉麵荃灣開第5分店│開幕一連5日拉麵買一送一 【甜品控召集】超過15間人氣IG店快閃中上環│逾60 款手工麻糬麵包/貝果/蛋糕【甜品控召集】超過15間人氣IG店快閃中上環│逾60 款手工麻糬麵包/貝果/蛋糕 【美食推介】九龍灣新開北海道豚丼店│即烤稀有豚配逾80年祖傳秘醬【美食推介】九龍灣新開北海道豚丼店│即烤稀有豚配逾80年祖傳秘醬 【嚟呢度搵食】灣仔街頭品嚐南意小食│煎麵餅 / 炸pizza / 紙筒炸沙甸魚【嚟呢度搵食】灣仔街頭品嚐南意小食│煎麵餅 / 炸pizza / 紙筒炸沙甸魚 【人氣沾汁麵】「神山」尖沙咀店推日售10碗限定│「火山極盛豚肉沾汁麵」10倍份量豚肉燒【人氣沾汁麵】「神山」尖沙咀店推日售10碗限定│「火山極盛豚肉沾汁麵」10倍份量豚肉燒 【暑假食遊】Blue Bottle Coffee沙田開限定店│夥拍本地手工美食品牌推出限定窩夫【暑假食遊】Blue Bottle Coffee沙田開限定店│夥拍本地手工美食品牌推出限定窩夫