媽媽夥拍前酒店餅廚研製蝴蝶酥│嚴選天然食材低糖超級鬆脆

近幾年過節送禮選擇中，除咗大路嘅朱古力及曲奇餅外，多咗一個生力軍，就係蝴蝶酥。由酒店出品，到連鎖餅家，甚至網上烘焙店都有出品，造型大致相似，但食味、用料卻大不同。「三幸‧土產」呢個品牌在蝴蝶酥界很年輕，然而已獲注視，除咗因為出品由著名五星級酒店餅廚主理，更得名人如黃翠如等點讚。無論係名人效應，抑或貪新鮮，如果你喜歡食蝴蝶酥，都要試試呢個品牌。

「三幸‧土產」嘅創辦人係一位有三個孩子嘅媽媽，見到媽媽出場，正路估到又係母愛作怪。無錯，呢位媽媽有見三個孩子鍾意食蝴蝶酥，咁啱又識個前著名五星級酒店餅廚，於是一拍即合，研製自己覺得最好味又最天然嘅蝴蝶酥，讓孩子食得健康。

「三幸‧土產」蝴蝶酥創辦人是一位三孩嘅媽媽，有見孩子喜歡食蝴蝶酥，所以用心研製。

製作蝴蝶酥嘅材料，主要係糖和酥皮。酥皮又稱為「油皮」，係用麵粉、水、油和糖搓成嘅麵團。酥皮搓得好，愈多層數，焗製出嚟嘅酥餅愈香脆，咬落鬆化一層層，口感極佳。

酥皮差得好唔好，決定蝴蝶酥係咪咬落鬆脆。

另一個影響蝴蝶酥食味嘅因素係選材。因為蝴蝶酥用料簡單，所以材料質素對成品食味有關鍵性影響。「三幸‧土產」選用日本麵粉和新西蘭牛油製蝴蝶酥。日本麵粉出名粉粒細，造出來嘅麵包糕餅更柔軟可口；新西蘭牛油味道香濃，焗製出來嘅糕餅份外金黃。兩種嚴選食材已為蝴蝶酥嘅美味打下好基礎。

再者，「三幸‧土產」出品追求天然，絕不加額外添加防腐劑及人造色素。配方經過創辦人過百次嘅測試及改良，終於造出低糖美味、鬆酥可口、大小適中，口感極佳嘅蝴蝶酥。為確保最佳食味，蝴蝶酥即訂即製，新鮮再提升食味。

蝴蝶酥配方經過過百次嘅改良。

「三幸‧土產」蝴蝶酥不止食味突出，包裝都富心思，不但採用本土設計，支持環保，使用環保木材、鐵罐及其他物枓為主，避免選用塑膠物料。呢啲物料既可重用，而且對保持蝴蝶酥嘅鬆脆有幫助。

「三幸‧土產」蝴蝶酥包裝採用本土設計和環保可重用物料。

口味方面，目前「三幸‧土產」推出三款經典口味，包括原味、黑白芝麻和伯爵茶味。原味選用低糖配方，迎合喜歡食甜又怕太甜影響健康嘅人；黑白芝麻口味採用日本產進口黑白芝麻，不止食味更好，且令人齒頰留香；伯爵茶味茶香味濃，給味蕾帶來另類享受。

山幸原味蝴蝶酥 $158

黑白芝麻蝴蝶酥 $158

伯爵茶蝴蝶酥 $158

INFO

www.blissfulhillpastry.com