防疫放寬閨密聚會│精選4間酒店特色下午茶| likemagazine.com.hk
Special
防疫放寬閨密聚會│精選4間酒店特色下午茶

防疫放寬閨密聚會│精選4間酒店特色下午茶

防疫措施進一步放寬,堂食可以四人一枱,大家外出用膳嘅意慾大增。趁住周末,不如約好友去酒店食下午茶,度過快樂時光?小編幫大家搜羅咗4間酒店特色下午茶,睇下啱唔啱你胃口?

 

日韓主題

香港康得思酒店The Place最近推出以日韓地道美食為主題嘅週末下午茶自助餐,或者可以滿足一下大家想大吃大喝一番又要有特色嘅欲望。

 

多款食物都係即造,例如:爐端燒、章魚小丸子、日式烏冬等,熱辣辣,更有風味。另外,咁耐無去旅行,係咪好掛住韓國街頭小食呢?芝士熱狗棒、卡邦尼年糕、泡菜炸雞、韓式大醬湯,呢個自助餐都食得到,滿足你渴望已久嘅食慾。冷盤方面,手握波子壽司賣相精緻,都令人未食打卡先興奮。

 

爐端燒爐端燒

芝士熱狗棒芝士熱狗棒

手握波子壽司手握波子壽司

 

下午茶不可少甜品,呢個自助餐嘅甜品都有特色,依家係士多啤梨當造之時,甜點廚師Roy Ma用時令韓國士多啤梨設計多款甜品如:士多啤梨巴克斯芝士蛋糕、士多啤梨千層酥及士多啤梨開心果歌劇蛋糕等,銅鑼燒伴糖漬士多啤梨更係現場即製,甜品控大飽口福。

 

美食以外,呢個自助餐為每位客人提供一杯特飲,如士多啤梨氣泡酒、士多啤梨朱古力奶或韓國蜂蜜柚子茶,配合主題。此外,無限暢飲橙汁、水果茶及咖啡,基本嘢一定有。

 

INFO

The Place「週末日韓街下午茶自助餐」

地址:旺角上海街555號香港康得思酒店L樓層

電話:3552 3028

供應日期及時間:220日起逢星期六、日及公眾假期下午315分至530

價錢:成人$338 / 小童及長者$248 (另加一服務費)

 

主打呂宋芒

下午茶唔一定暴食,有人喜歡優雅咁歎三點三。土瓜灣 8 度海逸酒店最近推出以呂宋芒為主題嘅「皇牌芒果三層架下午茶」,讓喜歡芒果加甜品嘅個組合嘅人休閒咁歎番下。三層架上放有芒果拿破崙、香芒奶凍、黑松露芝士焗薯餅、芒果三文魚蟹籽卷等以呂宋芒製作嘅鹹甜點。留心,芒果再強調一次,係選用呂宋芒,點解呢?食芒果最怕唔甜又酸,呂宋芒以甜香見稱,而且芒味特濃,又啖啖肉,芒果控一定歡喜。

 

皇牌芒果三層架下午茶皇牌芒果三層架下午茶

 

咁多款鹹甜點之中,芒果拿破崙係呢間酒店嘅牌,切粒芒果肉舖滿餅面,酥皮非常鬆化,夾住嘅秘製吉士忌廉夠晒香滑,完美嘅配搭。另外,芒果糯米糍都值得留意,皮薄煙韌,內裡嘅芒果肉大大塊,一啖咬落去好滿足。呢個下午茶食物水準OK以外,重點係夠實惠,折實價平日每位只係$126,假日都係多$9,盛惠$135,就可以歎到10款芒果甜點,CP值非常高。

芒果拿破崙

芒果拿破崙

 

INFO

土瓜灣 8 度海逸酒店「皇牌芒果三層架下午茶」

地址:土瓜灣九龍城道 199 號土瓜灣 8 度海逸酒店

電話:2126 1988

供應日期及時間:即日至1231日每日下午3時至5

價錢:原價$168(另加一服務費)。折扣價星期一至五$126,星期六、日及公眾假期$135

 

聯乘Somersby

放假心情特別relax,與友同行,歎下午茶時又想淺酌一番?港威酒店Three on CantonSomersby合作推出醉人「SOM」動下午茶,糕餅總廚創作咗多款加入Somersby Sparkling Rose嘅甜品,例如:士多啤梨雲呢嗱撻配玫瑰果醬、自家製雜莓奶凍配玫瑰啫喱、橘子乳酪配玫瑰泡沬,賣相超靚,打卡呃like無得輸,味道果香清新怡人,令人一試愛上。

 

醉人「SOM」動下午茶醉人「SOM」動下午茶

 

下午茶以甜點為主,但都有數款鹹點,包括:煙三文魚、去皮車厘茄配水牛芝士、番紅花帶子配椰菜花醬等,滿足你貪心嘅味蕾。每人獲贈Somersby Sparkling Rose乙支及Somersby酒杯乙隻。如果用餐期間打埋上放上指定Instagram帳戶,更可獲贈小禮物。禮品數量有限,送完即止。

 

INFO

Three on Canton醉人「SOM」動下午茶

地址 :九龍尖沙咀廣東道 13 號海港城港威酒店 3

電話:2113 7828

供應日期及時間:即日至630

價錢:$568(2位用)$388(1位用)(另加一服務費)

 

送護膚品

近年酒店下午茶潮興與護膚品牌聯乘,既以品牌護膚品嘅特點作為創作美食嘅靈感,又會送品牌護膚品小禮物。最近九龍香格里拉大酒店與Crabtree & Evelyn 合作推出「Dare To Be Different 拒絕平庸」下午茶,以品牌4為靈感,餅廚搜羅時令食材入饌,設計出多款甜鹹美點如:鴨肝配薑及杞子醬、茉莉花茶鮮蝦配車厘茄及水牛芝士、香辣帶子他他配薑及佛手柑醬、檸檬草奶凍酥餅配芒果慕絲及香橙啫喱、雲呢拿玫瑰馬卡龍配紅桑梅及玫瑰花,以及蘋果薑味慕絲配蘋果及佛手柑蛋糕。

 

茉莉花茶鮮蝦配車厘茄及水牛芝士茉莉花茶鮮蝦配車厘茄及水牛芝士

雲呢拿玫瑰馬卡龍配紅桑梅及玫瑰花雲呢拿玫瑰馬卡龍配紅桑梅及玫瑰花

 

美點嘅食材配搭創意新鮮,淨係睇見個名已經令人充滿幻想和垂涏,美點嘅賣相更係精心設計,又係預咗俾大家打卡之用。享用呢個下午茶,可獲贈即可獲贈限量Crabtree & Evelyn經典皇牌產品體驗禮物包,內裡有護手霜、香水及購物85折優惠券。禮品數量有限,送完即止。

 

限量Crabtree & Evelyn經典皇牌產品體驗禮物包限量Crabtree & Evelyn經典皇牌產品體驗禮物包

 

INFO

九龍香格里拉大酒店「Dare to be different 下午茶」

地址:九龍尖沙咀東麼地道64號九龍香格里拉大酒店大堂酒廊

供應日期及時間: 202121日至331日每日下午3時至6

價目: $638(兩位用) (另加一服務費)

電話: 2733 8988

 

Text: MaryLin

 

你或會有興趣的相關文章:

大埔懷舊裝修點心店│點心現店製作即叫即蒸

春暖花開京都賞梅│必遊千梅神社垂梅瀑布

 

相關文章
延長年花開花期│在花瓶加XXX就得延長年花開花期│在花瓶加XXX就得 大埔懷舊裝修點心店│點心現店製作即叫即蒸大埔懷舊裝修點心店│點心現店製作即叫即蒸 聖誕親子虛擬跑│做運動慶佳節做慈善聖誕親子虛擬跑│做運動慶佳節做慈善 支持環保實踐減廢生活 │總有回收點喺你左近支持環保實踐減廢生活 │總有回收點喺你左近 打破一般越南菜框架│南越fusion菜驚喜食味體驗打破一般越南菜框架│南越fusion菜驚喜食味體驗 港產畫家授權創作新版《小王子》│合眼小王子用心感受世界港產畫家授權創作新版《小王子》│合眼小王子用心感受世界 淺水灣天台野餐chill住睇海景│海景年宵辦年貨撐本地品牌淺水灣天台野餐chill住睇海景│海景年宵辦年貨撐本地品牌 大掃除不靠化學用天然│檸檬白醋梳打粉強效除萬年漬大掃除不靠化學用天然│檸檬白醋梳打粉強效除萬年漬