大埔懷舊裝修點心店│點心現店製作即叫即蒸| likemagazine.com.hk
Special
大埔懷舊裝修點心店│點心現店製作即叫即蒸

大埔懷舊裝修點心店│點心現店製作即叫即蒸

新一代人對飲茶好兩極化,有人覺得老土又嘥時間,另一班人覺得懷舊又有特色。小編係後者,覺得飲杯茶歎一盅兩件好寫意,而且近年要飲茶唔一定要去茶樓酒家,市面多咗好多小型食店主攻點心,而且做得甚有水準。最近小編趁著新年假期,晨早去大埔嘅「老馮茶居」飲早茶,點心質素確係唔錯,值得區外人專程去搵食。

 

「老馮茶居」嗰名好似上世紀產物,令人以為阿公阿婆先會去,但其實呢間店頗受新一代歡迎。小編在新年假期某日即興想飲早茶,所以專程一早8點踏入大埔,等呢間茶居開門。本來以為香港人依家習慣睡得晏,過午先去開餐,咁早應該無人同小編爭食,點知去到門口,已經見到幾位同樣後生嘅人排緊隊。

 

小編喺茶居未開門營業已到達,招牌大燈都未開。小編喺茶居未開門營業已到達,招牌大燈都未開。

大門旁一角嘅裝飾擺設,扮舊通花鐵閘,上面噴咗「小心地滑」幾個字,令人舊記憶返晒嚟。大門旁一角嘅裝飾擺設,扮舊通花鐵閘,上面噴咗「小心地滑」幾個字,令人舊記憶返晒嚟。

 

取名「茶居」,給人感覺老土,事實上,內裡裝潢都貫徹「老香港」呢個主題。入內,眼前布置令人彷如返到50 60代嘅香港。懷舊卡座、紅色塑膠燈罩、暖水壼、卡士錄音機等,讓人想起舊時生活嘅韻味。卡座旁嘅牆身,化身舊式店舖縮影:華記山貨店、志業涼茶、耀記士多辦館......懷舊味十足。

 

店內裝潢玩懷舊,非常用心,擺明想人打卡呃like。店內裝潢玩懷舊,非常用心,擺明想人打卡呃like

有乜點心供應,全寫咗紅色膠牌上,扮舊扮到十足。有乜點心供應,全寫咗紅色膠牌上,扮舊扮到十足。

碗碟用上印有公雞嘅款式,仲有個紅色膠水兜俾你洗杯碗,貫徹舊式茶室嘅獨有風味。碗碟用上印有公雞嘅款式,仲有個紅色膠水兜俾你洗杯碗,貫徹舊式茶室嘅獨有風味。

 

呢間茶居在點心界薄有名氣,因為點心唔係交貨,而係由有數十年經驗嘅點心師父每日新鮮製造,而且即叫即蒸即炸。近年很多茶樓酒家改用預製點心,在中央工場先製作,然後送到店後進行加熱。從商業角度,呢種做法可省去人手、有效控制成本及將出品標準化,但對食客而言,點心現點現做,嗰種新鮮熱辣嘅美味先最美味。

 

小編今次到訪,試咗多款馳名點心,部分有意外驚喜,亦有幾款覺得食味較預期有落差。不過口味呢家嘢,人人唔同,而且始終點心係手作,水準有出入在所難免,呢一點可以接受。

 

蝦餃皮用人手擀,並以刀拍餃皮,所以餃皮特別薄,而且晶瑩剔透。內餡鮮蝦彈牙,唯小編覺得調味嘅胡椒重手咗少少,搶走咗蝦嘅鮮味。蝦餃皮用人手擀,並以刀拍餃皮,所以餃皮特別薄,而且晶瑩剔透。內餡鮮蝦彈牙,唯小編覺得調味嘅胡椒重手咗少少,搶走咗蝦嘅鮮味。

 

燒賣用上新鮮手切豬瘦肉,咬落有質感。上面嘅原隻蝦肉都爽口嘅。記住,燒賣一定要熱辣辣食,凍咗食味差好多。燒賣用上新鮮手切豬瘦肉,咬落有質感。上面嘅原隻蝦肉都爽口嘅。記住,燒賣一定要熱辣辣食,凍咗食味差好多。

 

牛肉球係必食嘅經典點心,工夫多但唔賣錢,所以近年唔少茶樓酒家都會將呢款點心剔除。呢間嘅牛肉球食味同以前食到嘅有七八成似,如果可以落多少少成本,加啲陳皮粒就更完美。牛肉球係必食嘅經典點心,工夫多但唔賣錢,所以近年唔少茶樓酒家都會將呢款點心剔除。呢間嘅牛肉球食味同以前食到嘅有七八成似,如果可以落多少少成本,加啲陳皮粒就更完美。

 

豉汁蒸鳳爪嘅鳳瓜係自家製,食得出誠意。豉汁蒸鳳爪嘅鳳瓜係自家製,食得出誠意。

 

要知道一家點店嘅出品得唔得,叉燒包係其中一個指標。呢間茶居嘅叉燒包,小編個人覺得幾得,包皮鬆軟,內裡嘅叉燒餡美味。要知道一家點店嘅出品得唔得,叉燒包係其中一個指標。呢間茶居嘅叉燒包,小編個人覺得幾得,包皮鬆軟,內裡嘅叉燒餡美味。

 

金牌炸芋角係小編極力推薦一定要點,第一呢款點心已經好少食到,第二真係炸得好酥脆,第三內裡嘅芋蓉綿滑得不得了。金牌炸芋角係小編極力推薦一定要點,第一呢款點心已經好少食到,第二真係炸得好酥脆,第三內裡嘅芋蓉綿滑得不得了。

 

炸擂沙煎堆係新年限定點心,唔知過咗新年後仲有無供應,呢次小編就試到,而且覺得好好味。外皮薄芝麻香,裡面黑芝麻餡係流沙,正到無朋友。炸擂沙煎堆係新年限定點心,唔知過咗新年後仲有無供應,呢次小編就試到,而且覺得好好味。外皮薄芝麻香,裡面黑芝麻餡係流沙,正到無朋友。

 

試咗XO醬蘿白糕,切粒蘿白糕外脆內軟,XO醬惹味。試咗XO醬蘿白糕,切粒蘿白糕外脆內軟,XO醬惹味。

 

整體而言,食物水準係滿意嘅,只係店面較細,直接講句係茶記格局,所以坐得唔算太舒服,呢一點就輸比茶樓酒家。不過呢,因為最近有限聚令,店舖入座減半,空間多咗,感覺不算太迫。

 

INFO

老馮茶居

地址:大埔安慈路1號海寶花園14號地舖

電話:2388 0798

營業時間:早上8時至晚上11

 

Text: MaryLin

 

你或會有興趣的相關文章:

紫花紫橋紫涼亭紫巴士超夢幻│韓國紫色雙島成打卡熱點

春暖花開京都賞梅│必遊千梅神社垂梅瀑布

 

相關文章
6餐廳聯乘Hello Kitty美食地圖│限定主題美食 / 換購襟章及咖啡杯6餐廳聯乘Hello Kitty美食地圖│限定主題美食 / 換購襟章及咖啡杯 【飲食情報】九龍城櫻花木煙燻菜式│煙味提升肉香海鮮更鮮【飲食情報】九龍城櫻花木煙燻菜式│煙味提升肉香海鮮更鮮 美國環保組織公布最污糟蔬果清單│士多啤梨長據榜首食前必要沖洗美國環保組織公布最污糟蔬果清單│士多啤梨長據榜首食前必要沖洗 【飲食情報】網上預訂5星酒店4人8道菜套餐│每人$247歎冬瓜盅/片皮鴨/鮑魚【飲食情報】網上預訂5星酒店4人8道菜套餐│每人$247歎冬瓜盅/片皮鴨/鮑魚 【飲食情報】銅鑼灣燒肉放題$248起│7時前離座無料追加日本燒蠔【飲食情報】銅鑼灣燒肉放題$248起│7時前離座無料追加日本燒蠔 【飲食推介】荃灣新登場美式小店│創意配搭brunch全天候供應【飲食推介】荃灣新登場美式小店│創意配搭brunch全天候供應 KITKAT高級版日本直送到港│必試!火山島系列及柚子朱古力KITKAT高級版日本直送到港│必試!火山島系列及柚子朱古力 【飲食情報】尖沙咀18道OMAKASE唔使1千元│5月必試限定活紫海膽套餐【飲食情報】尖沙咀18道OMAKASE唔使1千元│5月必試限定活紫海膽套餐