時代廣場新春市集│10商戶賣特色手工年貨| likemagazine.com.hk
Shopping
時代廣場新春市集│10商戶賣特色手工年貨

時代廣場新春市集│10商戶賣特色手工年貨

因疫情關係,2021年農曆年宵市場只有濕貨賣,如果想買其他乾貨,其實今年香港各處有唔同規模和主題嘅年宵,集合一啲出售特色貨品嘅商戶,讓大家盡情購物,過一個快樂新年。銅鑼灣時代廣場今年都舉辦「POP MART」新春市集,邀請本地多個品牌,由特色食品到藝術手作都有,亦有3米高嘅figure wall俾大家打卡,路經呢區嘅你不妨去逛個圈,睇下有無心水。

 

雖然「POP MART」新春市集規模唔算大,只有10個檔位,轉個圈就行完,但攤檔出售嘅貨品頗有特色,唔係一般工廠量產大路貨品,滿足大家尋寶嘅欲望。

「POP MART」新春市集

 

數到全場較矚目嘅檔位,應該係出售Toy StoryDisneyfigureHerocross。如果你係三眼仔和巴斯光年嘅鐵粉,一定要嚟睇睇,因為呢度有紀念版太空配色90cm巴斯光年和55cm三眼仔,俾你同佢哋親密地打卡。想帶佢哋返屋企都可以呀!兩款都係限量版,巴斯只有9隻,三眼仔全球發行300隻。另外,過新年想買件bing bingfigure加添新年氣氛,使用Swarovski嘅小飛象閃馬戲團套裝 都值得留意。

 

Herocross檔位有多款Toy Story和Disney等figure及精品。 Herocross檔位有多款Toy StoryDisneyfigure及精品。

紀念版太空配色90cm巴斯光年,限量9隻。紀念版太空配色90cm巴斯光年,限量9隻。

太空配色55cm三眼仔太空配色55cm三眼仔

巴斯光年半胸像巴斯光年半胸像

60cm白Tee版阿薛60cmTee版阿薛

3米高嘅figure wall,鍾情Toy Story和Disney嘅粉絲來打卡吧!3米高嘅figure wall,鍾情Toy StoryDisney嘅粉絲來打卡吧!

 

雖然今個新年因疫情和限聚令,大家未必會去拜年,但買件新衫過新年已經係好多人嘅習慣。小編強烈推介大家要去2ndclosetdesign睇睇,店主擅長將平凡嘅NIKE衞衣紮染,變成獨一無二嘅款式。紮染嘅賣點就係每次染出嚟嘅效果都唔同,換句話說,每個款式只有一件,最啱討厭同人撞款嘅你。另外,店主又擅長將不同嘅衣物配飾拼合,變成一件獨一無二嘅衣物,既環保又發揮創意。

2ndclosetdesign店主擅長紮染,現場出售多款紮染衣飾。

2ndclosetdesign店主擅長紮染,現場出售多款紮染衣飾。

NIKE衞衣拼軍褸NIKE衞衣拼軍褸

紮染NIKE衞衣紮染NIKE衞衣

 

新年要買賀禮,唔想送人一式一樣嘅糖果、朱古力和餅乾,不如考慮NEBUHK嘅雪花酥。今個新年佢哋推出咗兩款禮盒,都適合用嚟送禮。禮盒內裡有多款口味嘅雪花酥,全部人工手造,低糖、低脂、無添加。雪花酥係乜?店主話係自家秘方嘅鳥結糖加入自家焗製嘅餅乾及杏仁混合而成。鳥結糖經過多番試味研究,既係甜食但唔太甜,重點係唔黏牙,內裡嘅餅乾很鬆脆,食落甜而不膩。呢個品牌不過面世幾個月,不時在各區開pop-up store,儲落一班忠實fans。專為牛年而設計嘅新年禮盒,簡約又有心思,內裡18件雪花酥可自選口味。另一款與社企甜蜜故事合作嘅禮盒,內裡嘅雪花酥共有9款味道,店主解釋代表人生在不同階段嘅味道,例如戀愛時期係紅豆冰味、打拼階段係咖啡味、出來社會多年後進入人生安穩階段就係苦瓜味、年老了就係陳皮味,非常有特色。 

NEBUHK為新年推出全新口味雪花酥,包括:芝士龍蝦味、開心果味、雙桃味等。NEBUHK為新年推出全新口味雪花酥,包括:芝士龍蝦味、開心果味、雙桃味等。

雪花酥入口軟綿,咬落鬆脆,鳥結糖香甜但不黏牙,一啖有多重口感,推出以來大受歡迎。雪花酥入口軟綿,咬落鬆脆,鳥結糖香甜但不黏牙,一啖有多重口感,推出以來大受歡迎。

NEBU X 甜蜜故事 新年禮盒 $168/1盒;$298/2盒NEBU X 甜蜜故事 新年禮盒 $168/1盒;$298/2

 

賀禮選擇仲有另一檔由甜點大師Rocky Lai 創立嘅Bros FactoryMacaron大家食得多,雖然香甜美味,但好多人嫌太甜。於是RockyMacaron改良一下,變成朱古力軟心釀入曲奇,並命名為COCORON,成為一款特色甜點。COCORON外層鬆脆,中間煙韌,口感層次豐富,重點係無macaron咁甜,啱晒鍾意食甜又唔要咁甜嘅香港人。口味方面有很多選擇,有鹹亦有甜,滿足唔同要求。 

Bros Factory為新年而特別推出嘅12粒裝COCORONBros Factory為新年而特別推出嘅12粒裝COCORON

 

新年想家居煥然一新嗎?唔一定要將家居大翻新,為家居添上花香,都足以令你對家居有全新感覺和印象。WA Candle以純天然精油和大豆蠟製作香薰蠟燭,只要在家燃點,全屋香飄飄。店主特別為今個新年推出特別氣味香薰蠟燭,混合水仙加上紫藤花嘅香氣,清新花香,清新怡人。另外,因為疫情令大家成年無去旅行,好掛住去旅行嘅感覺嗎?齋睇相未止癮,店主為多個熱門旅遊地點調配香薰蠟燭,點著即飄出當地嘅氣味,用多感官刺激,滿足一下想去旅行嘅欲望。 

WA 新春禮盒 (包括一款指定蠟燭、杯墊及火柴)WA 新春禮盒 (包括一款指定蠟燭、杯墊及火柴) 

 

除以上特色手工年貨外,現場仲可以買到老夫子限量賀年特別版口罩、日本製手工木製濾杯、台灣製手工竹製杯、羊毛氈嘅飾物,以及德國手工啤和蜂蜜熊仔糖等。想買年花?呢度都有,日本蘭恩桃盆景、日本蘭雪映蝶盆景等,造形優美,擺喺屋企加添新年氣氛。

老夫子限量賀年特別版口罩.老夫子限量賀年特別版口罩.

台灣製手工竹製杯台灣製手工竹製杯

羊毛氈嘅飾物羊毛氈嘅飾物

德國蜂蜜手工啤德國蜂蜜手工啤

特色年花特色年花

 

INFO

POP MART」新春市集

日期:2828

地點:銅鑼灣時代廣場5517-519號鋪

 

 

Text: MaryLin

 

你或會有興趣的相關文章:

尖沙咀親民價歎星級意廚出品│爆肉pizza媽媽味肉醬意粉

打破一般越南菜框架│南越fusion菜驚喜食味體驗

 

相關文章
【玩樂情報】旺角春日創意手作市集│飾物 / 香水/護膚品/ 寵物水墨畫【玩樂情報】旺角春日創意手作市集│飾物 / 香水/護膚品/ 寵物水墨畫 【周末好去處】沙田寵物主題市集│自家製手作 / 寵物用品/ Cosplay服飾 【周末好去處】沙田寵物主題市集│自家製手作 / 寵物用品/ Cosplay服飾 【Shopping情報】Hello Kitty X老協珍萌爆櫻花牛奶鍋│煮麵/  熬湯 / 煲粥直火加熱OK【Shopping情報】Hello Kitty X老協珍萌爆櫻花牛奶鍋│煮麵/ 熬湯 / 煲粥直火加熱OK 【Shopping情報】銅鑼灣唐老鴨限定店│逾80款首賣限定精品【Shopping情報】銅鑼灣唐老鴨限定店│逾80款首賣限定精品 【購物情報】一田購物優惠日eShop網上率先買│$3,000家電組合/ $300廚具 / 半價化妝品【購物情報】一田購物優惠日eShop網上率先買│$3,000家電組合/ $300廚具 / 半價化妝品 荃灣D•PARK變身江戶老街│一站嚐玉子燒/關東煮/大阪燒荃灣D•PARK變身江戶老街│一站嚐玉子燒/關東煮/大阪燒 NESCAFÉ聯乘日本京都設計品牌SOU・SOU │和風生活小物限量換購NESCAFÉ聯乘日本京都設計品牌SOU・SOU │和風生活小物限量換購 $88買海洋公園入場券2張│2人酒店住宿連門券只$188$88買海洋公園入場券2張│2人酒店住宿連門券只$188