延長年花開花期│在花瓶加XXX就得| likemagazine.com.hk
Focus
延長年花壽命妙法│在花瓶加XXX就得

延長年花開花期│在花瓶加XXX就得

好多人習慣新年買年花放在家中,既用作點綴家居增添新春氣氛,又應節,喻意來年花開富貴行好運。買年花時,大家會認真咁揀最啱心水和最靚嘅,但買咗返屋企後,點做至可以令啲花擺得耐啲、靚啲?當中原來有秘技!

 

一般年花約可擺放數日,視乎年花嘅盛開程度。如果想延長年花嘅壽命,或者想年花開得更燦爛,其實有妙法。

 

首先年花買返屋企後,先除去枯葉,如莖部太長,建議略修剪一下,因為莖部太長,年花難吸收足夠水分。花腳若有霉爛,可用乾淨嘅剪刀斜剪一下。

 

搵一個合適嘅花瓶,瓶內加水。記住用自來水,唔好用凍開水,因為自來水有氧氣。插好嘅年花放喺通風位置即可,千祈咪放喺陽光下暴曬!花瓶內嘅水,建議每日換一次,但如果見水變混濁,即有細菌滋生,應立即換咗佢。

 

好喇,究竟想年花長命啲、靚啲,可以點做呢?秘密係喺水入面加漂白水!小編無打錯,你都無睇錯,係漂白水!原來賣花嘅人一向有咁做,漂白水有殺菌功能,有助防止細菌滋生,花無咁易謝。當然落漂白水有技巧,太多嘅話,會整死啲花。漂白水用199比例稀釋,加少量就可以。聞唔慣漂白水陣味,用白醋代替都得架!本來只可擺數日嘅年花,隨時可放上一星期或更長。

 

如果新年快到,但年花仍未有盛開跡象,喺花瓶加啲暖水,可以催花!

 

Text: MaryLin

 

你或會有興趣的相關文章:

尖沙咀親民價歎星級意廚出品│爆肉pizza媽媽味肉醬意粉

打破一般越南菜框架│南越fusion菜驚喜食味體驗

相關文章