疫情未減買年花唔想同人迫│綠田園撐本地花農WhatsApp訂年花| likemagazine.com.hk
Shopping
疫情未減買年花唔想同人迫│綠田園撐本地花農WhatsApp訂年花

疫情未減買年花唔想同人迫│綠田園撐本地花農WhatsApp訂年花

年又過年,好快又過新年。呢幾日本港鮮花集散市場─旺角花墟人頭湧湧,水洩不通。有人擔心咁樣迫住買家,隨時染疫。年花總要買,但唔想同人迫,又想藉呢個機會藉下本地花農,非牟利慈善團體綠田園最近與華園農場合作,用WhatsApp就可以買到新鮮劍蘭和百合,訂貨後可在指定地點自取或要求送貨服務。

 

去年,本港經濟受疫情影響,各行各業元氣大傷,部分商戶生意驟減,瀕臨在結業嘅邊緣。新年係消費需要及意慾最強嘅檔期,既然好多嘢都必要買,不如支持本地商戶,用行動來撐本地經濟。例如新年將至,好多人習慣買花過年,既為家居添氣氛,亦希望討個好意頭,新一年花開富貴。綠田園最近與位於文錦渡邊境本地嘅華園農場合作,推售本地種植嘅劍蘭和百合。

 

劍蘭和百合嘅品種都係嚟自荷蘭,農夫以大花頭種植百合,更以特大花頭種植劍蘭,而劍蘭係會連花頭都畀埋你。有買開花嘅都知,百合品種繁多。今次推銷嘅百合有4款,包括:火鳳凰百合、黃天霸百合、大連百合及金百合,都係常見而且顏色漂亮嘅品種。至於劍蘭,係紅獅劍蘭,一株上有連中嘅紅色花,寓意鴻運當頭。

黃天霸百合大連百合金百合火鳳凰百合紅獅劍蘭

 

由於本地農地規模有限,本地花農種年花,面對唔同挑戰,在價格上未必最有競爭力,但論質素,本地農夫都係有心人。好似華園農場負責人謝振華,一人打理整個農場,由於專注務農,對推銷宣傳一竅不通,亦不曾開放農場讓公眾入內買年花。綠田園今次合作,既能幫助本地農夫,同時讓香港人撐本地花農,又買到本地種嘅靚年花過年。

 

價錢方面,劍蘭6枝賣$228,百合2$168,最低訂購量係6枝劍蘭或2枝同款百合,不設散賣。有興趣買本地年花撐本地農夫嘅你,可於24日起用WhatsApp訂購,可選擇到綠田園基金荃灣金色有機園圃自取,或另付$150要求年花直送到指定地址。由於人手有限,送貨只限在28日上午10時至下午4時內,不能指定日期及時間。本地靚年花產量有限,賣晒就無。

 

INFO

https://www.facebook.com/producegreen

 

Text: MaryLin

 

你或會有興趣的相關文章:

 

零食精品化用靚料手工製│阿根延牛柳造肉乾肉軟多汁

打破一般越南菜框架│南越fusion菜驚喜食味體驗

 

相關文章
灣仔利東街漿糊仔首間海外店 │必買!印花抗疫口罩  600g限定版保濕霜灣仔利東街漿糊仔首間海外店 │必買!印花抗疫口罩 600g限定版保濕霜 本地媽媽手工製冬日及抗疫品│一份禮物兩份意義沙田限定發售本地媽媽手工製冬日及抗疫品│一份禮物兩份意義沙田限定發售 Karcher全新無線吸塵機│人體工學設計輕而易舉Karcher全新無線吸塵機│人體工學設計輕而易舉 2021觀音借庫安排│專人代借省排隊避聚集2021觀音借庫安排│專人代借省排隊避聚集 延長年花開花期│在花瓶加XXX就得延長年花開花期│在花瓶加XXX就得 $88買海洋公園入場券2張│2人酒店住宿連門券只$188$88買海洋公園入場券2張│2人酒店住宿連門券只$188 九龍灣期間限定運動遊樂競技場│9項遊戲鬥智鬥力親子同樂九龍灣期間限定運動遊樂競技場│9項遊戲鬥智鬥力親子同樂 朝早返工趕時間│早餐神器幫手快速做早餐朝早返工趕時間│早餐神器幫手快速做早餐