人人都鍾意食零食，但你估人人都識搵高質零食嚟食咩？零食之中，牛肉乾係唔少人嘅摯愛，可謂煲劇打機睇波恩物。眾多品牌中，本地老字號華園食品嘅沙嗲牛肉片更係深入民心。最近，華園食品趁住牛年玩gimmick，與本地高級食材品牌Gusteau’s合作推出至尊版沙嗲牛肉片─「黃金牛柳肉片」，選材用上阿根廷牛肉，食味更上一層樓。喜歡牛肉乾嘅你要一試，零食原來可以咁「高汁」。
華園 X Gusteau’s吉時。廚思— 黃金牛柳肉片」 $128 / 瓶(100克)
促成呢一次合作，主要因為兩個品牌嘅老闆都係「為食鬼」，大家都鍾意食牛肉乾，亦可得牛肉乾可以造得更好。Gusteau’s一直從世界各地搜羅優質食材，今年主打之一係阿根廷牛肉。阿根廷牛肉肉味特別濃，而且較美國牛肉更軟腍多汁，脂肪比例均勻，咬落啖啖肉，無咁多筋。今次Gusteau’s與華園食品合作，特別挑選咗牛肉之中最軟腍嘅部位─牛柳來做牛肉片。
肉片軟腍多汁，特製醬汁微辣惹味，可以話係「高汁」零食。
或者有人覺得，零食啫，使乜咁講究？但好味其實來自執著，今次兩個品牌就係想突破，從大家習以為常之中加點驚喜。呢個「黃金牛柳肉片」以人手製作，一口一片，食得方便。味道方面，肉香味濃，咬落軟腍，濕潤有汁，絕對唔係乾柴。加埋金黃色嘅秘製醬汁，微辣惹味，更能突出牛肉鮮味。特別又用心嘅製作，為保美味當然不能量產。限量推出，賣晒就無。依家去兩個品牌嘅facebook就可以訂購得到。
INFO
https://www.facebook.com/GusteausHK/
https://www.facebook.com/wahyuen
Text: MaryLin
你或會有興趣的相關文章：
大埔林村特色園藝小店│ 多個特色打卡位任影
打破一般越南菜框架│南越fusion菜驚喜食味體驗