Karcher全新無線吸塵機│人體工學設計輕而易舉| likemagazine.com.hk
購物
Karcher全新無線吸塵機│人體工學設計輕而易舉

Karcher全新無線吸塵機│人體工學設計輕而易舉

就快過新年,傳統上會執下屋,來個家居大清潔,將家中嘅污漬、垢物、垃圾及積塵等清掉,乾乾淨淨迎接新一年。清潔家居要有效率,你需要一部好吸得、靈活又輕巧嘅吸塵機。德國Karcher最近出咗部新嘅無線吸塵機,最長可用60分鐘,重量只有1.25千克,單手舉起部機吸天花邊嘅塵輕鬆做得到,吸力強但噪音低,賣點之一係集塵箱可以完全分離機身,用後可徹底清洗。以售價3千幾元嚟講,呢部性價比頗高。

 

吸塵機係家居清潔嘅好幫手,小編清潔心得係拖地前用吸塵機吸走塵垢,拖地後地上更潔淨清爽。講番呢部Karcher德國高潔VC4S無線高效能旋風式吸塵機,售價$3,400,中高檔價格未必第一時間吸引到你,但考慮埋性能和設計,或者會令你刮目相看,放入購買清單中。

Karcher德國高潔VC4S無線高效能旋風式吸塵機

 

先講下多數人最關心嘅續航力。呢部吸塵機在節能模式可用長達60分鐘,以香港一般家居面積嚟講,吸晒全屋綽綽有餘,返轉頭再補吸,連埋櫃邊和梳底底罅清潔都得。若果嫌開動節能模式,吸力未夠強,開動中速模式,用到30分鐘,中小型家居清潔夠用有餘。如果要用吸力最強嘅全速模式,運作時間約有12分鐘,來個全屋快吸,吸走塵垢好輕鬆。

使用節能模式可用達60分鐘。

 

充電方面,充滿電約要3.5小時,時間上可接受。收納座底有充電位,將吸塵機泊上去即充電,吸塵機唔使「靠牆企」,放喺屋企任何角落都得,方便得多。

收納座有充電位,泊機即充電。

 

機身重量只有1.25千克,小編試過單手舉得起。呢一點好重要,用嚟吸櫃頂、窗簾、天花燈槽等積塵輕鬆得多。專利式雙手柄設計,參考人體工學,令你舉機時拎得更就手,慳好多力。

機身輕巧,單手舉起都應付自如。人體工學設計嘅專利式雙手柄,無論推拉或舉起吸塵機都好輕鬆。

 

吸塵機嘅「心臟」摩打和集塵箱。呢部吸塵機使用4重高效旋風過濾,以及設有HEPA 12過濾器,吸力穩定,過濾力強,噪音低。特別設計嘅集塵箱,按一鍵即可倒塵,好方便。集塵箱更可從機身完全拆出嚟清洗,咁就唔會有垢物留喺集塵箱,長期積累擔心滋生細菌問題。再睇埋吸頭,可作180度靈活旋轉,床底、梳化底、櫃底、櫃邊等隱閉位清掃起嚟輕而易舉。集塵箱按一鍵即可倒塵,很方便。集塵箱全個拆出來清洗。使用HEPA 12過濾器,過濾力強。換上不同配件,可輕易清除家中不同角落嘅灰塵。

 

總括而言,若果你搵緊一部吸力OK、唔太噪、操作方便嘅吸塵機,Karcher德國高潔VC4S無線高效能旋風式吸塵機係值得考慮。小編加分位係可拆出嘅集塵箱,只要有用過吸塵機,又極度重視清潔衞生嘅,就知道呢一點好重要。有啲大品牌吸力雖強勁,但倒塵麻煩到一個點,令人用完唔想再用。呢部吸塵機價位上雖然較輸蝕,但論設計、性能及實用性,則可以擊倒其他知名品牌。

 

INFO

www.kaercher.com/hk/home-garden

  

Text:JosiYan

 

你或會有興趣的相關文章: 

大埔林村特色園藝小店│ 多個特色打卡位任影

手機都影到靚香港夜景│龍翔道觀景台俯瞰萬家燈火

 

 

 

相關文章
【打卡熱點】尖沙咀7-Eleven X可口可樂概念店│換購茶餐廳積木模型+品嚐限定特餐【打卡熱點】尖沙咀7-Eleven X可口可樂概念店│換購茶餐廳積木模型+品嚐限定特餐 【Hellosss打卡集郵】首架黑白x Ian巴士港九出巡│買黑白奶茶換Ian簽名海報【Hellosss打卡集郵】首架黑白x Ian巴士港九出巡│買黑白奶茶換Ian簽名海報 【暑假玩樂】Pinkoi 10周年九龍灣開市集│miffy & SNOOPY 聯乘快閃店再登場【暑假玩樂】Pinkoi 10周年九龍灣開市集│miffy & SNOOPY 聯乘快閃店再登場 【陪著你走】《鱷魚君最後的100天》期間限定店│4大打卡位 +  日本直送精品【陪著你走】《鱷魚君最後的100天》期間限定店│4大打卡位 + 日本直送精品