荷里活廣場4D限量版利是封│拉開封套牛牛彈出輕擦飄果香| likemagazine.com.hk
Focus
荷里活廣場4D限量版利是封│拉開封套牛牛彈出輕擦飄果香

荷里活廣場4D限量版利是封│拉開封套牛牛彈出輕擦飄果香

每到新年,各大商場除咗以特色布置吸引顧客到訪外,推出特色利是封給顧客消費後換領,都係一道必殺技。由於來年係辛丑牛年,於是與牛相關嘅嘢成為利是封設計主題。荷里活廣場今年嘅利是封就設計到成個牛奶盒咁,仲要係4D,打開封套有隻立體福牛彈出,擦下指定地方有甜香味,夠晒驚喜!今年疫情影響,大家可能會手緊少少,如果打算用靚靚利是封搭夠,呢款利是封可能幫到你!

 

近年商場在利是封設計方面花盡心思,荷里活廣場嘅利是封都算出位,玩4D!大家都知識3D係立體,佢多一個「D」,因為加埋味覺刺激!下年牛牛當家,新年利是封預咗有隻牛,不過呢個利是封隻牛,唔係平面印刷咁簡單,而係立體到識「彈」出嚟,係咪好有意呢?利是封成個牛奶盒咁,寓意新一年人人荷包豐足,黃金堆滿屋,意頭十足。打開封套,牛牛彈出,得意鬼馬!立體利是封,其實玩咗好幾年,所以荷里活廣場要俾大家多一個意外驚喜,就係擦擦飄香。只要喺指定位置擦一擦,便會有甜香氣散發出嚟,共有5款味道,包括:香蕉、士多啤梨、朱古力及葡萄味。利是封睇得又玩得,氹得人開心。

拉開封套,立體牛牛會彈出。擦下指定位置,仲有水果香味。

 

「金牛滿屋」4D限量版利是封禮盒套裝以外,荷里活廣場仲有另一款平實得嚟得體嘅利是封,供顧客消費換領。呢套「金牛滿屋」熨金版利是封套裝,上面圖案熨金,金光閃閃叫人迷,華麗又貴氣。加上毛絨絨嘅福牛,增添觸感,別具特色。

熨金版富貴又得睇。

 

順帶一提,今個新年荷里活廣場將以Peppa Pig為布置裝飾嘅主題,George PigDaddy & Mummy及一眾朋友將到訪以桃花園為設計嘅樂園,同大家歡度新年,粉絲們又可以打卡呃like

 

 

INFO

荷里活廣場「金牛滿屋」限量版利是封

換領日期:202118日起(換完即止

換領地點:荷里活廣場一樓換領處

換領方法:電子消費滿$800,可換領4D限量版1套;滿$300可換領熨金版1

 

 

TEXT: MaryLin

 

你或會有興趣的相關文章: 

大埔林村特色園藝小店│ 多個特色打卡位任影

灣仔利東街漿糊仔首間海外店 │必買!印花抗疫口罩 600g限定版保濕霜

 

相關文章
大掃除不靠化學用天然│檸檬白醋梳打粉強效除萬年漬大掃除不靠化學用天然│檸檬白醋梳打粉強效除萬年漬 基督教勵行會慈善步行│完成1萬步籌款支援基層兒童基督教勵行會慈善步行│完成1萬步籌款支援基層兒童 香港國際電影節首推網上觀影證│ 4K數碼修復王家衛4大名作香港國際電影節首推網上觀影證│ 4K數碼修復王家衛4大名作 白熊和蜥蝪化身熱辣蒸包│唐記包點X角落小夥伴推限定食品白熊和蜥蝪化身熱辣蒸包│唐記包點X角落小夥伴推限定食品