韓國慶尚南道全新Y形吊橋│體驗懸浮山谷嘅刺激感| likemagazine.com.hk
Travel
韓國慶尚南道全新Y形吊橋│體驗懸浮山谷嘅刺激感

韓國慶尚南道全新Y形吊橋│體驗懸浮山谷嘅刺激感

去旅行唔止食買玩,近年愈來愈多人喜歡去異國郊區尋幽探秘,接觸大自然,放鬆身心。韓國慶尚南道嘅「牛頭山」係登山好去處,呢度唔止有翠綠嘅山巒,讓你盡情吸取被稱為「植物精氣」嘅芬多精,令你去除疲勞,提神醒腦,仲有一條Y字形懸索吊橋,等著你來挑戰!

 

去年10月尾先開放嘅Y字形懸索吊橋,全長109米,海拔高600米。吊橋貫通三面山壁,而且採用非密封式,讓遊客可以清楚睇到四周嘅青葱景致,體驗懸空在山谷嘅刺激!一邊行吊橋,影嘅相大部分係主觀式或近境,就算有朋友幫你影,行到遠一遠只係影到部分吊橋。想取個壯觀全境,用3條吊橋Y字形喺山谷嘅靚view做背景,記住要去展望台打卡,居高臨下,無遮無擋!牛頭山Y字型懸索吊橋牛頭山Y字型懸索吊橋

牛頭山Y字型懸索吊橋

 

吊橋本屬「治癒型主題園地」其中一個項目,依家率先免費開放,至於園地其他部分預計今年5月竣工,屆時會有音樂會和文化表演。相信待疫情消散,韓國「開關」,成個樂園都起好晒,到時大家多個新鮮景點去玩和打卡囉!

 

INFO

牛頭山Y字型懸索吊橋  

地址﹕慶尙南道居昌郡加祚面水月里山19-4  경상남도 거창군 가조면 수월리 19-4

交通﹕在居昌巴士客運站乘的士到牛頭山登山路入口,車程約22分鐘,車費約17,800韓元,下車後步行約10分鐘便到達

 

 

TEXT: MaryLin 

圖片來源:韓國觀光公社

 

 

你或會有興趣的文章:

畫迷必訪埼玉新景點│所澤Sakura Town奇幻之旅

宜蘭礁溪必食甕窯雞|高溫烘烤皮脆肉嫩勁多汁

 

相關文章
京都無接觸自助麵包店│平板點餐自助付款京都無接觸自助麵包店│平板點餐自助付款 4個特色Staycation套餐│泡泡浴/新酒店/泰食/藝術遊4個特色Staycation套餐│泡泡浴/新酒店/泰食/藝術遊 3至6月油菜花盛放│4個韓國油菜花田打卡熱點3至6月油菜花盛放│4個韓國油菜花田打卡熱點 春暖花開京都賞梅│必遊千梅神社垂梅瀑布春暖花開京都賞梅│必遊千梅神社垂梅瀑布 紫花紫橋紫涼亭紫巴士超夢幻│韓國紫色雙島成打卡熱點紫花紫橋紫涼亭紫巴士超夢幻│韓國紫色雙島成打卡熱點