大埔街市隱藏澳門鳳城手信│栗子專門店買涼果雪糕| likemagazine.com.hk
Special
大埔街市隱藏澳門鳳城手信│栗子專門店買涼果雪糕

大埔街市隱藏澳門鳳城手信│栗子專門店買涼果雪糕

過去一年,因為疫情無得去旅行,放假空閒時,小編同大家一樣會周圍去,重新認識和發現香港。上個星期,小編來到大埔,本打算買啲新鮮靚食材返屋企煮飯仔,卻無意間發現兩間專賣涼果和和中式傳統小吃嘅店舖,得到意外收穫。

 

未有疫情前,遇啱放假但未能遠遊,近近地都會去澳門玩兩日一夜,臨走時買啲杏仁餅、手工蛋卷及涼果等特色手信,旅程愉快又開心。等咗成年,疫情仲未退,連澳門都去唔到,喜歡旅遊如小編嚟講真係幾sad。好在呢一日,喺大埔富善街,小編搵到遊澳門嘅感覺,可以暫時一止旅遊癮。

 

呢間名叫「澳門鳳城手信」嘅店舖,裝潢和陳設確與澳門手信街嘅手信店有幾分相似。店前擺滿各式中式傳統小吃和涼果,雞仔餅、花生糖、蛋散、果仁糖,琳瑯滿目。小編本來行街市買餸,但竟被吸引走過嚟,因為遠遠聞到陣陣餅食香氣,而且睇到舖內炊煙四起。原來呢間店部分產品如果仁糖、杏仁餅等都係當店限量手工製,新鮮製,味道特別香脆,一般工廠量製包裝嘅完全無法複製呢種獨有嘅味道和質感。

 

店前賣小吃,店後係製作工場,小吃大部分為當店新鮮手製。店前賣小吃,店後係製作工場,小吃部分為當店新鮮手製。

 

呢間咁有澳門風味嘅小店,原來老闆真係嚟自澳門!兩人家族在澳門開店出售自製嘅杏仁餅、蛋卷和涼果,二人後來嚟咗香港,於是在大埔開店傳承家族嘅美味小吃。

 

杏仁餅百分百人手造,有原味和蛋黃肉心兩種味道,每次出爐秒速被人掃空。杏仁餅百分百人手造,有原味和蛋黃肉心兩種味道,每次出爐秒速被人掃空。

 

外觀上,雖然手造杏仁餅不及機器製嘅完美,餅邊偶有崩缺,但味道絕對可口,更附加依家愈來愈罕有嘅人情味。外觀上,雖然手造杏仁餅不及機器製嘅完美,餅邊偶有崩缺,但味道絕對可口,更附加依家愈來愈罕有嘅人情味。

 

近年飲食潮流講求健康,為食又想健康,不妨試試呢款四寶糖,用新鮮綜合果仁造,低糖配方,很美味。近年飲食潮流講求健康,為食又想健康,不妨試試呢款四寶糖,用新鮮綜合果仁造,低糖配方,很美味。

 

琥珀合桃,甜香鬆脆,微微焦糖香,一食停唔到口。琥珀合桃,甜香鬆脆,微微焦糖香,一食停唔到口。

 

中式傳統餅食款式頗多,雞仔餅、芝麻餅、合桃酥、五穀酥,如果逐款買嚟試,小編開始擔心肥幾磅。中式傳統餅食款式頗多,雞仔餅、芝麻餅、合桃酥、五穀酥,如果逐款買嚟試,小編開始擔心肥幾磅。

 

當小編懷著興奮嘅心情,打算離開富善街時,再行數十米,又被另一間涼果小食店吸引住目光。呢間「皇甘栗」,原本主打賣野生栗子,生栗子有連穀和去穀兩種,好多區內識途主婦會專程嚟買用來煲湯、炆雞或排骨、煲湯水等。另外,亦有炒栗子,每日新鮮即炒,每年只限9月至翌年5月有售。

 

特大招牌,而且門面企理乾淨整齊,在富善街很搶眼。特大招牌,而且門面企理乾淨整齊,在富善街很搶眼。

 

栗子粉糯香甜,而且秋冬天正係當造。炆雞美味,煲湯清甜。栗子粉糯香甜,而且秋冬天正係當造。炆雞美味,煲湯清甜。

 

好多人嚟呢間店唔止買栗子,仲會買各式涼果、果仁和水果乾!一個個圓型木桶內,放著各式各樣嘅涼果,梅、薑、欖、柑桔、檸檬、陳皮、八仙果等,應有盡有,全部係懷舊味道。

 

懷舊涼果款式多多,小心選擇困難症發作!懷舊涼果款式多多,小心選擇困難症發作!

 

若你為健康想戒食薯片,但好想食啲香脆嘅,小編推介呢款脆蓮子,入口鬆化香脆,係健康零食。若你為健康想戒食薯片,但好想食啲香脆嘅,小編推介呢款脆蓮子,入口鬆化香脆,係健康零食。

 

小編一見老柑桔(左下)便忍不住手買咗,可口潤喉,適合放喺辦公室,無聊時好過食朱古力或糖。小編一見老柑桔(左下)便忍不住手買咗,可口潤喉,適合放喺辦公室,無聊時好過食朱古力或糖。

 

呢間店賣栗子起家,唔止有現成栗子賣,仲用香甜栗子造雪糕。栗子雪糕內有粒粒栗子肉,啖啖濃郁栗子香;雪糕用北海道3.6牛奶鮮造,雪糕有奶香又夠滑。香港鮮造,食得安心。

 

栗子雪糕好多栗子肉。栗子雪糕好多栗子肉。

 

栗子味之外,仲有其他涼果和特色口味雪糕如:陳皮、話梅、生薑、玄米茶、石榴等。喜歡食雪糕但對大路水果味食到厭嘅你,可以一試!栗子味之外,仲有其他涼果和特色口味雪糕如:陳皮、話梅、生薑、玄米茶、石榴等。喜歡食雪糕但對大路水果味食到厭嘅你,可以一試!

 

TEXT: MaryLin

 

你或會有興趣的相關文章: 

大埔林村特色園藝小店│ 多個特色打卡位任影

https://bit.ly/3l8UWH7

手機都影到靚香港夜景│龍翔道觀景台俯瞰萬家燈火

https://bit.ly/2GTVHFD


 

相關文章
沙田市中心燒烤樂園│套餐包工具 / 親手燒乳豬沙田市中心燒烤樂園│套餐包工具 / 親手燒乳豬 尖沙咀親民價歎星級意廚出品│爆肉pizza媽媽味肉醬意粉尖沙咀親民價歎星級意廚出品│爆肉pizza媽媽味肉醬意粉 【飲食情報】網上預訂5星酒店4人8道菜套餐│每人$247歎冬瓜盅/片皮鴨/鮑魚【飲食情報】網上預訂5星酒店4人8道菜套餐│每人$247歎冬瓜盅/片皮鴨/鮑魚 灣仔慢活主題咖啡店│香港本土食材煲咖啡灣仔慢活主題咖啡店│香港本土食材煲咖啡 【飲食情報】Pepper Lunch有素食!│期間限定鐵板植物漢堡扒【飲食情報】Pepper Lunch有素食!│期間限定鐵板植物漢堡扒 情人節親手調製雞尾酒│DIY套裝跟step做輕鬆添浪漫情人節親手調製雞尾酒│DIY套裝跟step做輕鬆添浪漫 佐賀莓小姐大粒多汁超甜│必試多款期間限定甜品佐賀莓小姐大粒多汁超甜│必試多款期間限定甜品 【飲食情報】大角咀西式濃湯輕食店│本地/素食/低碳/無麩質【飲食情報】大角咀西式濃湯輕食店│本地/素食/低碳/無麩質