本地媽媽手工製冬日及抗疫品│一份禮物兩份意義沙田限定發售

購物 2021-01-07

買禮物送人係一門學問。當然，若你抱著禮送出門就唔關自己事嘅態度，就唔需要考慮太多。但係，若你想藉著一份禮物表達你嘅心意和關懷，禮物選擇就唔可以馬虎。如果你正想搵一份特別嘅禮物送人，小編又有好介紹！沙田新城市廣場最近有一檔Pop-up Store，貨品全部由本地婦女手造，布香包、香薰噴霧、金盞花膏、香薰蠟燭等，精美實用。近來疫情嚴峻，好多人在抗疫路上需要身邊人支持和鼓勵，送佢哋呢啲小禮物，用香氣舒緩減壓，另外你嘅每筆消費亦幫助本地婦女再就業，一舉兩得。

「Impact Lifestyle POP-UP期間限定店」係由新城市廣場與香港社會創投基金(SVhk)旗下嘅社會創效項目「合廠」開設。「合廠」服務嘅對象為一班本地婦女，主要為佢哋提供彈性上班及在職培訓，讓佢哋可以喺友善工作環境中，同時兼顧家庭及事業。

新城市廣場X合廠 Impact Lifestyle POP-UP期間限定店

今次「合廠」在商場開設限定店，找來「雅蘭集團」及「晴媽媽手作工房」合作，製作逾40款抗疫及冬日禮品，非常適合大家買來作節日禮品，送給摯友親朋。所有貨品由婦女親手造，雖然無華麗嘅包裝，而且產品設計唔係極致精美，但卻有手工造獨有嘅溫度和質感。限定店開放至1月13日，有意買禮物又想為本地媽媽締造就業機會嘅你，把握機會囉！

手工梘在潔膚和護膚嘅效果上，比梘液更好，而且不傷皮膚，近年大受追捧天然健康嘅人歡迎。