支持環保實踐減廢生活 │總有回收點喺你左近| likemagazine.com.hk
Special
支持環保實踐減廢生活 │總有回收點喺你左近

支持環保實踐減廢生活 │總有回收點喺你左近

疫情襲港,因限聚令和禁堂食,買外賣成為我哋生活日常。三餐外賣解決,快捷方便,但卻產生大量塑膠垃圾,大大加堆填區壓力。除咗外賣飯盒之外,網購產生嘅包裝物料、生活裡嘅日用品等都會製造大量塑膠、玻璃和紙品垃圾。其實只要大家多行一步,將可回收嘅家居廢物清洗後送去回收地點,便可減廢,保護環境。

 

棄膠問題嚴重一直存在。去年未有疫情前,環保團體綠領行動曾發表調查報告,揭示港人日常生活製造大量塑膠垃圾,每星期人均最少丟棄1.36件膠飲管、1.35件膠餐具、1.67件即棄塑膠食物器皿、1.82件外賣膠袋。若以全港748萬人推算,每星期最少共丟棄4640萬件即棄塑膠。留意一點,呢個係去年嘅估算。今年疫情來襲,好多人因為禁堂食和限聚轉而買外賣。綠領行動今年4月疫症爆發初期曾進行網上問卷調查,結果顯示,以750萬人口推算,疫情期間港人一星期購買約2,110萬次外賣,每星期將消耗逾億件即棄塑膠!

 

疫情持續,不但大眾外賣次數倍增,網購亦漸漸成為生活重要部分。因網購而產生嘅垃圾,包括紙箱、速遞單、保護速遞單的膠膜、紙箱膠帶、宣傳單張、出貨收據、防撞氣泡布等,亦大大加重堆填區負擔。綠惜地球推算,2020年首10個月網購平台銷量比往年同期增加119%,估計香港2020年網購包裝垃圾棄置量,將破10億件。

 

單看資料數字,大家未必感受到減廢嘅重要,但只要查睇一下自己屋企個垃圾桶或者每日掉嘅垃圾量,便能親證我哋每日為生活而製造出嚟嘅廢物有幾驚人,食品飲品包裝、宣傳單張、日用品和護理品包裝、收據等,塞滿垃圾桶無難度。

 

有人話,生活少不免造廢,不過當造廢避唔到,試下減廢可以嗎?除咗盡量減少使用一次性、即棄類物品,回收都係減廢方法之一。講到環保,大家應該對「黃鋁罐、藍廢紙、啡膠樽」呢句口號唔陌生,在社區不同角落輕易搵到三色回收箱,不過呢啲回收箱經常被塞滿和整到污糟邋遢,減低大眾回收意欲。

 

其實近年各界嘅環保意識增加,著力開拓更多回收渠道,鼓勵大眾減廢。例如飲品膠樽,除咗放入政府嘅啡色回收箱外,小編發現近來唔少商場或部分零售商店都設有膠樽回收機。大家只要將清洗乾淨嘅飲品膠樽放入機內,便可獲得電子積分、現金回贈或列印收據換取禮品。

 

小編在超市搵到回收飲品膠樽嘅回收機,投入清潔乾淨嘅飲品膠樽可得現金回贈。小編在超市搵到回收飲品膠樽嘅回收機,投入清潔乾淨嘅飲品膠樽可得現金回贈。

投入膠樽前,記得先把膠樽清洗乾淨。投入膠樽前,記得先把膠樽清洗乾淨。

機器透過掃描條碼分辨塑膠種類。機器透過掃描條碼分辨塑膠種類。

 

至於紙包飲品,好多人以為唔可以回收,但近來已有廠商專門處理回收事宜。佢哋喺全香港唔同地方包括社區中心、中學、議員辦事處等、屋苑等,設置回收箱,大家飲用紙包飲品後,只要移除膠袋、飲管或者膠蓋,然後剪開及攤平紙盒,洗洗乾淨及抹乾,便可放入回收箱。紙包飲品盒回收後可製成再生紙品如再生紙巾。根據專門處理紙品飲品回收並製成再生紙品嘅Mil Mill喵坊網頁資料,生產一噸再生紙比原木漿紙更環保,不用斬24棵樹,減少49%用水,減少33%用電量,減少37%碳排放及減少39%固體廢物。

 近來在社區中心、中學、議員辦事處等、屋苑等都搵到紙包飲品回收箱,大家按指示去除盒上含塑膠部分,並清洗乾淨,便放投入箱內回收。(圖片:Mil Mill喵坊網頁)

近來在社區中心、中學、議員辦事處等、屋苑等都搵到紙包飲品回收箱,大家按指示去除盒上含塑膠部分,並清洗乾淨,便放投入箱內回收。(圖片:Mil Mill喵坊網頁)

 

生活垃圾當然不止膠樽和飲品紙盒,食品包裝袋、日用品嘅塑膠樽、外賣盒、包裝紙盒,甚至小朋友唔再玩嘅玩具、唔再聽嘅CD等,點處理好?其實社區裡有好多團體或組織積極在回收方面出力,只要你肯多行一步,一定可以將你嘅廢物送去回收。

 

早前小編路經大埔瑞安街,就搵到由非牟利機構環保協進會開辦嘅「塑膠回收棧」。區內居民可以將不同用途嘅塑膠物品拎去回收。如有任何回收方面嘅疑問,工作人員會熱心幫忙及回答問題。除咗塑膠外,呢度連玻璃、廢紙都收。中心又設立會員制,回收塑膠物品可儲積分,換取禮品。

 

支持環保唔難,重點係有無心。各個社區可找到回收站,小編路經大埔瑞安街就搵到呢間由環保協進會開辦嘅回收中心,居民可以將日常生活產生嘅廢物送去回收。支持環保唔難,重點係有無心。各個社區可找到回收站,小編路經大埔瑞安街就搵到呢間由環保協進會開辦嘅回收中心,居民可以將日常生活產生嘅廢物送去回收。

洗頭水樽、洗衣液樽、食品膠瓶、飲品樽、杯麵碗、購物膠袋等,洗淨後便可交去回收。洗頭水樽、洗衣液樽、食品膠瓶、飲品樽、杯麵碗、購物膠袋等,洗淨後便可交去回收。

咪以為所有膠樽都可回收,工作人員會教你睇回收標籤。咪以為所有膠樽都可回收,工作人員會教你睇回收標籤。

呢度玻璃樽、廢紙都收,但必要乾淨。呢度玻璃樽、廢紙都收,但必要乾淨。

成為中心會員,每次回收可儲積分。累積指定分數可換禮品。成為中心會員,每次回收可儲積分。累積指定分數可換禮品。

 

為加強支援地區層面嘅減廢回收,政府近年都好積極。環境保護署最近著力構建社區新的回收網絡,2020起更以合約形式委聘合資格嘅非牟利機構,在全港18區設立並營運22個「回收便利點」,方便公眾參與回收。回收利店接收不少於8種回收物,包括廢紙、金屬、塑膠、玻璃樽、四電一腦、小型電器、慳電膽及光管、充電池等。收集到嘅回收物會經過分揀,再運送至合適嘅下游回收商作後續處理。另外,為方便和鼓勵公眾參與廢物源頭分類及乾淨回收,環保署於2020年第四季起陸續在全港各區設立超過100個「回收流動點」,以每周定時定點街站形式運作。

 設在不同社區嘅回收便利點陸續投入服務。(圖片:環保署網頁)設在不同社區嘅回收便利點陸續投入服務。(圖片:環保署網頁)

回收便利店裝潢格局很時尚,大大增加公眾支持回收嘅意欲。 (圖片:環保署網頁)回收便利店裝潢格局很時尚,大大增加公眾支持回收嘅意欲。 (圖片:環保署網頁)

市民於社區新的回收網絡提交不少於2公斤的回收物後,即可作簡單登記領取「綠綠賞」積分卡,每次提交回收物品可儲積分及兌換禮品。(圖片:環保署網頁)市民於社區新的回收網絡提交不少於2公斤的回收物後,即可作簡單登記領取「綠綠賞」積分卡,每次提交回收物品可儲積分及兌換禮品。(圖片:環保署網頁)

 

查詢各區回收點按此

 

環保唔係得把口講,大家要實際行動。唔好再話回收好麻煩,其實社區裡有不同渠道,只要你多做一個動作,便可為減廢出力。 

 

 

TEXT: MaryLin

 

你或會有興趣的相關文章: 

大埔林村特色園藝小店│ 多個特色打卡位任影

手機都影到靚香港夜景│龍翔道觀景台俯瞰萬家燈火

 

逆市搵工無有怕!即睇最新熱門招聘公司:http://bit.ly/2OQKwP1

 

 

相關文章
和民極平版Omakase $160歎8道菜│帝逸酒店推廚師發辦海膽午晚餐和民極平版Omakase $160歎8道菜│帝逸酒店推廚師發辦海膽午晚餐 【飲食情報】Pepper Lunch有素食!│期間限定鐵板植物漢堡扒【飲食情報】Pepper Lunch有素食!│期間限定鐵板植物漢堡扒 【飲食情報】旺角露天酒吧$99任食雞翼90分鐘│加碼食埋薯條甜品每位$149【飲食情報】旺角露天酒吧$99任食雞翼90分鐘│加碼食埋薯條甜品每位$149 【飲食情報】豚王櫻祭展出日本大師紙雕│限定美食櫻花拉麵/水玄信餅/櫻花酒【飲食情報】豚王櫻祭展出日本大師紙雕│限定美食櫻花拉麵/水玄信餅/櫻花酒 【飲食情報】九龍城櫻花木煙燻菜式│煙味提升肉香海鮮更鮮【飲食情報】九龍城櫻花木煙燻菜式│煙味提升肉香海鮮更鮮 防疫放寬閨密聚會│精選4間酒店特色下午茶防疫放寬閨密聚會│精選4間酒店特色下午茶 打破一般越南菜框架│南越fusion菜驚喜食味體驗打破一般越南菜框架│南越fusion菜驚喜食味體驗 當造車厘子塔斯曼尼亞貨最熱賣│皮脆肉甜爆汁車厘子要咁揀當造車厘子塔斯曼尼亞貨最熱賣│皮脆肉甜爆汁車厘子要咁揀