成年無飛好掛住日本│自製一天偽日本小旅行| likemagazine.com.hk
Special
成年無飛好掛住日本│自製一天偽日本小旅行

成年無飛好掛住日本│自製一天偽日本小旅行

對於習慣儲起年假,年尾一舖過清假去日本過聖唌嘅鄉民嚟講,今年係好難過嘅一年!無得飛,留喺香港,過聖誕都想感受和風?不如自製一趟本地日本小旅行,扮下嘢當去咗,暫時止癮!其實身在香港要感受和風完全無難度,不過今次目的係全日行程都與日本相關,咁密集式嘅體驗,相信大家都未必試過,應該有啲新鮮感。

 

一對一私人沖泡咖啡體驗

一日之計在於晨,晨早起身要醒醒神,飲杯咖啡先。日本人對咖啡嘅熱情和專注,相信鄉民以前返鄉下時都感受到。日本嘅咖啡店,唔止在味道上精心鑽研,更著重店舖環境氣氛嘅配合,總之令人每次光顧,都覺得係一次奇妙的咖啡旅程。以前返鄉下總要搵間著名咖啡店朝聖嘅你,今年人在香港,原來都可體驗呢種趣味。日本表參道嘅OMOTESANDO KOFFEE繼早年落戶灣仔後,今年6月喺尖沙咀K11 MUSEA再開分店。呢間店以深焙濃縮咖啡和日式hand drip 咖啡闖出名堂,加上店舖設計走日式簡約風,以素色木系為主,早已成為愛咖啡又愛打卡嘅人聖地。今年年中,店方與日本咖啡豆專門店Koffee Mameya聯乘合作,玩店中店,內有專業咖啡師駐場,為客人提供一對一嘅咖啡服務。咖啡師會按客人嘅口味喜好、飲咖啡習慣等,提供最適合嘅咖啡,客人亦可查問有關咖啡嘅知識。喺呢度唔止歎咖啡,仲可以將心水咖啡豆買回家,咖啡師會教埋你點沖、點磨咖啡豆等,服務非常貼心。溫提一下,如要體驗呢個獨一無二嘅咖啡旅程,必要預先在商場嘅手機程式預約。

 

INFO

KOFFEE MAMEYA

地址: 尖沙咀梳士巴利道18Victoria Dockside K11 Musea B2B217號舖

 

九龍灣MUJI重溫日式生活質感

MUJI係好多鄉民返到鄉下會做嘅事。雖然香港都有MUJI,但日本嘅MUJI就係有種魔力,令人禁不住去朝聖。今年無得去日本MUJI,唯有去香港最大嗰間MUJI,滿足一下shopping癮。呢間位於九龍灣嘅MUJI,面積逾2萬多平方呎,有齊衣、食、住、行各方面嘅產品,照顧大家日常所需。數全店人氣最旺嘅,就係設喺門口位嘅食材專區,有好多來自日本嘅鮮蔬果出售,亦有各式各樣嘅日本預製、罐頭及包裝等食材。置身其中,若果唔係身邊人人講廣東話,相信一定會以為自己真係去咗日本。店內更專賣茶和米的櫃位,成年無去日本,就快忘記日本茶和米係咩味,可以嚟呢度買返屋企買買品嚐。另外,呢間店同時設有Café&Meal MUJI,大家可以喺度歎下手沖咖啡,買新鮮烘焙麵包;有時間嘅,仲可以坐低慢慢歎以天然健康食材製作嘅餐膳。

 

INFO

MUJI九龍灣分店

地點:九龍灣德福廣場24401-402

 

行將軍澳萬六呎DONKI瘋買

除咗MUJI外,DON DON DONKI亦係港人最愛嘅日本朝聖地之一,貪其包羅萬有,食物、服飾、名牌物品、玩具、精品、電器、藥品等乜都有,仲要價錢平,一站式瘋狂shopping,滿足購買慾。疫症令鄉民唔可以親身去日本嘅DON DON DONKI掃平貨,但累積嘅購買力和慾望可以喺香港分店釋放。DON DON DONKI最新設於將軍澳嘅分店,佔地約16千幾呎,而且跟足日本店全天候24小時營業,鄉民幾時去都得。呢間店更特別從日本引進咗唔同種類嘅新鮮農產品、雜貨和生活用品、兒童食品、運動器材、寵物用品和保健品等,以滿足大家對優質生活嘅追求;另外,。入內行個圈,聽埋首「洗腦歌」,好有日本旅遊feel

 

INFO

DON DON DONKI Monterey Place

地址:將軍澳唐俊街23Monterey Place 1107-113, 115-122號舖

 

荔枝角D2 Place打卡扮泡湯

每次去日本,shopping以外,重點係打卡。扮嘢扮到底,身在香港,去邊度可以影到勁有日本feel嘅相,同朋友share可以呃得下人呢?位於荔枝角嘅D2 Place幫到你實現願望。即日至明年13日,商場打造多個特色打卡位,俾你盡情扮晒去咗日本。商場嘅天台花園變身日本溫泉山區,有個仿真溫泉,有蒸氣噴出,攞咁角度,扮得下去咗日本露天溫泉。溫泉區旁嘅「雪國階梯」,指定時間有飄雪,識得攞位,好似置身日本京都著名景點貴船神社一樣。另外,在商場消費滿指定金額,即可連同最多三人,進入室內澡堂玩小遊戲。澡堂設計參照地道「錢湯」,入口門簾、玄關木製儲物櫃等,非常像真,俾你瘋狂打卡,滿足一下去日本泡湯嘅樂趣。

 

INFO

D2 Place《荔湯物語》

網址:www.d2place.com

 

晚餐歎高級日本料理

到了晚餐時間,不如食好啲、食得精緻啲。日本餐廳Fumi 最近推出「八道菜嘗味套餐」(每位港幣$980,第二位更可享半價優惠),以日本烹調藝術保留食材嘅天然味道,讓人體驗日本美食哲學。套餐以高級食材入饌,每度菜式如藝術品一般,味覺和視覺同樣享受。晚餐由一道清新的蘋果蟹籽沙律打開序幕,然後係一系列特色前菜,包括菊菜浸出汁、慢煮宮崎雞脆脆、塩煎銀杏和火灸三文魚腩壽司。至於刺身拼盤則有吞拿魚腩、海膽、深海池魚和甜蝦。試過鮮嘅嘅海產,先以一客日本傳統餐器土瓶盛載嘅海鮮土瓶湯暖胃,然後逐一品嚐:不加調味以大火炮製嘅北海道鱈場蟹腳、慢烤A4宮崎牛西冷配壽喜燒汁和溫泉玉子,仲有櫻花蝦野菜餅丼配漬物等多道經典菜式。餐末,以日本時令水果作結。喜歡飲兩杯嘅,仲可以請駐場侍酒師推介清酒配搭餸菜。

 

INFO

Fumi

地址:中環德己立街30-32號加州大廈6

電話:2328 3302

 

TEXT: MaryLin

 

你或會有興趣的相關文章: 

大埔林村特色園藝小店│ 多個特色打卡位任影

https://bit.ly/3l8UWH7

手機都影到靚香港夜景│龍翔道觀景台俯瞰萬家燈火

https://bit.ly/2GTVHFD

 

逆市搵工無有怕!即睇最新熱門招聘公司:http://bit.ly/2OQKwP1

相關文章
【飲食情報】大角咀西式濃湯輕食店│本地/素食/低碳/無麩質【飲食情報】大角咀西式濃湯輕食店│本地/素食/低碳/無麩質 【集體回憶】再見了!「可口可樂」經典玻璃樽│2022年新樽登場加環保元素【集體回憶】再見了!「可口可樂」經典玻璃樽│2022年新樽登場加環保元素 【飲食情報】尖沙咀凱悅全新法式千層酥│必試!港式奶茶口味【飲食情報】尖沙咀凱悅全新法式千層酥│必試!港式奶茶口味 當造台灣鳳梨唔止係水果│食剩做果乾/ 果醬/沙冰/糖漬當造台灣鳳梨唔止係水果│食剩做果乾/ 果醬/沙冰/糖漬 【飲食情報】悉尼人氣越南湯粉店進駐西營盤│30斤牛骨熬湯每日新鮮製【飲食情報】悉尼人氣越南湯粉店進駐西營盤│30斤牛骨熬湯每日新鮮製 【飲食情報】中環小清新餐廳融合藝術文化│健康餐飲/手工啤/手沖咖啡【飲食情報】中環小清新餐廳融合藝術文化│健康餐飲/手工啤/手沖咖啡 【飲食情報】豚王櫻祭展出日本大師紙雕│限定美食櫻花拉麵/水玄信餅/櫻花酒【飲食情報】豚王櫻祭展出日本大師紙雕│限定美食櫻花拉麵/水玄信餅/櫻花酒 日本宮崎金桔完熟甜美│西營盤咖啡店自製果醬沖咖啡日本宮崎金桔完熟甜美│西營盤咖啡店自製果醬沖咖啡