執笠倉尋寶好物推介│貓爪按摩棒消酸痛減腳腫

小編都係返寫字樓嘅打工仔一名，好明白坐足成日對住電腦做嘢嘅痛苦，除咗精神壓力外，頸梗膊痛、腰酸背痛、雙腳浮腫等都唔好受。剛過去嘅周末，小編同大家玩咗個小遊戲，請大家睇圖猜物，好多人好厲害，無中伏，估中圖中嘅係按摩棒。小編喺執笠倉尋寶搵到呢支按摩棒，試過後覺得幾好用，經常一棒傍身，好嘢要share，一於同大家介紹下。

呢支粉紅色嘅按摩棒外形似貓貓爪，感覺幾療癒。貓爪頂端呈圓形波浪狀，就像貓貓的4根指頭但沒有爪，在皮膚上滑動時，很流暢舒服，沒有刮膚刺激感。

其實坊間有很多呢類型嘅按摩棒，但小編試過部分因抓按位太硬或太尖，用起來感覺不舒服。呢一款成支按棒都係曲線條，摸上手很流暢，而且造工不俗，沒有岩巉位， 手感一流。

按摩棒設計成貓爪咁款，當有有實際功用，就係可以似手指咁，幫你通經絡。

小編跟好多OL一樣，返工坐成日後，雙腿常有浮腫如豬蹄的情況。小編會用呢支按摩棒從腳碗起朝上輕力抓按，加促血液循環，便可改善浮腫。圓波位置可以作定點穴位按摩。

喜歡以搥打式舒緩酸痛嘅你，用呢支貓貓爪按摩棒輕搥酸痛位，感覺一樣舒服，當然重點係適當用力，否則用死力一樣痛到入心。

小編喜歡呢支按摩棒，另一個原因係手握位做得不錯，配合手型，按摩用力更得心應手。

按摩棒售價只$15.5，性價比高。

***         ***         ***         ***