Starry Club荃灣誠品開限定店│精選台灣美食讓你在家歎台味| likemagazine.com.hk
Shopping
Starry Club荃灣誠品開限定店│精選台灣美食讓你在家歎台味

Starry Club荃灣誠品開限定店│精選台灣美食讓你在家歎台味

近半年來,小編多次介紹一啲來自台灣嘅美食畀大家,除咗因為小編本身鍾意台灣滋味外,亦因為台灣的確有好多用心做又優質嘅美食,但未被大眾認識。小編推介嘅台灣美食,大部分可以在「Starry Club網樂店」買得到。呢間網店近日更由線上走到線下,喺剛剛開幕嘅誠品生活荃灣店開設限定店。若果你同小編一樣掛住「台味」,唔好錯過直接將台灣美味帶返屋企嘅好機會啊!

 

自從爆出疫情後,打亂咗大家嘅出遊計劃,成年無飛台灣,係咪好掛住台灣嘅美食呢?小編同大家一樣,因為懷念台灣滋味,所以嘗試搵方法滿足欲望,結果在網上搵到「Starry Club網樂店」。呢間網店專賣台灣食品,而且所有貨品百分百台灣製造和直送到港。網店在台灣有團隊專責搜羅台灣各地優質農產品、水果、食品等,全部係在地人試過讚好先入貨,絕非一般遊客貨品。出售嘅食品類別多元化,由零食、麵食罐頭,以至急凍食品及伴手禮都有。

 

今次「Starry Club網樂店」進駐誠品生活荃灣店,可以話俾粉絲多一個途徑買到台灣美食。對於心多嘅香港人,一時間見到咁多台灣食品,難免「選擇困難症」又發作。其實限定店內有售嘅台灣美食,已經過店方精挑細選,既係網店熱賣貨品,亦係在地人嘅心水之選。不過,若想參考一下推介嘅話,有3款食品不得不試。

 

第一款係「Mikado帝鐸立體茶包禮盒台茶十八號紅玉」,台灣出產嘅茶向來高質,在世界品茶界獲甚高評價。「Mikado帝鐸」認真造茶,與不同製茶大師合作,推出精品靚茶。台茶十八號紅玉係台灣名茶品種,經50年育種試驗,以台灣野生山茶和緬甸大葉種茶混合而成,由於香氣特殊,被譽為世界上獨一無二嘅紅茶。呢款茶由漁池鄉百年製茶世家製作,屢獲國際性獎項。最近,又榮獲2020年意大利「國際風味大獎」兩個獎項,分別係:「銀牌獎」及「評審特別獎─年度最佳單品茶」,可見其獨特香氣和味道,獲得飲食界高評價。呢款茶沖泡出來嘅茶湯色澤如蜜,散發迷人果香,入口有輕淡薄荷香氣。午茶時來沖泡一杯,濃濃茶香減壓舒神,配搭甜點或蛋糕享用,回味無窮。

 

Mikado帝鐸立體茶包禮盒台茶十八號紅玉

 

第二款係「六福皇宮」極品牛肉麵。遊台灣,必食牛肉麵。台灣牛肉麵咁美味,因為店家認真熬湯底,而且牛肉處理各有一手。在台灣,每間店家各有自己獨門煮牛肉麵嘅配方,而且各有捧場客,但論人氣和好評,不得不提「六福皇宮」極品牛肉麵。六福皇宮其實係台灣一間五星級酒店,牛肉麵係酒店大廳酒吧嘅招牌菜,唔少當地人為咗試下呢碗牛肉麵嘅美味,專程去酒店「朝聖」。牛肉麵成為經典佳話,因為主廚對出品嚴謹認真,湯底用上大量牛骨、蔬菜等慢火熬煮68小時以上,入口清甜,牛味濃郁,令人食指大動。另外,每碗牛肉麵的牛肉份量十足,牛肋條軟嫩多汁。為咗讓更多人試到呢碗牛肉麵嘅美味,酒店所屬集團設立嘅食品品牌推出咗呢個即食調理包,每盒肉有一個調理包、一包手打麵條及一小包辣油。料理包經加壓高溫殺菌理,唔使冷藏儲存;想吃的時候,將調理包加熱,然後煮麵,再將麵和湯加埋一齊就食得,非常方便。

 

「六福皇宮」極品牛肉麵

 

第三款係「這一鍋」御膳麻辣湯底。踏入秋冬季,氣溫顯著下降,又到咗食鍋嘅時候。台灣人和香港人一樣,熱愛食火鍋,口味方面,台灣人對麻辣火鍋情有獨鍾。「這一鍋」係台灣火鍋名店之一,以皇室秘藏配方的鍋物打響名。呢個湯底由擁有近40年入廚資歷嘅金牌廚藝總監陳詠佶監製,佢花咗2年時間研發。火鍋湯底以鋁箔袋包裝,湯底濃縮成膏狀,加水煮滾便可食用。只要隨個人喜好加入食材,就可以自製個人化麻辣火鍋。湯底辣勁十足,麻香味濃,而且加入大量中藥材,口感添溫順感。

 

「這一鍋」御膳麻辣湯底

 

限定店仲有好多台灣美食,例如糖果、麵食、酥餅、茶包等。因為疫情打亂出遊計劃,成年無飛台灣又好掛住「台味」嘅你,要去「Starry Club網樂店」呢間限定店睇睇,將你喜歡嘅台灣美食立即帶回家慢慢歎。新張期間購物滿指定金額,可獲贈小袋一個。另外,會獲派一張「小樂卡」,卡背有優惠碼,下次上網站購物可享特別折扣。

 

INFO

www.starryc.com

 

你或會有興趣的相關文章:

食呢碗麵嘅係傻瓜?│麵醬套裝傻瓜都煮得到

台灣人氣健康惹味零食│蝦叔叔低溫炸原隻蝦有營又鮮味

 

逆市搵工無有怕!即睇最新熱門招聘公司:http://bit.ly/2OQKwP1

TEXT: MaryLin

 

相關文章
台灣手工煉製香蔥鵝油│炒菜拌飯把平凡味道變奢華!台灣手工煉製香蔥鵝油│炒菜拌飯把平凡味道變奢華! 想要一點甜又要健康?│堅果敲敲腰果太妃給你輕甜快樂想要一點甜又要健康?│堅果敲敲腰果太妃給你輕甜快樂 台灣七彩手工日曬麵 │每口都是自然的味道台灣七彩手工日曬麵 │每口都是自然的味道 唔講唔知係素食│滷製香菇蒂扮「肉乾」唔講唔知係素食│滷製香菇蒂扮「肉乾」 食呢碗麵嘅係傻瓜?│麵醬套裝傻瓜都煮得到食呢碗麵嘅係傻瓜?│麵醬套裝傻瓜都煮得到 台灣人氣健康惹味零食│蝦叔叔低溫炸原隻蝦有營又鮮味台灣人氣健康惹味零食│蝦叔叔低溫炸原隻蝦有營又鮮味 80後無懼疫情創業引入蜜糖飲品 | 健康天然即飲擊中港人需求 80後無懼疫情創業引入蜜糖飲品 | 健康天然即飲擊中港人需求 懶人營養速食好選擇│台灣即開即食辣味茶葉蛋懶人營養速食好選擇│台灣即開即食辣味茶葉蛋