唔講唔知係素食│滷製香菇蒂扮「肉乾」

購物 2020-11-06

「唔食肉點得呀？」「素食都唔好味！」「無肉咪無味囉！」小編每次邀請「食肉獸」友人食素，都會得到以上或類似回應。無疑，對無肉不歡嘅人而言，餐膳欠肉很難受，但食肉太多，對健康唔好係事實。為健康著想，有興趣踏出第一步試食素食，小編建議可以由零食開始。來自台灣嘅「鹿窯菇事」原味素肉乾，外觀和味道與真肉乾非常相似，幾可亂真。食肉獸試過接受到，再逐步將日常飲食減肉吧！

菇類向來係「扮肉」能手，因其香味濃郁，而且「肉厚」、纖維粗，咬落質感與肉近似。菇類含有豐富蛋白質，所以有「素食界牛排」嘅稱號。菇當肉作，在素食界不是新鮮事，但要扮得神似，而且美味依然，就唔係所有素食產品都做到。今次小編推介嘅「鹿窯菇事」原味素肉乾，如果放一碗喺枱面，無特別標示，單憑外觀，相信大部分都會以為係肉乾。再試其味，口感柔軟帶有Q勁，有肉纖維嘅口感，滷汁鹹香，愈嚼愈滋味。

「鹿窯菇事」在南投縣國姓鄉設有生態菇園，培植製作原味素肉乾所需嘅嘅香菇。南投縣國姓鄉被群山環抱，環境寧靜，山溪純淨，是台灣原生水鹿圈養區。台灣水鹿對環境敏感挑剔，佢哋可以喺呢個地區生長，證明這一帶地利自然，風土皆優。

菇園種菇，一年只一作，而且特別挑選在冬天進行。本來夏天天氣暖，陽光好，培植香菇，菇長得更快，收成更好。但品牌堅持夏休冬種，讓香菇在自然下成長。冬天日短夜長，本來香菇生長會較慢，但因日夜溫差大，反而能讓香菇白天儲能量，夜間儲養分，長起嚟更厚實飽滿，天然香味更濃郁。到了夏天，菇園休耕，讓土地休息，回復生態平衡，善待大地；另外，菇園更創新地使用艾草薰香防蚊抑菌，幫助冬季栽培時控制蟲害。