當麻辣醬遇上台灣麥芽糖│輕辣不過火麻辣入魂| likemagazine.com.hk
Shopping
當麻辣醬遇上台灣麥芽糖│輕辣不過火麻辣入魂

當麻辣醬遇上台灣麥芽糖│輕辣不過火麻辣入魂

甜、酸、苦、辣、鹹五味之中,若要小編選一個最唔喜歡嘅,一定係辣。每次食辣,汗水直流,鼻水眼水如泉湧,得到食味刺激,卻令自己難受。所以初見「好米芽麥椒麻麻辣醬」,睇到「麻辣醬」幾個字,以為又是味覺挑戰,實在沒意欲試,不過工作所需必要試味,頂硬上一試,卻認識到麻辣醬的另一面。

 

試味前,先簡單了解一下呢樽麻辣醬嘅成份。辣椒粉、大紅袍、花椒、陳皮、八角、大茴香、小茴香,非常正路辣椒醬嘅配搭,見字唾液腺已被喚醒。呢樽麻辣醬與別不同之處,係加入古法鹽製麥芽糖。麥芽糖係台灣古早味食品之一,係好多年長台灣人嘅童年回憶,麥芽糖嘅香醇甜蜜味道令人難忘。麥芽糖碰上麻辣醬,得出的結果意想不到,麥芽糖既平衡辣椒嘅刺激,又能提升麻辣嘅香氣層次。對於不好辣或怕辣嘅人,呢款麻辣醬絕對值得勇敢一試。至於本身愛辣味嘅人,你會發覺呢種唔過火嘅輕辣更吸引,麻中帶香,香後滲辣,非常開胃,比一般一味死辣嘅麻辣醬更滋味。簡單一匙,已經能為單純食味嘅食物提味。

好米芽麥椒麻麻辣醬

 

能夠將傳統嘅麻辣醬來個大變身,口味創新,原來主意來自3位年輕人。佢哋於2016年創立「好米芽」,目的係推廣台灣在地食物,將好東西分享給大眾。品牌名字「好米芽」其實係台語「好東西」嘅諧音,台灣好東西多的是,佢哋就係想用另一種方式推廣開去。3位創辦人從小生長在新莊地區,對當地唔少傳統古早味食物,例如麥芽糖等,逐漸消失感到可惜。機緣之下,佢哋與新莊製作麥芽糖嘅老字號商店合作,運用佢哋設計嘅專長,將麥芽糖推廣開去,希望盡一分力保留傳統滋味。隨著時代變遷,舊物要融入新時代,也要有新點子。3位年輕人發揮創意,在麥芽糖裡加入其他食材如金桔、海鹽、青梅及老薑,創造新口味麥芽糖,引起消費者注意。而「好米芽麥椒麻麻辣醬」都係佢哋嘅得意之作,古法鹽製麥芽糖以自然發酵製成,低熱量,味道甘甜;加入麻辣醬料同炒,香氣迷人,輕辣之味,非常誘人。

 

「好米芽麥椒麻麻辣醬」用來拌麵,味道最得人心。另外,小編覺得用來作餃子沾醬、在涼拌中加點調味都不錯。取醬加水煮成湯底,加入自選配料,便成秋冬暖胃嘅麻辣鍋。

好米芽麥椒麻麻辣醬

 

INFO

www.starryc.com

 

你或會有興趣的相關文章:

食呢碗麵嘅係傻瓜?│麵醬套裝傻瓜都煮得到

想要一點甜又要健康?│堅果敲敲腰果太妃給你輕甜快樂

 

逆市搵工無有怕!即睇最新熱門招聘公司:http://bit.ly/2OQKwP1

TEXT: MaryLin

相關文章
唔講唔知係素食│滷製香菇蒂扮「肉乾」唔講唔知係素食│滷製香菇蒂扮「肉乾」 Francfranc年末減價低至半價│小編精選必掃家具家品Francfranc年末減價低至半價│小編精選必掃家具家品 MIKADO台茶十八號紅玉          特殊風味釋放心靈空間              MIKADO台茶十八號紅玉 特殊風味釋放心靈空間 日本人氣100円家品店進駐沙田│清潔品廚具收納箱全部$12日本人氣100円家品店進駐沙田│清潔品廚具收納箱全部$12 灣仔利東街漿糊仔首間海外店 │必買!印花抗疫口罩  600g限定版保濕霜灣仔利東街漿糊仔首間海外店 │必買!印花抗疫口罩 600g限定版保濕霜 本地媽媽手工製冬日及抗疫品│一份禮物兩份意義沙田限定發售本地媽媽手工製冬日及抗疫品│一份禮物兩份意義沙田限定發售 全港首間授權限定店進駐荃灣│蠟筆小新1比1立體裝置任打卡全港首間授權限定店進駐荃灣│蠟筆小新1比1立體裝置任打卡 奧海城日本蛋料理專門店│人氣必試海膽金鎗魚生雞蛋拌飯奧海城日本蛋料理專門店│人氣必試海膽金鎗魚生雞蛋拌飯