萬聖節扮鬼又點南瓜燈│你知道點解嗎? | likemagazine.com.hk
Special
萬聖節扮鬼又點南瓜燈│你知道點解嗎?

萬聖節扮鬼又點南瓜燈│你知道點解嗎?

仲有幾日就係萬聖節,每年呢晚群鬼出動,給大家驚喜;餐廳食肆應節推出血淋淋或恐怖造型餐飲,讓大家邊玩邊食。特別節日,大家盡情地玩尋開心,但你對萬聖節又了解幾多呢?

 

1. 萬聖節正日應該係111日。

大眾慶祝萬聖節一般在1031日,但有說萬聖節(Halloween)其實係指「諸聖節(All Saints’ Day」,以作紀念所有被冊封及應該被封為聖人嘅信徒。而大眾狂歡嘅萬聖節,其實係諸聖節前夕,從節日名字可見端倪,因Hallow有聖人之意,而ween係前夕嘅意思。

 

2. 萬聖節點解要扮鬼?

萬聖節起源有指可追溯至幾世紀前嘅英國,與古代凱爾特人嘅「薩溫節(Sambain)」有關。據說,古代凱爾特人認為111日係冬天嘅開始,每年到咗呢日前一晚,陰陽之間屏障變細,幽靈鬼魂會來到人間,去返生前嘅屋企。因為大家怕被惡靈陰魂滋擾,所以會將自己扮成鬼怪作保護,甚至有習俗喺夜晚點燃火炬及放篝火,趕走邪靈惡鬼。

 

3. 點解萬聖節要「Trick or Treat」?

有說歐洲向來有為亡者佈施糖果嘅習慣,收下糖果嘅人答應會為亡者祈禱,後來在外國慢慢發展成小朋友上門索取糖果嘅習俗,如果成人唔俾糖果小朋友嘅話,小朋友就搗蛋。

 

4. 萬聖節點解要點南瓜燈?

南瓜燈嘅由來,話說同一個愛爾蘭傳說有關。相傳古時有個人名叫「Jack」,獲撒旦答應死後唔使落地獄,但結果佢唔入地獄,亦去唔到天堂,只可以喺黑暗世界裡不停遊蕩。後來撒旦俾咗一個大頭菜做嘅燈籠,裡面點起炭火,等Jack可以喺黑暗世界中搵路。以前愛爾蘭人慶祝萬聖節時會拎住呢款燈籠,但喺19世紀中,愛爾蘭發生餓荒,大量愛爾蘭人走到美國,佢哋喺美國慶祝萬聖節時,發覺用南瓜雕刻比較易,後來變成家傳戶曉嘅南瓜燈。

 

 

你或會有興趣的相關文章:

手機都影到靚香港夜景│龍翔道觀景台俯瞰萬家燈火

香港南端鶴咀探秘1日遊│百年燈塔打卡海蝕洞聽海浪

 

逆市搵工無有怕!即睇最新熱門招聘公司:http://bit.ly/2OQKwP1

TEXT: MaryLin

相關文章
真正屬於香港人的中秋月餅│ 大歡喜餅家傳統廣式月餅真正屬於香港人的中秋月餅│ 大歡喜餅家傳統廣式月餅 手機都影到靚香港夜景│龍翔道觀景台俯瞰萬家燈火手機都影到靚香港夜景│龍翔道觀景台俯瞰萬家燈火 年度素食界盛事│亞洲素食展月底重啟年度素食界盛事│亞洲素食展月底重啟