食呢碗麵嘅係傻瓜?│麵醬套裝傻瓜都煮得到| likemagazine.com.hk
Shopping
食呢碗麵嘅係傻瓜?│麵醬套裝傻瓜都煮得到

食呢碗麵嘅係傻瓜?│麵醬套裝傻瓜都煮得到

只不過約一年時間無去過台灣,感覺已經似陳年往事。按現在疫情估計,年底前重遊台灣機會渺茫,唯有買台灣美食慰藉心靈。小編最近愛上嘅係一個「傻瓜麵」套裝,內裡有齊麵和醬,基本上不需要任何廚藝,按序煮麵加醬拌勻,就可以炮製出一碗充滿台式風味嘅拌麵。

好多人一聽到「傻瓜麵」呢個名就會問:「係咪傻瓜先食呢款麵?」當然食呢個麵嘅人未必係傻瓜,煮呢個麵嘅人都唔係傻瓜,但唔排除其他人覺食呢個麵嘅人係傻瓜。點解咁講呢?因為「傻瓜麵」其實係一個淨麵,食時拌油、醋、豉油和辣油等,食法很簡單。小編在台北旅遊時,曾到專吃傻瓜嘅食店食傻瓜麵,係咪好傻瓜呢?

其實,儍瓜乾麵又有另一個名,叫「福州乾麵」。據講係大約50年代,來自福洲嘅退役兵在台北小南門一帶開店賣嘅麵。有一個說法係,由於台語「煠寡麵」(即煮碗乾麵)嘅音與國語「儍瓜麵」近似,所以慢慢當地人就叫呢個款麵食做「傻瓜麵」。

而小編最近不時用佢嚟快速醫肚嘅「傻瓜麵」套裝,係由台灣南投埔里一間小店「山里麵」出品。「山里麵」傻瓜麵 X 有醬有麵招牌組特別之處係有齊麵和醬,而醬油係自家調味,只要按適合份量拌均煮好嘅麵條,便可輕鬆炮製出一碗美味嘅傻瓜麵。

「山里麵」傻瓜麵 X 有醬有麵招牌組「山里麵」傻瓜麵 X 有醬有麵招牌組

整個麵醬套裝,美味嘅關鍵係自家調配嘅「傻瓜醬」,用上蔥、花椒、八角等天然食材,加醬油小火慢燉一夜。傻瓜醬味道甘甜溫順,八角花椒添加食味層次,細味下絕不死鹹,原來秘密是加咗冰糖,把醬汁變得溫潤,而且能夠把味淡嘅麵條升華。自行在麵上加啲蔥花或拌以青菜、滷蛋一起食,一碗煮法簡單嘅麵立時變得不簡單,食起來很豐富。

「山里麵」傻瓜麵 X 有醬有麵招牌組「山里麵」傻瓜麵 X 有醬有麵招牌組

套裝內嘅醬油:傻瓜醬 、甘單蒜油 和麻花辣油,唔單止用來拌麵,更可以用嚟煮其他菜肴。傻瓜醬味道微酸甘甜,仲有啲鹹香,用來做水餃沾醬或者滷肉最適合,甚至用來做醬燒菜式都一流。至於甘單蒜油,炒菜或涼拌都係好幫手。麻花辣油因為加入八角花椒等,麻辣帶香,刺激味蕾,喜歡辣味嘅人用來做任何菜式,都能得到辛辣味嘅快感。

 

INFO

www.starryc.com

 

 

你或會有興趣的相關文章:

懶人營養速食好選擇│台灣即開即食辣味茶葉蛋

台灣人氣健康惹味零食│蝦叔叔低溫炸原隻蝦有營又鮮味

 

逆市搵工無有怕!即睇最新熱門招聘公司:http://bit.ly/2OQKwP1

TEXT: MaryLin

相關文章
品味台灣在地食材原始風味│油漬豆豉丁香小魚拌麵一流品味台灣在地食材原始風味│油漬豆豉丁香小魚拌麵一流 MIKADO台茶十八號紅玉          特殊風味釋放心靈空間              MIKADO台茶十八號紅玉 特殊風味釋放心靈空間 懶人營養速食好選擇│台灣即開即食辣味茶葉蛋懶人營養速食好選擇│台灣即開即食辣味茶葉蛋 台灣人氣健康惹味零食│蝦叔叔低溫炸原隻蝦有營又鮮味台灣人氣健康惹味零食│蝦叔叔低溫炸原隻蝦有營又鮮味 台灣七彩手工日曬麵 │每口都是自然的味道台灣七彩手工日曬麵 │每口都是自然的味道 80後無懼疫情創業引入蜜糖飲品 | 健康天然即飲擊中港人需求 80後無懼疫情創業引入蜜糖飲品 | 健康天然即飲擊中港人需求 台灣手工煉製香蔥鵝油│炒菜拌飯把平凡味道變奢華!台灣手工煉製香蔥鵝油│炒菜拌飯把平凡味道變奢華! 當麻辣醬遇上台灣麥芽糖│輕辣不過火麻辣入魂當麻辣醬遇上台灣麥芽糖│輕辣不過火麻辣入魂