品味台灣在地食材原始風味│油漬豆豉丁香小魚拌麵一流| likemagazine.com.hk
Shopping

品味台灣在地食材原始風味│油漬豆豉丁香小魚拌麵一流

疫情爆發後,宅在家時間多咗,更多機會下廚自煮。沒有廚藝天分的,就要識得靠外力,例如醬料。有一瓶好醬在手,烹調難度急降,三兩下手勢,便炒出美味菜肴。例如小編最近愛上嘅【土生土長On The Ground】油漬豆豉丁香小魚,簡單用來拌麵,即時將平平無奇又淡而無味嘅淨麵變得「有味力」;用來炒菜炒瓜,更加添加惹味和鮮味。廚藝地獄級嘅你,不妨考慮買一瓶「看門口」,將廚藝提升至「出得廳堂級」,見得人又善待自己。

 

 

在詳細介紹呢瓶醬料前,先要認識呢個品牌─「土生土長On The Ground」。台灣好山好水,漁農業發達,其實有唔少靚食材。「土生土長On The Ground」創辦人顧瑋貪吃亦愛吃,所以對食物有要求和堅持,同時深信在地農產品比外來嘅新鮮。為了讓大眾都食到好嘅優質嘅食物,所以在2015年創立品牌,推廣台灣在地食材。在創立「土生土長On The Ground」之前,顧瑋已有兩個成功經驗,分別係用台灣水果做果醬嘅「在欉紅」及用在地食材製成果乾糕點嘅「不二味」。

 

再次重新上路建新品牌,因為她希望更集中火力推銷台灣在地農產品,同時守著兩個原則:公平機制和友善永續。公平機制意思係農民和買家以雙方都接受嘅價值進行公平交易,不讓小農被剝削。在銷售農產品時,也會讓消費者了解高價格背後的原因,例如係有機耕種、無毒作物等。至於友善永續,就係合作嘅小農以友善土地、農業與生態共生嘅方式營運。

 

油漬豆豉丁香小魚係小編首次接觸呢個品牌嘅產品。選材很用心,豆豉用上屏東原生種黑豆豉,丁香魚來自高雄梓官,至於浸漬用嘅油係純凈低氧化台灣產發芽花生油。打開瓶蓋,一股鹹鮮味飄散。裡面每顆豆豉都黑亮飽滿,充滿豆香,而且粒粒分明。丁香魚係鮮味嘅來源,用低溫油過油,去魚腥同時迫出鮮香,口感亦變得紮實。浸住豆豉和丁香魚嘅花生油,花生原材以自然農法栽植,並且低溫焙炒,然後物理壓榨,擁有天然香氣。雖然3種食材各有滋味,但合適調味可以將味道再提升。加入蒜頭、辣椒、糖、胡椒等後,鹹鮮爽辣,食味層次變豐富。

 

最簡單直接品嚐到呢瓶油漬豆豉丁香小魚嘅美味方法,就係拌麵。雖然隨便煮個麵都可以,但小編覺得要嚐到台灣在地食材嘅原始風味,都係用返台灣出產嘅麵最好,而且以日曬麵為最佳選擇。先用滾水煮麵,然後隔水,用數匙油漬豆豉丁香小魚拌均,美味得出神。有時放工返到屋企太攰,只想簡單食個麵解決晚餐,呢瓶醬料係恩物。如有多一點時間,簡單用佢嚟炒個菜或瓜,快手快腳嘅話,15分鐘就完成簡單快餐。

 

 

 INFO

www.starryc.com

 

你或會有興趣的相關文章:

懶人營養速食好選擇│台灣即開即食辣味茶葉蛋

台灣人氣健康惹味零食│蝦叔叔低溫炸原隻蝦有營又鮮味

 

逆市搵工無有怕!即睇最新熱門招聘公司:http://bit.ly/2OQKwP1

TEXT: MaryLin

相關文章
當麻辣醬遇上台灣麥芽糖│輕辣不過火麻辣入魂當麻辣醬遇上台灣麥芽糖│輕辣不過火麻辣入魂 風季雨季來臨,家中隨時有損失?為家居做足保障!風季雨季來臨,家中隨時有損失?為家居做足保障! 80後無懼疫情創業引入蜜糖飲品 | 健康天然即飲擊中港人需求 80後無懼疫情創業引入蜜糖飲品 | 健康天然即飲擊中港人需求 台灣熱賣伴手禮│難以抗拒的手工夾心餅台灣熱賣伴手禮│難以抗拒的手工夾心餅 台灣創意月餅蘋安寶柚|為親友送上甜蜜的祝福台灣創意月餅蘋安寶柚|為親友送上甜蜜的祝福 懶人營養速食好選擇│台灣即開即食辣味茶葉蛋懶人營養速食好選擇│台灣即開即食辣味茶葉蛋 台灣人氣健康惹味零食│蝦叔叔低溫炸原隻蝦有營又鮮味台灣人氣健康惹味零食│蝦叔叔低溫炸原隻蝦有營又鮮味 食呢碗麵嘅係傻瓜?│麵醬套裝傻瓜都煮得到食呢碗麵嘅係傻瓜?│麵醬套裝傻瓜都煮得到