台灣人氣健康惹味零食│蝦叔叔低溫炸原隻蝦有營又鮮味

為咗健康，向來貪食嘅小編，已經盡令少食零食。大家都知道，愈香口愈美味嘅零食，通常都係煎炸物，或者加入大量調味劑，討好味蕾。不過，有時返工做嘢做到悶，都會好想食啲零食為自己加油打氣一下，所以小編依家買零食會小心挑選，盡量揀健康啲。咁啱小編發現一款來自台灣嘅炸蝦零食，原隻蝦已經夠吸引，仲要蝦係低溫慢炸，保持脆口但食得健康啲，一試愛上，公司長期放幾包，隨時口痕有得食。

小編初次認識「蝦叔叔」大尾蝦酥，係一位朋友遊台後送來嘅手信。一般收到嘅台灣手信食品，離不開鳳梨酥、太陽餅、豬肉乾、蛋捲等，雖然係一番心意，可惜了無新意，食多覺厭。所以，嗰次收到「蝦叔叔」，心裡幾興奮。以「蝦」為名，裡面真係有蝦嗎？小編曾經懷疑，畢竟零食世界流行「偽裝術」，添加人工味道，有味就當真。但呢次出乎意料，打開包裝果然見蝦，仲要係原隻，有頭有腳有觸鬚，唔係打碎造餅之類，有啲喜出望外。原隻蝦很酥脆，咬落卜卜聲響，非常過癮。

由於蝦係連殼炸香，蝦質量唔好，食味都唔好。「蝦叔叔」大尾蝦酥採用台灣雲林縣蝦類產銷班第13班養殖嘅白蝦，來源講得咁細仔，因為台灣其實唔少養殖蝦場，而且用唔同方法養蝦。呢個養殖場出品嘅白蝦，只用少量飼料餵蝦，蝦主要吃天然藻類、動物幼蟲和微生物，而且場主堅持不用抗生素和藥物，盡量減少騷擾蝦子原來嘅生長狀況。

白蝦以淡化或海水養殖約2至3個月後便可撈收。蝦子撈起後，會放入專用嘅池子洗乾淨，並用純氧幫蝦子體內循環，排淨排泄物。蝦子身上嘅雜質洗去後，才進行分級及加工。以上嘅工序，原來一般養殖場唔會咁做，因為太費工增成本，而且會令蝦子減重影響利潤。不過場主堅持咁做，因為覺得做好品質把關，蝦才鮮美，亦令人食得健康安心。

除咗選用優質嘅白蝦外，為咗「蝦叔叔」大尾蝦酥嘅製作方法都要求高。一般炸物，油溫高達180度，而且油曝露喺空氣中，容易使食物焦化及產生有害物質。「蝦叔叔」炸蝦使用低溫真空慢炸，好處係油沸點低於120度，油品無咁易變質但同樣可以使蝦子達到脫水效果，蝦同樣酥脆可口，食得健康啲。另外，呢個方法炸蝦，蝦保留鮮味，唔使加太多，已經夠惹味。值得一提係，蝦係原隻炸，完整保存蝦嘅所有營養。

小編唔止將「蝦叔叔」大尾蝦酥當零食，有時偷懶唔煮飯，晚餐簡單食個杯麵或煮個麵算數，加幾隻大尾蝦酥落去當加餸，食得方便又添營養。

INFO

www.starryc.com