用foodpanda手機App買馬莎食品│30分鐘餅乾曲奇薯片送上門

購物 2020-05-15

一場疫症，令網購成為生活潮流。好多商戶紛紛開拓網購業務，爭取消費者支持。最近，連英國馬莎 Marks and Spencer (M&S) 都成為一員，與由香港網上食物外賣平台foodpanda最新開設pandamart合作，將M&S 的皇牌小食、獲獎佳釀、冷凍食品、新鮮食材、多款即食及罐頭美食等，直送到你家，最快30分鐘就到貨！以後一諗起想食馬莎出品嘅餅乾、薯片之類，開App撳個掣就搞掂！

馬莎出品的餅乾、薯片、朱古力等零食，向來俘虜很多貪吃的人。近年馬莎更積極開展食品專門店，提供冷凍食品、芝士、沙律等，店內又有新鮮麵包、即食食品等，吸引在分店附近返工的OL幫襯買午餐，或放工買點食物頂肚先去做gym或上進修班。馬莎喺香港目前有23間分店，都算遍布香港九龍新界，但對心急人來講，就算屋企或office樓下就有一間，都係唔就腳。

馬莎的零食如餅乾、曲奇、薯片等，一向被評為高質價優。

依家起，突然諗起想食馬莎食品，但無時間去買，依家上網買就得。馬莎最近加入foodpanda最新的pandamart生活百貨送遞平台，大家可以直接在foodpanda手機App或網站買到近300款M&S食品，包括皇牌小食、酒品、冷凍食品、新鮮食材、即食及罐頭等，而且專人會在30分鐘內送貨上門。這個送貨速度，確有點驚喜，不過當然有限制，就係暫時只限在指定分店包括：太古城中心、尖沙咀美麗華商場、旺角朗豪坊、九龍灣德福廣場、九龍塘又一城、青衣青衣城、荃灣荃新天地。買滿$40，即可享免運費，這口價買兩包餅乾已經達標！