三文治唔係得嗰幾款│尖沙咀創意鐵板燒三文治| likemagazine.com.hk
Shopping
三文治唔係得嗰幾款│尖沙咀創意鐵板燒三文治店

三文治唔係得嗰幾款│尖沙咀創意鐵板燒三文治

對於飲食,有人追求奢華,有人追求風味,有人追求創意。如果你屬創意派,位於尖沙咀嘅K11購物藝術館最近新開咗一間食創意三文治嘅食肆,帶來味蕾新刺激。三文治本來係平凡不過嘅食物,但原來在配料上花心思,可以有破格性演繹;改頭換面,三文治唔再單純填肚果腹,一樣可以令人食得開心和過癮。

 

三文治,香港人都幾常食,亦幾鍾意食。經典口味有火腿蛋、餐肉蛋、吞拿魚和碎蛋等,雖然富有本地特色,但食得多都覺悶,好想有新意。即使已有食店推出加強版,例如將餡料變為豬扒、雞扒,甚至沙嗲牛,似乎都離唔開固有嘅框框。三文治當然唔係得呢味,三文治原來都「玩得起」。呢間名為「HAND3AG」嘅本地創作三文治店,係經腦震盪得嚟嘅主意,希望重新定義當代城市飲食。咁即係咩呢?齋講構念太高深,直接講係三文治餡料可以千變萬化,而且玩盡各國各地美食元素,將日常平凡的三文治昇華至另一層次。

 

店舖以Pixel(像素)為環境設計主題,採用基本三原色加白色為色調。

店舖以Pixel(像素)為環境設計主題,採用基本三原色加白色為色調。

 

三文治最基本係兩塊麵包。呢間店玩創意,兩塊麵包當然唔放過。創新位係「鐵板燒」,麵包先以黃金比例嘅植物牛油和橄欖油做嘅油底,喺鐵板上烤到金黃鬆脆。餡料方面,非常國際化。

 

麵包係三文治不可或缺嘅一部分,店方以特製油底將麵包在鐵板上烤得香脆,提升食味。

麵包係三文治不可或缺嘅一部分,店方以特製油底將麵包在鐵板上烤得香脆,提升食味。

 

新店開張,主打三大款式。「歐陸監獄鐵板三文治」聽個名都估到非一般,話說係主廚想像力嘅傑作。呢款三文治亮點係用唔同蔬菜和番茄醬燉煮而成嘅法式普羅旺斯燉肉丸,就算唔係食肉獸,只要唔係素食者,都會被肉香味迷倒。另外配上秘製番茄汁玫瑰芝士燴通心粉,以及本地水耕水晶生菜、香港特色燶邊流心蛋,再有3種芝士混合而成嘅熔岩芝士,未食已興奮,實在太豐富!味道有酸有甜,一次過滿足多個願望,最啱有選擇困難症嘅人,一啖食晒落口,唔使擇唔使煩。

 

歐陸監獄鐵板三文治

歐陸監獄鐵板三文治

 

另一款必食推介係「拉麵叉燒鐵板三文治」,創作靈感嚟自日式炒麵熱狗。三文治內係自家製日式叉燒片和用上48小時浸泡而成嘅味付溏心蛋,加埋味噌拉麵、味付筍絲和牛油粟米粒,富有和風特色。加分位係西京味噌調製而成嘅「味噌蛋黃醬」,日式得來又西化,食味有「衝擊感」。

 

拉麵叉燒鐵板三文治

拉麵叉燒鐵板三文治

 

香港人食三文治,多數人主要當早餐。晨早起身返工,好多人其實未瞓醒,所以HAND3AG有多款專為早餐而設計嘅鐵板三文治。其中「早安西西里鐵板三文治」以西西里島特色甜酸燴菜入饌,配上厚燒蔬菜奄列、脆薯餅、馬蘇里拉芝士,以開胃滋味來喚醒味蕾!而素食之選則可有全日供應「祝君健康鐵板三文治」,以搗碎豆腐混合紅蘿蔔及粟米等蔬菜製成吉列豆腐,伴以略帶焦香嘅鐵板燒茄子、牛油果鷹嘴豆沙律、菠菜苗及特製俄式蛋黃醬,有營又美味。

 

早安西西里鐵板三文治

早安西西里鐵板三文治

祝君健康鐵板三文治祝君健康鐵板三文治

 

以正餐計,淨食三文治未免太清寡,配啲小食就更好!不要錯過係店家自製嘅「33夜自家手切薯條」。薯條要做到又脆又有質感,先要揀啱薯仔。呢間店選用以質地鬆粉見稱嘅Agria薯,再配搭獨特嘅炸薯條手法。據店方透露,工序非常嚴謹,要用上33夜先可以做出外皮好似玻璃咁薄脆,裡面又有薯蓉般綿滑嘅口感。食時沾啲自家製番茄醬、松露蛋黃醬或黑蒜滋味醬,「薯」不簡單!

 

3日3夜自家手切薯條

33夜自家手切薯條

 

 

INFO

HAND3AG

地址: 尖沙咀河內道18K11購物藝術館B2B226-B227A

網站:www.hand3ag.com

 

 

你或會有興趣的相關文章:

朝朝返工無精神│簡便早餐加配呢個幫你提神

三文治處理不當高風險│最易食物中毒?│蛋沙律菜絲三文治

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
Dreame無線吸塵機, CP值高、吸力媲美大品牌!| 網購 | 清潔家居 | 除塵蟎 | 健康生活網店Dreame無線吸塵機, CP值高、吸力媲美大品牌!| 網購 | 清潔家居 | 除塵蟎 | 健康生活網店 時尚環保連結起來│可持續循環再造衣飾時尚環保連結起來│可持續循環再造衣飾 台灣愛文芒樹上熟香甜不膩│果園直送72小時抵港保新鮮台灣愛文芒樹上熟香甜不膩│果園直送72小時抵港保新鮮 足不出門也能為你的毛孩輕鬆購物! 本地優質寵物用品+鮮食網店推介足不出門也能為你的毛孩輕鬆購物! 本地優質寵物用品+鮮食網店推介 正宗泰菜有認證│《泰精選Thai Select》食味有保證正宗泰菜有認證│《泰精選Thai Select》食味有保證 為家居添上夏日氣息│5個家居小改變妙法為家居添上夏日氣息│5個家居小改變妙法 無印良品MUJI減價喇!│5件減價不可錯過家品無印良品MUJI減價喇!│5件減價不可錯過家品 維記牛奶聯乘香港電車│懷舊甜品系列勾起開心回憶維記牛奶聯乘香港電車│懷舊甜品系列勾起開心回憶