本地新鮮製花生醬│無添加啖啖健康花生香| likemagazine.com.hk
Shopping
本地新鮮製花生醬│無添加啖啖健康花生香

本地新鮮製花生醬│無添加啖啖健康花生香

今時今日大眾對食愈來愈有要求,除咗要求盡量天然,又要無添加。例如用嚟搽麵包食嘅花生醬,多數人喺超市採購嘅大路品牌,雖然價錢實惠,但部分用料其實唔多健康,例如糖便用上精製糖,多食會致肥。你想買到健康又美味嘅花生醬嗎?有個本地品牌叫「堅果醬狂Go NUTZZ」,嚴選優質美國進口有機花生,在本港新鮮造醬。花生醬更有多款口味,滿足愛健康又貪食嘅你。

 

美國進口花生低溫研磨

一睇「堅果醬狂Go NUTZZ」嘅出品,即feel到一陣本地味。簡潔設計,顯然賣實力。的確,佢哋嘅醬非同小可,係由一個「愛醬」女生嘅堅持成果。據悉女店主極愛食花生醬,眼見市面嘅花生醬加入防腐劑、乳化劑等,多食無益,於是萌起創業賣花生醬諗法。為咗實踐理念,佢更辭職全心造醬,希望造出嚟花生醬新鮮、美味又健康。佢選用咗由美國空運來港嘅花生,烘烤後以低溫研磨。花生醬力求天然,不添加糖、化學油、防腐劑和乳化劑,每口都係濃郁原始花生香氣。花生醬提供幼滑和脆粒兩款口味,迎合不同喜好。另有一款加入海鹽調味嘅口味,點點鹹香提升花生天然甜味。同樣沒有入額外嘅化學油、防腐劑、乳化劑、色素和其他調味,食得健康。

 

「堅果醬狂Go NUTZZ」在多個市集擺檔賣花生醬。「堅果醬狂Go NUTZZ」在多個市集擺檔賣花生醬。

「百分百原味花生醬_選用美國空運進口花生,香味特濃。「百分百原味花生醬_選用美國空運進口花生,香味特濃。

「一點點海鹽花生醬」加入海鹽調味,輕鹹帶出花生甜香。「一點點海鹽花生醬」加入海鹽調味,輕鹹帶出花生甜香。

 

黑朱古力遇上花生醬

花生醬推出以來,得到很多客人支持,客人試過又樂於畀意見。店主後來研發咗一種較健康、口味獨特嘅微糖花生醬:用上楓糖,因為呢種糖含天然抗氧化素及礦物質,香氣濃郁但唔死甜,最重要係升糖指數低,更健康。咪以為呢款花生醬只有甜味,因加入一點海鹽提味,所以甜中帶輕鹹,入口唔會太甜,更有層次。如果希望味道層次再豐富一啲,其實仲有一個選擇,就係70%黑朱古力花生醬,單係聽產品名,已經覺得挑戰味蕾。黑朱古力加花生,兩樣都係好多人嘅最愛,原來可以夾埋一齊享受。黑朱古力微苦,配上花生醬嘅天然微甜,本來截然不同的東西,竟然一拍即合,水乳交融。店主咁形容呢款花生醬:「一入口,微苦香醇的黑朱古力;三秒後,便與花生醬融為一體。」試過就知原來味覺咁好玩!

 

 

「楓糖海鹽」是獲客人意見回饋後研發嘅成品,楓糖為花生醬加入清香甜味,但不膩,而且升糖指數低,食得更健康。「楓糖海鹽」是獲客人意見回饋後研發嘅成品,楓糖為花生醬加入清香甜味,但不膩,而且升糖指數低,食得更健康。

「70%黑朱古力花生醬」味覺大挑戰,先微苦後香甜,帶來全新味覺享受。70%黑朱古力花生醬」味覺大挑戰,先微苦後香甜,帶來全新味覺享受。

 

 

INFO

https://www.gonutzz.co/

 

 

你或會有興趣的相關文章:

港女缺鐵易疲倦臉青青│食飯配茶啡影響鐵吸收

護心血管健康│有益堅果每日應該食幾多?

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
荷花購物節平買BB用品│首次線上線下同步進行荷花購物節平買BB用品│首次線上線下同步進行 Dyson官網減價吸塵機減至半價│預先登記獲現金券購物Dyson官網減價吸塵機減至半價│預先登記獲現金券購物 小編試食台灣熱銷明星拌麵│燒椒麵麻辣鹹香食得過癮小編試食台灣熱銷明星拌麵│燒椒麵麻辣鹹香食得過癮 納米樓空間小但雜物一大堆│識用呢5件收納用品家居變大啲納米樓空間小但雜物一大堆│識用呢5件收納用品家居變大啲 港女食雪糕全新享受│男友手臂造型枕陪食港女食雪糕全新享受│男友手臂造型枕陪食 為家居添上夏日氣息│5個家居小改變妙法為家居添上夏日氣息│5個家居小改變妙法 時尚環保連結起來│可持續循環再造衣飾時尚環保連結起來│可持續循環再造衣飾 「Made in Hong Kong」香港製造本土風味零食&生活用品精選!在家也能輕鬆網購直送到家「Made in Hong Kong」香港製造本土風味零食&生活用品精選!在家也能輕鬆網購直送到家