抗疫宅在家鬱到悶│假日閒遊星街小區散心充電

為抗疫悶咗好耐，身心靈要充電？可惜疫情關係，未能出遊。今個周末不如趁疫情稍緩，前往港島特色小區─星街逛一逛，嗰度有多間特色餐廳、小店，配合遠離鬧市嘅幽靜嘅環境，令你仿如置身外國小鎮，悠閒寫意，重拾遊走異國小區嘅興奮，令你「感覺返晒嚟」，人都醒神晒！

鬧市中嘅後花園

好多人埋怨香港地人多車多，但空間唔多，活在擠迫嘅城市裡，有種唞唔到氣嘅感覺。尤其近來疫情關係，被逼宅在家，壓力和驚恐，好易令人鬱到「生菇」，精神困擾。困了幾個月，終於迎來抗疫小勝嘅時候，社交距離措施都逐步放寬，外出遊逛令人放心得多。想行街散散心，但又唔想去大商場、旺區等人多聚集嘅地方，位於灣仔和金鐘中間嘅星街小區，可能係你抗疫散心充電嘅好地方。

星街小區由星街、月街、日街、進教圍及永豐街組成，享有地理優勢，自成一角，好似後花園一樣，離開鬧市嘅繁囂，給人幽靜閒逸嘅感覺。星街小區係一個充滿獨竹持個性和文化特色嘅休閑社區，聚集多間餐廳、咖啡店、畫廊、時尚服裝精品店、家居設計店等，向來係追求生活品味嘅人聚腳地。花半天或幾個小時在星街小區走走，食個健康午餐、在小店shopping選購具個性嘅小物和時裝，都會令你賞心愜意，一掃抗疫多時嘅悶鬱之氣。

慢策品味小區

來到星街小區，第一件事要做就係放慢腳步，暫時放下生活嘅煩擾，好好享受生活。早上到來，部分特色商戶未有咁早開門，不如先去餐廳休閒地食個健康早餐，打開假日嘅序幕。Oolaa Petite在區內素有名氣，落地玻璃窗、帶點型格嘅室內環境設計，置身其中，令人很易忘掉自己身在繁鬧嘅香港。餐廳主打西餐，早午時間到來唔想食得輕盈一點，可點沙律、漢堡包之類，清新賣相優質出品，喚醒味蕾，為你一日行程注入能量。

午間前後，小店陸續開門營業。小區裡有一間以環保、有機為主題概念嘅小店─Edgar，對家居和健康生活有要求嘅你必要到此一遊。店面嘅棕啡木材在小區上很搶眼，門旁掛上「Fill Green」圖牌，開宗明意，內裡擺放著好多與環保相關嘅商品、天然有益嘅食品，甚至符合可持續概念嘅美容產品。

行行走赴消耗能量，而且心情開朗，能量消耗得特別快。下午時分又餓了，MANA!係一個「偷閒加油站」。呢度提供大量有機、素食菜餚和飲料，食得健康，讓你緊貼飲食新潮流，還可提升免疫力。必食有漢堡，非常出名，雖然食素，但沒有清寡感，反而覺得滿足。

INFO

www.starstreet.com.hk