D2 Place周末市集重開│選購特色溫度感小物送媽媽

自疫情以來，好多人為避疫留喺屋企多天，甚至停止很多社交娛樂活動。終於，大家抗疫努力見成績，而政府亦宣布今個星期五(8/5)起，放寬部分社交距離措施。今個周末，D2 Place「周末市集」重開，大家又有地方買物和消遣，一解抗疫多時嘅悶氣。

市集設防疫措施

D2 Place「周末市集」今期主題係母親節，麥田捕手 • 假日市集 Dreamcatcher Holiday Market 會聯同多個本地品牌帶來極富個性、特色和溫度感嘅手作小物，讓你用另一種方式向母親表孝心。雖然新來疫情緩和，連續多日本地零感染個案，但抗疫仍要繼續，不能鬆懈，因此市集場地也有一些防疫措施，包括：必須戴口罩、量體溫及用酒精消毒雙手先可入場；場內兩側玻璃窗會打開流通空氣；以及場內添置空氣淨化機。大會亦會因應場內人數，作出人流管制，保障大家嘅健康和安全。

檔主推介

今次參與嘅檔主都別樹一幟，精選其中幾檔畀大家，預覽當日可以買到乜，送給媽媽。其實與其猜度媽媽嘅心意，不如由媽媽親自選。大家可考慮帶同媽媽一起去逛市集，既可舒舒悶氣，又可當慶祝母親節特別節目。過節唔一定食大餐，花啲時間陪媽媽行行走走，都是很多媽媽渴望而不會宣口嘅小心事。

青木商店 EWood lifestyle

檔主係日本職人，擅長製作特色陶器。市集當日更會出售無農藥嘅日本茶。

唧唧 zik²

檔主精於波羅的海「利耶爾瓦爾」代編織技術，又又自學及研究鈎織技法，將毛線變成創作工具，變出一件件獨一無二的織品。

早安花舍 Jo & An

檔主對植物情有獨鍾，可以根據客人的要求製作植物擺設，同時歡迎自來花器製作。

ALYSSA & JAMES

檔主在不同地方搜羅不同嘅材料，包括：不同紋理的天然石、天然珍珠、水晶和鋯石，部分以人手製作成特色飾品。

INFO

日期：2020年5月9-10日 (星期六及日)

時間：下午 1 時至晚上8 時

地點：D2 Place一期2樓The Space

Facebook: 麥田捕手 • 假日市集 Dreamcatcher Holiday Market

instagram: @dreamcatcher_market

你或會有興趣的相關文章：

跟風DIY大熱「400次咖啡」│綿滑咖啡泡潛藏健康危機

和波蘭來一場聖誕約會│波蘭3大聖誕市集