港人研發紫外線消毒盒子│4分鐘殺滅隨身小物上細菌| likemagazine.com.hk
Beauty & Health
港人研發紫外線消毒盒子│4分鐘殺滅隨身小物上細菌

港人研發紫外線消毒盒子│4分鐘殺滅隨身小物上細菌

抗疫幾個月,疫情漸露曙光,不過疫症未徹底清除,危機仍在,所以外出回家後,清潔及消毒工夫不可懶。除咗用消毒劑噴衫褲鞋襪、第一時間沖涼換衫外,你有諗過隨身小物如:手機、銀包、卡片袋等都要勤加消毒,先可以減低感染風險嗎?有港人眼見港人為四出張羅口罩和消毒用品通宵達旦疲於奔命,遂研製「UV Sterilizer 紫外線消毒機」,只要將隨身小物放入其中,4分鐘便有效消除99.9%細菌病毒。

 

負壓病房用紫外線消毒

抗疫期間,人人注重消毒。手機係重要隨身物,一天裡頭任何時間都要拎住,染菌機會非常大。雖然酒精可消毒,但用得多或會影響手機鍍膜效果。外國有研究指出,好多醫院負壓病房都使用紫外線消毒。波長253.7nm紫外線照射可有效破壞微生物DNA,繼而殺死細菌及病毒。253.7nm波長嘅光即係紫外線C(UV-C)UV-C嘅波長範圍為280nm-200nm

 

以兒童打印機反射裝置為靈感

土生土長原職玩具製作工程師麥惠光,以一套應用喺兒童3D打印機嘅專利反射裝置為靈感,研發出,「UV Sterilizer 紫外線消毒機」,採用4 顆波長270-280nm嘅紫外線燈,有效殺滅99.9%大腸桿菌、白色念珠菌、金黃色葡萄球菌和病毒。呢部機嘅外形好似一個盒子,內裡係雙層設計,可同時容納手機、銀包、藍牙耳機盒等。機內嘅銀色內膜以專利裝置多角度反射紫外線,360度無死角幫你消毒隨身小物。呢部機已通過殺滅細菌測試和歐盟合格認證(CE RoHS),增加消費者使用信心。另外,內置安全感應器,如消毒過程中,機蓋不慎被打開,紫外線燈會自動關掉。機身小巧,大約一個外賣飯盒大細,可使用AA電池或用USB-C外置充電器供電,使用方便。「UV Sterilizer 紫外線消毒機」現已接受網上預訂,預計首批貨最快於512日發貨。

 

 

UV Sterilizer 紫外線消毒機

UV Sterilizer 紫外線消毒機 $468

 

機內雙層設計

內雙層設計, 可擺放多件隨身小物。 

 

 

INFO

www.winlifestylehk.store

 

 

你或會有興趣的相關文章:

疫情回落防疫忽鬆懈│提防11個傳疫不良習慣

春濕細菌生屋企一陣味│燒艾熏屋天然消毒淨氣

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 向日本OL偷師!纖體美肌首選小球藻向日本OL偷師!纖體美肌首選小球藻 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 晨早起床做瑜伽│新一天由陽光好心情開始晨早起床做瑜伽│新一天由陽光好心情開始