起居生活清潔消毒│抗菌和殺菌有分別！

Beauty & Health 2020-05-04

自從新冠肺炎爆發後，大眾更著重起居生活嘅除菌消毒。喺選購清潔消毒用品時，除咗要留意酒精含量外，有人更在意氣味。一啲加入精油成分嘅消毒用品，由於帶有清新嘅草本氣味，而且有指精油都有抑菌作用，因而受到部分消費者垂青。究竟加入精油嘅消毒產品係咪抗菌效果更好呢？

研究證精油能抗菌

先了解一下精油嘅抗菌效用。2013年澳洲有大學做咗研究，發現茶樹油、桉樹(又稱尤加利樹)都具有抵抗流感病毒嘅作用，只要5至15分鐘便能讓95%病毒失去活性。另外，韓國亦有大學做研究，發現至少11種精油有抗A型流感病毒嘅效果，而且能讓病毒活性降低30%以上。

抗菌不等於殺菌

部分精油具抗菌效果毋庸置疑，但有專家指出，研究可能喺係密閉容器中噴灑精油，然後測量容器中嘅病毒活性，換言之，結果係針對特定情況而獨得，若在其他環境下，究竟精油抗菌嘅效果係咪都一樣，呢點研究未有答案。另一點要注意係，大眾唔好將抗菌和殺菌混為一談。抗菌抑菌即係抑制細菌生長，但唔等於可以將細菌殺死。要徹底殺菌，濃度介於70至80%嘅酒精先可以做到。有護理學專家指出，即使精油能抑菌，又可強化免疫，又能安撫情緒、放鬆神經，但只能作輔助作用。

成分天然精油噴霧

了解咗精油嘅抗菌性，如果仍有意選用呢類產品，市面上都有好多選擇。例如Fleurance nature抗菌消毒精油噴霧，成分天然，當中含30種有機精油，包括：甜橙、藍膠尤加利檸檬、茶樹、英國薰衣草、香茅等，更有94%萃取自紅菜頭嘅植物酒精。噴霧可直接噴射喺空氣或物件上，可對抗塵蟎、細菌、霉菌及真菌。噴霧抗菌又除臭，而且成分天然，廠方建議可用於嬰兒車、玩具、皮鞋、窗簾等。

Fleurance nature抗菌消毒精油噴霧($185/100ml)