跟風DIY大熱「400次咖啡」│綿滑咖啡泡潛藏健康危機| likemagazine.com.hk
Beauty & Health
跟風DIY大熱「400次咖啡」│綿滑咖啡泡潛藏健康危機

跟風DIY大熱「400次咖啡」│綿滑咖啡泡潛藏健康危機

抗疫期間,唔少人接受「挑戰」在家自製「400次咖啡」。呢杯咖啡有人覺得又滑又香,有人大彈甜到爆炸。口味嘅嘢,各有各喜好,但不容忽視嘅一個事實係,呢杯咖啡熱量好驚人。有營養師指出,「400次咖啡」。比起連鎖咖啡店嘅Latte熱量高一倍!喜歡飲嘅你,小心飲多咗會增磅!

 

唔使機器人手做到

400次咖啡」因為喺韓國大受歡迎嘅綜藝節目出現而受注目。由於製作非常簡易,只要齊備材料,唔使添置特別器材,用發蛋器人手攪拌就DIY做到,因而大熱起嚟,人人爭住跟住做。「400次咖啡」最誘人之處係咖啡泡沫入口綿滑,而且咖啡味濃郁,觸動咖啡迷嘅心。就算本身唔嗜咖啡,都會被其獨特口感而吸引。

 

咖啡粉可能含致癌物

400次咖啡」美味又有睇頭,容易令人飲上癮。不過,美味背後,可能對健康潛藏危機。好多人飲咖啡為提神,而咖啡本身好處有不少,例如預防心血管疾病、降低體內發炎問題等。但「400次咖啡」嘅弊處係用即溶咖啡粉,即溶咖啡粉喺製作過程中,需要經高溫研磨,所以容易出現丙烯醯胺致癌物。另外,咖啡粉如儲存不當,容易滋生麴菌,粉狀物發霉唔易察覺,用咗有關題咖啡粉沖呢杯咖啡就可能致病。

 

高糖飲食令認知下降

不過,講到「400次咖啡」帶來最大嘅健康隱憂,其實係高糖。有營養師指出,「400次咖啡」材料用上即溶咖啡粉,咖啡粉內含糖分和奶精,按計算,飲一杯「400次咖啡」,熱量大約等同Latte2倍,不容小覷。法國曾有研究指出,每日只要多飲100毫升含糖飲品,患癌風險增18%。高糖飲食不利健康,除咗會令人增肥、膽固醇高等外,已有證明高糖會令人認知能力下降。仲有嘅係,即溶咖啡裡有奶精,奶精含反式脂肪,都係危害健康嘅食物。

 

 

你或會有興趣的相關文章:

紅茶養生又助控體重│日飲2杯紅茶減出纖腰

黑咖啡助控重提升運動表現│揀啱時間飲更有效

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 向日本OL偷師!纖體美肌首選小球藻向日本OL偷師!纖體美肌首選小球藻 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 晨早起床做瑜伽│新一天由陽光好心情開始晨早起床做瑜伽│新一天由陽光好心情開始 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素