本地「有機」蔬菜驗出農藥殘餘│點樣洗菜先乾淨?| likemagazine.com.hk
Beauty & Health
本地「有機」蔬菜驗出農藥殘餘│點樣洗菜先乾淨?

本地「有機」蔬菜驗出農藥殘餘│點樣洗菜先乾淨?

自從爆發新冠肺炎疫情後,大眾對健康生活愈加重視,外出購買食材時,都比以前更注重食材嘅品質和安全程度。例如買菜,大眾除咗睇新唔新鮮外,仲會關心係咪有機和有無農藥。最近香港有機資源中心公布《香港蔬菜之除害劑殘餘研究報告》,發現兩個本地自稱有機菜心樣本除害劑殘餘超標。要確保食得健康,大眾選購食材時要謹慎。

 

7成樣本含除害劑殘餘

香港浸會大學香港有機資源中心公布嘅《香港蔬菜之除害劑殘餘研究報告》,在2019年下旬從港、九、新界18區的濕街市、街鋪、有機商店收集了58個蔬菜樣本進行測試,包括4種葉菜類:菜心、白菜、莧菜及菠菜,而按生產類別則分為6個類別:本地常規、内地常規、本地自稱有機、內地自稱有機、本地認證有機和內地有機認證。中心分別根據現時本地及歐盟標準,分析蔬菜中6種重金屬(銻、砷、鎘、鉻、鉛及汞)及共352種除害劑嘅殘餘含量。結果發現,所有樣本均不含超標重金屬濃度,但7成樣本被驗出含不同嘅除害劑殘餘,當中有2個本地自稱有機嘅樣本除害劑殘餘含量更超出香港標準。中心指出,本地常規蔬菜樣本均被驗出含除害劑殘餘,不足為奇,但本地自稱有機嘅樣本都有被驗出除害劑殘餘,則未免令人擔心,消費者易被商販誤導而選購咗有害健康嘅食材。

 

避免偏食某類型蔬菜

今次被驗出含除害劑殘餘嘅本地自稱有機樣本,分別購自黃大仙區竹園街市和元朗區天盛街市,兩個樣本同為菜心。前者驗出啶蟲脒(Acetamiprid) 殘餘含量為1.42毫克每公斤,超出香港政府允許嘅最高殘餘限量1.20毫克每公斤嘅0.18倍;後者驗出氯氟氰菊酯(Cyhalothrin)殘餘含量為0.34毫克每公斤,超出香港政府允許嘅最高殘餘限量0.20毫克每公斤嘅0.7倍。啶蟲脒屬低毒性,對人體嘅皮膚有明顯刺激,啶蟲脒所導致的急性中毒多因誤服引起,毒素可經皮膚、黏膜、呼吸道、消化道侵入人體然後迅速分布到全身各器官,造成不同程度嘅損害。氯氟氰菊酯係一種在香港受嚴格管制嘅除害劑,它可通過灰塵或空氣被吸入人體,甚至引起嚴重的眼部刺痛;進食氯氟氰菊酯可引致抽搐、咳嗽、喉嚨痛、呼吸困難甚至體内出現灼燒感等症狀。雖然樣本含除害劑殘餘超標,但按健康風險評估,喺一般食用情況下,對健康構成不良影響的風險非常低。但素食者、小童和蔬菜愛好者長期或食用量較多,影響則較大。因此,中心建議大眾選購蔬菜時要謹慎,而且避免偏食某類型蔬菜,減低從膳食中攝取過量嘅除害劑。

 

洗淨蔬菜4要點

蔬菜含除害劑殘餘難避免,如要確保食得安心,買菜返屋企後,烹調之前,最好徹底清洗一下。點洗菜先乾淨?記住以下5個重點:

1. 先浸後沖洗

蔬菜買番嚟後,先用清水浸泡數分鐘,令農藥喺水中分解,之後再用清水沖洗,用水流力量帶走蔬菜上嘅殘留農藥。

 

2. 唔好用熱水浸泡

有人以為用熱水浸泡會更乾淨,咁做反而會破壞蔬菜入面嘅維他命。

 

3. 掰開菜葉洗

清洗大葉蔬菜,記著要掰開菜葉沖洗,需要時可使用小刷子,以便洗掉藏在菜葉裡的泥沙菜蟲。至於包心型蔬菜,如西生菜、高麗菜等,宜將最外層菜葉剝除,才沖洗,然後切掉要去除的部分。

 

4. 先洗後切

就算你買菜時更挑剔,始終天然嘢,蔬菜無可能百分百完美。如要切掉爛咗嘅菜葉、唔靚嘅蒂頭或根部等,記住洗菜後先好做,否則切口會流失蔬菜嘅營養。

 

 

你或會有興趣的相關文章:

同樣叫蘿蔔但原來唔同科│咪亂信紅白蘿蔔唔可以同煮

10大superfood│吃出抵抗力

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

 

相關文章
Jayanti正價產品一律7折!意大利有機天然護膚品Jayanti正價產品一律7折!意大利有機天然護膚品 雙眼失神人變老│3個令雙眼現老態原因雙眼失神人變老│3個令雙眼現老態原因 炸物沾番茄醬美味倍增│番茄醬高糖高鈉含味精│長期多食恐致病炸物沾番茄醬美味倍增│番茄醬高糖高鈉含味精│長期多食恐致病 空氣淨化如何選擇? 你的家用了適合你的空氣淨化機嗎?空氣淨化如何選擇? 你的家用了適合你的空氣淨化機嗎? 搽上面的抹茶│用於皮膚的Super Food搽上面的抹茶│用於皮膚的Super Food 疫情下被迫在家工作│4招擊退腰痠背痛疫情下被迫在家工作│4招擊退腰痠背痛 健康飲食少糖少鹽│提防4款調味醬隱藏高糖高鈉健康飲食少糖少鹽│提防4款調味醬隱藏高糖高鈉 起居生活清潔消毒│抗菌和殺菌有分別!起居生活清潔消毒│抗菌和殺菌有分別!