黑咖啡助控重提升運動表現│揀啱時間飲更有效| likemagazine.com.hk
Beauty & Health
黑咖啡助控重提升運動表現│揀啱時間飲更有效

黑咖啡助控重提升運動表現│揀啱時間飲更有效

每朝一杯黑咖啡,係好多上班族返工前嘅習慣。濃濃咖啡香,提神醒腦,令人充滿朝氣展開新一天。有研究指出,飲咖啡可以增加記憶力,令人遠離憂鬱,而且有護心作用。

 

黑咖啡熱量低

晨早來一杯咖啡,叫人心曠神怡。好多人都問:「飲咖啡對健康係好係壞?」多年嚟,正反各有支持者。對愛飲咖啡嘅人嚟講,當然唔想飲咖啡係毒害自己。而事實上,有不少研究都指出飲咖啡有好處。飲咖啡要對身體好,一定要飲黑咖啡,即係唔加糖唔加奶。糖和奶會令咖啡變成高糖高脂,糖和脂肪攝取過量當然對身體唔好。黑咖啡熱量非常低接近0卡路里,脂肪含量也很低,係進行控重嘅人理想飲品選擇之一。

 

飲咖啡可添壽

有研究發現,唔考慮年齡、體重、飲酒、食煙和咖啡因含量等因素下,飲咖啡與全因死亡率呈負相關。研究人員更表示,與完全不喝咖啡嘅人相比,每天適量喝下24杯咖啡,可降低全因及特定原因嘅死亡率,平均而言可以多活2年。飲咖啡除咗愈飲愈長壽外,更能降低罹患部分疾病嘅風險,例如:心血管疾病、糖尿病和呼吸系統疾病,甚至癌症。

 

一日兩杯為上限

雖然飲咖啡令人得到好處,但必要注意咖啡因嘅攝取量。有專家指出,咖啡因過量會造成心悸、心跳加速,甚至引起血壓上升,也可能會導致晚上睡不著覺,影響睡眠品質。營養師指,成人咖啡因安全攝取量為每日約300400毫克。以230毫升嘅普通咖啡為例,每杯平均就含200毫克咖啡因,一日飲兩杯已達上限。曾有研究指出,如果6小時內飲下含超過1000毫克咖啡因嘅飲品,相當於4450cc嘅美式咖啡,就可能會導致咖啡因的急性中毒,徵狀包括:躁不安、焦慮、易怒、心悸、噁心感、利尿、厭食等,嚴重更可能誘發低鉀血症、高血糖、代謝性酸中毒等。

 

運動前30分鐘控重效果佳

想飲咖啡得到更大益處,揀啱時間飲都重要。如果你有做運動習慣,飲完黑咖啡後運動,你會發覺效果更好。有研究指出,運動員喺開始訓練前攝取適量咖啡因,運動後3個小時內卡路里比平時多燃燒15%。專家建議,如欲飲黑咖啡減肥,最好喺運動前30分鐘飲黑咖啡,然後再進行燒脂嘅運動,效果更佳。

 

 

你或會有興趣的相關文章:

4月已有首宗本地登革熱│4個天然無害驅蚊法

多飲水食蔬果仍然便秘│專家建議3個另類方法

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
上班族壓力大心情差│必食呢5種營養素助紓壓上班族壓力大心情差│必食呢5種營養素助紓壓 黑芝麻細細粒益處多│美顏潤髮補血補肝黑芝麻細細粒益處多│美顏潤髮補血補肝 銀髮族常無胃口食得差│6個備餐心思提升食慾銀髮族常無胃口食得差│6個備餐心思提升食慾 新冠肺炎比沙士易感染眼部│在公共場所咪隨便摸眼捽眼新冠肺炎比沙士易感染眼部│在公共場所咪隨便摸眼捽眼 搽上面的抹茶│用於皮膚的Super Food搽上面的抹茶│用於皮膚的Super Food 工作太忙變肥易攰憂鬱│咪以為年紀大所致│可能係甲狀腺低下工作太忙變肥易攰憂鬱│咪以為年紀大所致│可能係甲狀腺低下 本地「有機」蔬菜驗出農藥殘餘│點樣洗菜先乾淨?本地「有機」蔬菜驗出農藥殘餘│點樣洗菜先乾淨? 係時候減走肥肉│朝早食水煮蛋輕鬆瘦身係時候減走肥肉│朝早食水煮蛋輕鬆瘦身