遇火警用口鼻掩濕毛巾│警告:擋不住致命濃煙| likemagazine.com.hk
Beauty & Health
遇火警用口鼻掩濕毛巾│警告:擋不住致命濃煙

遇火警用口鼻掩濕毛巾│警告:擋不住致命濃煙

台北卡拉OK發生大火,釀成5死悲劇。意外無人想見到,但萬一遇到意外,你又知道點逃生嗎?大火發生時,濃煙密布,如要提升逃出生天嘅機會,應該點做?相信大家都聽過「火警逃生三寶」:濕毛巾、鎖匙及手機,但有台灣消防員指出,咪以為拎住條濕毛巾就可以穿越濃煙保命,咁做隨時會令你致命。

 

濕毛巾不能助你穿越濃煙

當有火警發生,好多時傷者未必係被火燒傷,原來更多人係被濃煙嗆昏至死。火災發生初期,會先產生白煙,主要成分係水蒸氣,對人體危害較低;但當火燃燒一段時間後,就會釋出黑色、可燃性、含毒物嘅高溫氣體,呢啲就係濃煙。講到火警逃生知識,好多人都記得「火警逃生三寶」:濕毛巾、鎖匙及手機。手機作用係求救和通訊;拎鎖匙原因係萬一不能順利離開火場現場,危急時可以返入屋避一避,等候救援。至於濕毛巾,好多人都知道係用嚟掩住口鼻,減少濃煙刺激氣道。但要注意,濕毛巾只為你逃生稍稍加護,而唔係完全保護,甚至令你無懼濃煙啊!

 

有實驗指出,濕毛巾只能擋住濃煙入面嘅固體如:碳粒子,以及液體如炭渣或焦油。以為拎條濕毛巾就可以安全穿越濃煙逃生,未必諗多咗或想像力太豐富。事實上,暴露喺濃煙之中,只要吸到一口氣,都有機會令你窒息喪命。點解濕毛巾唔可以令你穿越濃煙呢?首先,濃煙中充斥有毒氣體,有毒氣體和氧氣都係氣體,如果濕毛巾可以撐住有毒氣體,同時都會擋住新鮮空氣,令你呼吸唔到。即係話,如果掩住濕毛巾都吸到氣,亦有機會將有毒氣體吸入。第二,濕毛巾遇熱會產生水蒸氣,當你用濕毛巾掩住口鼻時,一旦吸入熱蒸氣入呼吸道,有機會造成嚴重灼傷。

 

保持冷靜盡快離開現場

記住,濕毛巾嘅作用只係幫助你逃生時減少吸入濃煙,引起咳嗽不適,唔係好似著上保護衣,讓你穿越滿布濃煙嘅火警現場。因此,如遇火警,第一時間唔係揾濕毛巾,而係應盡快離開現場,離開時關上所有門。另外,離開現場時唔好用升降機,宜用最近嘅樓梯逃生。若果有濃煙堵塞去路,則可用濕毛巾掩住口鼻,而且應該喺煙下伏地爬行。若留喺單位內等待救援,應該應盡量阻止濃煙滲入單位,如用膠紙密封門邊罅隙,並把濕毛巾放在門底,在未受濃煙影響嘅房間打開窗戶呼吸新鮮空氣,然後在窗戶或露台懸掛被單,或揮動毛巾呼救,通知救援人員自己的位置。

 

 

你或會有興趣的相關文章:

揀啱機位好大影響?│小技巧教你坐至筍機位

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
紫藍色花茶夢幻療癒│蝶豆花泡茶3類人慎飲紫藍色花茶夢幻療癒│蝶豆花泡茶3類人慎飲 【 Sun Wakasa Gold Plus®真.美肌】助天然Collagen激増,保持年輕肌膚!【 Sun Wakasa Gold Plus®真.美肌】助天然Collagen激増,保持年輕肌膚! 港人研發紫外線消毒盒子│4分鐘殺滅隨身小物上細菌港人研發紫外線消毒盒子│4分鐘殺滅隨身小物上細菌 Jayanti正價產品一律7折!意大利有機天然護膚品Jayanti正價產品一律7折!意大利有機天然護膚品 日本人愛吃梅子消疲勞│梅子抗氧化助減重抗老日本人愛吃梅子消疲勞│梅子抗氧化助減重抗老 炸物沾番茄醬美味倍增│番茄醬高糖高鈉含味精│長期多食恐致病炸物沾番茄醬美味倍增│番茄醬高糖高鈉含味精│長期多食恐致病 春季忽冷忽熱易染病│提升免疫力7個飲食要點春季忽冷忽熱易染病│提升免疫力7個飲食要點 小便有泡擔心腎有事?│要分清泡沫尿和蛋白尿小便有泡擔心腎有事?│要分清泡沫尿和蛋白尿