疫情下被迫在家工作│4招擊退腰痠背痛| likemagazine.com.hk
Beauty & Health
疫情下被迫在家工作│4招擊退腰痠背痛

疫情下被迫在家工作│4招擊退腰痠背痛

疫情期間,好多上班族要在家工作。但屋企畢竟唔係辦公室,有人居住環境狹小,可能連一張可以正經嘅枱都無,只可以暫用家中嘅飯桌,甚或在床上工作。工作一整日後,唔止精神疲憊,而且頸梗膊痛腰又痠。身體係自己嘅,有痛有病都係自己受,所以在家工作日子,記住4個防腰痛要點。

 

1 良好坐姿

在家工作唔等於減輕工作,只不過將工作由一個空間換到另一個空間進行。返公要返足成日,喺屋企開工基本上都係要做足全日,所以就算屋企本來無工作枱,在家工作期間,無論如何都要清空屋企一個角落,僻為工作空間,咁先可以令自己專心工作。另外,即使空間唔大,建議無論如何都要有枱面而且有張凳,讓自己工作時可以坐好。有凳坐,保持坐姿良好,係改善腰痠第一步。首先,坐好後雙腳可以平穩咁踩喺地面,雙腳與肩同寬。在家工作雖然感覺自由啲,若因為太自由而坐得唔好,又盤腿又翹腳,就會好傷腰。若果喺屋企真係無張坐得啱啱好嘅凳,例如凳太高,令你無法舒服平踩到地,可以喺腳上放幾本書或盒子,讓雙腳能踩喺上面,避免懸空。

 

2 搵張合適嘅凳

在家工作容易分心,若果坐得唔舒服,更加難專心。因此在家工作期間,搵張合適嘅凳坐好重要。首先,凳背要夠高,能支撐腰部,避免增加脊椎和頸部嘅負擔。另外,記住「90/90原則」,即係坐低時,膝蓋彎曲約90度和地面垂直,而腰部和凳都呈90度。坐喺枱前,前臂可以輕鬆放喺枱面,枱面與上臂大約為90度。如果枱面放電腦,要留意視線和電腦螢幕水平線差不多或可稍微向下望,千祈唔好要抬高頭睇,否則增加頸部負擔。

 

3 坐梳化腰部要有支撐

若受家庭環境限制,情非得已要坐梳化開工,記得腰部一定要有支撐。屋企添置梳化時,你可能為一時舒適,揀梳化偏向軟身,讓你可以放鬆半坐半躺。但工作時,不能以半躺姿態容易令人鬆懈,繼而影響工作效率。長時間半躺姿勢亦對腰部健康不利。所以坐喺梳化工作時,腰部要有足夠支撐,如有需要可以利用枕頭、靠墊等令上半身可以打直,讓頸椎維持正確弧度。

 

4 60分鐘起身動一動

外國有研究指出,每日坐超過13小時,持續4天後,新陳代謝會變慢,即使喺跑步機上運動1小時,隔日再量度三酸甘油脂和血糖,情況都無改善。故此,在家工作時,既然唔受公司侷促環境影響,又唔怕騷擾到其他人,工作每60分鐘就最好起身郁下,做啲伸展運動,放鬆肌肉。

 

 

你或會有興趣的相關文章:

瞓醒總覺周身痛│可能因為瞓覺無翻身!

告別傳統Sit up│9招在家運動火速收腹

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

 

相關文章
打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 免費氣能掃描檢測!約10分鐘了解能量、經絡健康狀況免費氣能掃描檢測!約10分鐘了解能量、經絡健康狀況 遇上灰甲點算好?激光治療深入解決問題!遇上灰甲點算好?激光治療深入解決問題! 【 Sun Wakasa Gold Plus®真.美肌】助天然Collagen激増,保持年輕肌膚!【 Sun Wakasa Gold Plus®真.美肌】助天然Collagen激増,保持年輕肌膚! 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性