炸物沾番茄醬美味倍增│番茄醬高糖高鈉含味精│長期多食恐致病| likemagazine.com.hk
Beauty & Health
番茄醬高糖高鈉含味精│長期多食恐致病

炸物沾番茄醬美味倍增│番茄醬高糖高鈉含味精│長期多食恐致病

調味料之中,味道酸酸甜甜嘅番茄醬深得人心,除咗同薯條完美配搭外,用嚟沾炸雞,甚至撈意粉等都美味一流。番茄醬主要材料係番茄,一聽到番茄,以為就係健康嗎?現成番茄醬經加工製造,多糖又多鈉,偶爾食少少添美味,食得太多或長期食可引致肥胖,甚至其他嚴重疾病,危害身體健康。

 

含果糖可致肥胖

番茄醬味道又酸又甜,當作調味料可為食物添加風味,但你有諗過,番茄醬咁美味,係咩原因嗎?其實有啲廠家為使番茄醬入口味道更甜更濃郁,會添加「高果糖漿」。果糖可以喺水果、蔗糖、和蜂蜜中搵到,係一種容易被吸收嘅單糖,特點係甜度高,但由於果糖會經肝臟儲存成脂肪,因而被指不利健康。長期及多食番茄醬,不僅會造成肥胖,更會引起血壓升高、代謝症候群等。

 

加入味精添風味

另外,有無發覺番茄醬好似會食上癮?當食薯條時沾番茄醬,會難以自拔,停唔到口?想愈沾愈多?原來部分廠家會喺番茄醬加入味精,增加番茄醬嘅風味。味精向來被指多食有損健康,可引發氣喘相關嘅病症,嚴重更造成腦神經損傷。

 

小小一包鈉含量驚人

再者,番茄醬含鈉量非常高,一小包約10克嘅番茄醬,約有120毫克嘅鈉。根據世衞建議,成人每日鈉攝取量應少於1茶匙鹽,即約2,000毫克鈉。若以一日餐計,每餐約攝取鈉600多毫克,單食用一包番茄醬,便佔去一餐裡約1/4嘅鈉攝取量。若果為美味,多享幾包番茄醬,好容易超出健康標準。飲食攝取高鈉,可能增加患上高血壓的風險。

 

自家製味道自己作主

雖然番茄醬總有番茄成分,但番茄量好少,味道其實非天然,來自真正嘅番茄,而係加工合成,包括添加大量調味料如:鹽、醋、洋蔥粉、添味劑等,根本不能提供好營養如纖維或蛋白質等。因此,當你為美味而有意添加大量番茄醬時,停一停,諗一諗,美味適可而止。如要健康啲,當然最好自家做番茄醬,調味由自己作主,唔怕攝入過多無益嘅調味。

 

 

你或會有興趣的相關文章:

健康飲食少糖少鹽│提防4款調味醬隱藏高糖高鈉

人到中年膽固醇高│早上食番茄助心血管健康

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性